Боғланишлар* Муқаддима I боб. Бухгалтерия ҳисоби ҳисобварақлар режасининг умумий тавсифи

Пул эквивалентларини ҳисобга олувчи
счётларнинг (5600) боғланиши

5610 "Пул эквивалентлари (турлари бўйича)" счётининг корхона кассасидаги пул эквивалентлари (почта маркалари, чипталар ва бошқаларнинг номинал қиймати бўйича) мавжудлиги ва ҳаракати тўғрисидаги ахборотни умумлаштириш учун мўлжалланган.

Мазкур счётнинг дебетида, пул маблағларини ҳисобга олувчи счётлар билан боғланган ҳолда, пул эквивалентларининг харид қилиниши, кредити бўйича - харажатларни ҳисобга олувчи счётлар билан боғланган ҳолда, уларнинг сарф-харажат қилиниши акс эттирилади.

Т/р	Хўжалик операциясининг мазмуни	Боғланувчи счётлар		Ёзувларни тасдиқловчи ҳужжатлар
		дебет	кредит
1	Пул эквивалентлари нақд пулга харид қилинган	5610	5010	Счёт, чек, чиқим касса ордери
2	Пул эквивалентлари валюта кассаси орқали нақд пулга харид қилинган	5610	5020	Счёт, чек, чиқим касса ордери
3	Пул эквивалентлари ҳисобдор шахслар орқали харид қилинган:			Бўнак ҳисоботи
	- уларга бўнак берилган бўлса	5610	4220, 4230
	- уларга бўнак берилмаган бўлса	5610	6970
4	Пул эквивалентлари пул маблағларини ҳисоб-китоб счётидан ўтказиш йўли билан харид қилинган	5610	5110	Ҳисобварақ-фактура ёки юкхат, банк кўчирмаси
5	Пул эквивалентлари пул маблағларини валюта счётидан ўтказиш йўли билан харид қилинган	5610	5210, 5220	Ҳисобварақ-фактура ёки юкхат, валюта счётидан банк кўчирмаси
6	Пул эквивалентлари мол етказиб берувчилардан харид қилинган	5610	6010	Ҳисобварақ-фактуралар, юкхатлар
7	Пул эквивалентлари турли шахслардан харид қилинган	5610	6990	Ҳисобварақ-фактуралар, юкхатлар
8	Пул эквивалентлари асосий ишлаб чиқаришга сарф-харажат қилинган	2010	5610	Юкхатлар, талабномалар
9	Пул эквивалентлари ёрдамчи ишлаб чиқаришга сарф-харажат қилинган	2310	5610	Юкхатлар, талабномалар
10	Пул эквивалентлари сотиш бўйича харажатларга сарф-харажат қилинган	9410	5610	Юкхатлар, талабномалар
11	Пул эквивалентлари маъмурий харажатларга сарф-харажат қилинган	9420	5610	Юкхатлар, талабномалар
12	Инвентарлаш натижасида пул эквивалентлари камомади аниқланган	5910	5610	Инвентарлаш далолатномаси
13	Пул эквивалентлари камомади айбдор шахслар зиммасига юкланган	4730	5910	Инвентарлаш далолатномаси
14	Айбдор шахслар аниқланмаган тақдирда, пул эквивалентлари камомади зарарга ҳисобдан чиқарилган	9430	5910	Инвентарлаш далолатномаси
15	Пул эквивалентлари меҳнатга ҳақ тўлаш ҳисобига берилган	6710	5610	Ҳисоб-китоб тўлов ҳужжатлари

Йўлдаги пул маблағлари (ўтказмалари)ни
ҳисобга олувчи счётларнинг (5700) боғланиши

5710 "Йўлдаги пул маблағлари (ўтказмалари)" счётида йўлдаги Ўзбекистоннинг миллий валютасидаги ва чет эл валютасидаги пул маблағлари, яъни кредит ташкилотларининг кассаларига, жамғарма кассаларга ёки почта бўлимларининг кассаларига корхонанинг ҳисоб-китоб счётига ёки бошқа счётига ўтказиш учун киритилган, бироқ ҳали мақсади бўйича уларга тушмаган пул суммаларининг (асосан маҳсулотлар ва товарлар сотилишидан, хизматлар кўрсатилишидан, ишларни бажаришдан нақд пул тушуми ва пул ўтказмалари) ҳаракати тўғрисидаги ахборот умумлаштирилади.

Ушбу счёт бўйича суммаларни ҳисобга олиш учун кредит ташкилотининг, жамғарма кассасининг, почта бўлимининг квитанциялари, инкассаторларга тушум топширилганлиги тўғрисида илова ҳужжатларининг нусхалари, банкларнинг кўчирмалари ва мемориал ордерлари асос бўлиб ҳисобланади.
Мазкур счёт дебетида кассадаги ва бошқа пул маблағларини ҳисобга олувчи счётлар билан боғланган ҳолда пул ўтказмалари, кредитида - йўлдаги пулларнинг ҳисоб-китоб, валюта ва бошқа счётларга киритилиши акс эттирилади.