Бош илмий-методик марказ ўзбекистон республикаси

Ўқув режалари, ишчи ўқув дастури, талабанинг мустақил иши сифатини назорат қилиш бўйича комиссиялар. Кредит таълим тизимида олий ўқув юртларида ўқув жараёнини самарали ташкил қилишга ёрдам берувчи турли комиссиялар тузилиши мақсадга мувофиқ. Тажрибаларни ўрганиш шуни кўрсатадики, қатор хорижий олий ўқув юртларида бундай комиссиялар сифатида: ўқув режалари бўйича, ишчи дастурлар бўйича, ТМИ сифатини назорат қилиш, ўқитувчилар фаолиятини назорат қилиш ва баҳолаш, касбга йўналтириш, ўқув жараёнига илмий ютуқларни татбиқ этиш бўйича комиссиялар жорий этилиши мумкин.
Ўқув режалари бўйича комиссия. Комиссия фаолиятининг мақсади – бутун ўқув даври учун йўналишлар бўйича ишчи ўқув режаларини ишлаб чиқишдир. Комиссия фаолияти қуйидагиларни ўз ичига олади:
1) танлов фанлари рўйхатини шакллантириш ва тизимга солиш;
2) кафедраларга йўналишлар бўйича пререквизитларни аниқлашда ёрдам бериш;
3) ишчи ўқув режаларини тузиш.
Комиссия аъзоларининг мажбуриятлари қуйидагилардан иборат:
1) ўқув режалари бўйича комиссия ишида мунтазам иштирок этиш;
2) талабанинг ўқув траекториясини шакллантириш бўйича семинарлар ишида иштирок этиш;
3) танлов фанларини танлаш бўйича асосий ҳолатларни мунтазам равишда ишлаб чиқиш;
4) танлов фанлари рўйхатига киритиш учун фанларнинг тайёрлигини экспертиза қилиш;
5) пререквизитлар тизимини шакллантириш бўйича асосий ёндашувларни ишлаб чиқиш.
Ишчи ўқув дастури бўйича комиссия. Ушбу комиссия ишчи ўқув дастури бўйича, дастурларни ишлаб чиқиш сифатини назорат қилиш мақсадида ташкил қилинади. Комиссия фаолияти қуйидагиларни ўз ичига олади:
1) ишчи ўқув дастури тузилмасини шакллантириш;
2) ишчи ўқув дастурларини тузишни ташкил қилиш;
3) ўқув дастурлари каталогини ишлаб чиқиш.
Комиссия аъзоларининг мажбуриятлари қуйидагилардан иборат:
1) фанлар бўйича ишчи дастурларни ишлаб чиқиш ва уларни муҳокама қилиш;
2) ўқув дастурлари каталогини тузиш;
3) барча фанлар бўйича ишчи ўқув дастурлари сифатини баҳолаш.