Bosim orttiruvchi nasos uskunasi

Bino suv ta’minoti tarmog‘i jihozlari va trubalari.
Tayanch so‘z va iboralar: po‘lat vodogazoprovod trubasi, cho‘yan trubalar, plastmassa trubalar, san-texnik jihozlar, suv berish krani ventli, vanna krani, aralashtirgich klapan, dush umivalnik, aeatorli umivalnik, vanna aralashtirgichi zadvijka, ventil.

Ichki suvquvur tizimida po‘lat, cho‘yan, asbestosement va plastmassa quvurlar ishlatiladi. Quvurlarning materialini tanlashda ular berilgan hisobiy sarfni ta’minlashi, suvning sifatiga ta’sir qilmaydigan, yetarli darajada uzoq yillarga chidaydigan, og‘ir bo‘lmagan, arzon, montaj uchun qulay, korroziyagi chidamli bo‘lishi kerak. Plastmassa quvurlaring bir qator afzalliklarga ega: korroziyaga chidamli, gidravlik qarshiligi unga qatta emas, yengil (po‘lat quvurlardan 7–8 barobar) montaj qilish qulay. Eng asosiy xususiyati po‘latning o‘rnini bosadi. Hozirgi kunda suv taminoti tizimlari uchun yuqori zichlikka ega bo‘lgan polimer quvurlari (PVP), zichligi kichik (PNP) va polipropilen (PP) quvurlar ishlatilmoqda. Sanoatda PVP va PNPlarning diametri 10 mm dan 150 mm gacha, shartli bosimi R4 = 0,6 MPa bo‘lgan turlari ishlab chiqariladi. Polipropilen (PP) quvurlar diametri 20 mm dan 300 mm gacha va bosimi R = 0, 7 MPa da ishlab chiqariladi. Plastmassa quvurlari payvandlash, rastrub yoki mufta yordamida flaneslar yoki gayka bilan birlashtiriladi. Bosim ostida ishlovchi asbest-sement va cho‘yan quvurlardan tarmoqning mavze ichidagi binoga kiritish quvurlarida qo‘llaniladi. Montaj qilish jarayoni yengil, mustahkam, egiluvchan xususiyatiga ega bo‘lgan po‘lat quvurlardan keng foydalaniladi. Odatda, binolarga suv bilan ta’minlash tarmoqlarini o‘tkazish uchun diametri 10 mm dan 150 mm gacha bo‘lgan suv-gaz o‘tkazuvchi po‘lat quvurlar ishlatiladi. Klapanlar – berkitish va boshqarish a’zolari zichlangan yuzaning markazi o‘qi bo‘ylab kelish-qaytish usilida harakat qiladi yoki o‘qi atrofida, oqib o‘tadigan moddaning oqim o‘qiga perpendikular holatda aylanadi. Berkitish klapanlari quvur tarmog‘ining bo‘limlarini o‘chirish uchun xizmat qiladi, boshqarish klapanlari oqiziladigan moddalarning bosimini yoki miqdorini o‘zgartirish (suv, gaz, neft) uchun xizmat qiladi.Klapanlar ochiq va yopiq bo‘ladi. Yopiq turdagi ishchi muhit suvquvurga uloqtiriladi. Bunday holda klapan germetik bo‘lib, bosimga qarama-qarshi ishlaydi. Ehtiyot qiladigan klapanga quyidagi talablar qo‘yiladi: – tizimdagi belgilangan chegaraviy bosim to‘liq ochilganida to‘xtamasdan ishlashni ta’minlashi lozim;Ichki suv ta’minoti quvurlari tizimini boshqarish va iste’molchilarga suvni tarqatish yopish, sozlash va muhofaza qiluvchi turli vazifali va ishlash prinsipi turlicha bo‘lgan armaturalar yordamida amalga oshiriladi. Ichki tarmoqdagi berkitish armaturasini har bir binoga kirish joyiga o‘rnatilishi ko‘zda tutiladi: halqali tarqatuvchi tarmoqning alohida uchastkalari ta’mirlanayotganida yong‘inga qarshi jo‘mraklar soni 5 va undan ortiq bo‘lsa, 3 qavatli va undan baland bo‘lgan binolarning xo‘jalik-ichimlik va sanoat korxonasining suv ta’minoti tarmog‘ida 5 va undan ortiq suv tarqatish nuqtasi bo‘lsa; turar joy binosidagi har bir xonadonda yoki mehmonxonalarda, yuvish bakchalarining uzatmalarida yuvish va aralashtirish jo‘mraklari hamda to‘ldiruvchi (yuvish bakchalaridagi suzib yurish klapanlari) nazarda tutiladi.