“Бошқарув қарорлари” мавзуси юзасидан кейслар тўплами, амалий топшириқлар, ишланмалар, амалий масалалар ва кейслар

KIRISH
Keysning dolzarbligi. Xo‘jalik faoliyatida boshqaruv qarorlar odatda iqtisodiy tabiati bilan ajralib turadi. Buning sababi ishlab chiqarishning tub mohiyatidan kelib chiqadi, chunki har bir ishlab chiqarish foyda olishni ko‘zda tutadi. Noto’g’ri boshqaruv birinchi o‘rinda foydani kamayishiga olib keladi.
Ayniqsa muqobil ishlab chiqarish iqtisodiy hisoblarni bajarilishini talab qiladi. Marketing nuqtai nazaridan talabga mos hajmdagina mahsulot ishlab chiqarish zarur. Kapitalning samaradorligini ta’minlash ishlab chiqarishning mumkin bo‘lgan eng katta hajmi va zarur bo‘lgan eng kichik hajmi to‘g‘risidagi aniq ma’lumotga ega bo‘lishni talab qiladi.
Bunday bilimlar foydaning muqobil hajmini aniqlashga ham yordam beradi.
Yuqoridagi muammoni qisman hal qilish uchun zararsizlik nuqtasini aniqlovchi kritik nisbatlar kartasi usuli qo‘llanildi. Ushbu usulning asosida tushum va xarajat nisbatini aniqlash yetadi. Ushbu usulning qo‘llanishi menejerlarga qaror qabul qilishga iqtisodiy yondashishni o‘rgatadi, tavakkalni hisobga olish yo‘llarini ko‘rsatadi va muqobillik tamoyillarini tushuntiradi.

• 
  VAZIYAT: “Jizzaxtog’konkimyo” masuliyati cheklangan jamiyati raisi Usmanov Akmal Yuldashovich o‘zining o‘rtog‘i bilan choyxonada uchrashib qolishdi. Bir-birlari bilan o‘zaro hol-ahvol so‘rashib, Usmanov Akmal Yuldashovich kayfiyati yo‘qligini o‘rtog‘i darhol sezib, qadrdon do‘stidan oilasini tinchligini, sog‘lig‘ini yaxshiligini bilib olganidan keyin, nima uchun kayfiyati yomon ekanligini quyidagi do‘stining bildirgan fikrlaridan tushunib oldi.
  

Keyingi yillarda men boshqarayotgan korxonada foyda kamayib, xarajatlar oshib bormoqda. Korxonada xodimlar ishga uz vaktida kelmayapti. Joriy yilda 10 ga yaqin ishchi-xodimlarni o‘z ishiga ma’suliyatsizligi tufayli mehnat shartnomasini bekor qildim. Korxona boshqaruvida to’g’ri usulni tanlay olmayapti. Umuman, korxona faoliyatidan qoniqish hosil qila olmayapman.
TOPShIRIQ: Yuqoridagi bildirilgan fikrlarga tayanib, hamda “Jizzaxtog’konkimyo” masuliyati cheklangan jamiyatini ishlab chiqarish va sotish xarajatlari holatini, tuzilishini tahlil qilish asosida, korxonaning xarajatlarni kamaytirish bo‘yicha boshqaruv usullaridan samarali foydalanib, korxonaning iqtisodiy ko‘rsatkichlarini yaxshilash bo‘yicha maqsadli tadbirlar tizimini ishlab chiqish va asoslash.