Bosh ilmiy-metodik markaz fayziyeva maxbubaxon raximjonovna raqamli transformatsiya sharoitida ta

Tadqiqotning amaliy natijalari quyidagilardan iborat:
raqamli texnologiyalarni ta’limga integratsiyasini samarali amalga oshirish omillari hamda o‘quvchilarda raqamli savodxonlikni rivojlantirishga qaratilgan “Informatika va axborot texnologiyalari” faning konsepsiyasi, milliy o‘quv dasturi ishlab chiqilgan.
raqamli texnologiyalar mazmuni, turlari va o‘quvchilarni raqamli texnologiyalardan foydalana olish ko‘nikmalarini shakllantirishga qaratilgan ularni “Informatika va axborot texnologiyalari” fani 6-11 sinf darsliklari yaratilgan;
Raqamli transformatsiya sharoitida ta’lim platformalarini yaratish talablari, bosqichlari va pedagogik loyihalash jarayonlari kabi mazmunni qamrab oluvchi “Web dizayn” (№418) o‘quv qo‘llanmasi, “Raqamli texnologiyalar va sun’iy intellekt” (№232-220) darsligi nashr etilgan;
raqamli ta’lim platformalarini o‘quv resurslarini ishlab chiqishning tahlil qilish, standartlarni aniqlash, faollashtirish, loyihalash, ishlab chiqish, amalga oshirish va baholash kabi pedagogik dizayn modeli va TPACK, SAMR, RAT, PICRAT texnologiyalari asosida raqamli ta’lim platformasi(DGU 20226196, 14.11.2022) hamda raqamli ta’lim platformalarini amaliyotga joriy etishning didaktik modeli ishlab chiqilgan;
raqamli ta’lim platformasini yordamida “Informatika va axborot texnologiyalari” fanini o‘qitishning “blended learning”, “flipped classroom”, “project-based”, “collaborative”, “gamifacition” kabi ta’lim texnologiyalaridan foydalanishning xususiy-metodik asoslari hamda dars ishlanmalari 6-,8-,9- sinf “Informatika va axborot texnologiyalari” o‘qituvchi kitobiga kiritilgan.
Tadqiqot natijalarining ishonchliligi dissertatsiya ishida foydalanilgan nazariy yondashuvlar, usullar va nazariy ma’lumotlar rasmiy manbalardan olinganligi, respublikamiz va xorijiy davlatlar olimlari, shuningdek, amaliyotchilarning ishlariga asoslanganligi, keltirilgan tahlillar va tajriba-sinov ishlarining reprezentativligi hamda olingan natijalarning samaradorligining matematik-statistika metodlari yordamida tasdiqlanganligi, xulosa, taklif va tavsiyalarning amaliyotga joriy etilganligi, olingan natijalarning vakolatli tashkilotlar tomonidan tasdiqlanganligi bilan izohlanadi. Natijalar matematik statistika metodlarini samarali qo‘llashga imkon beruvchi «SPSS» dasturi vositasida qayta ishlandi.