Бухоро вилояти ҳокими Б. Зарипов

“ТАСДИҚЛАЙМАН”
Бухоро вилояти ҳокими

______________Б.Зарипов

2022 йил “30” сентябрь

Вилоят ҳокимлигида ўтказилган йиғилиш
БАЁНИ


2022 йил “29” сентябрь Бухоро шаҳри

Раислик қилувчи:	­	Б.Зарипов – Бухоро вилояти ҳокими
Иштирок этганлар:		Ф.Ибрагимова – вилоят ҳокимининг ўринбосари
		Вилоят бошқарма ва ташкилотлари раҳбарлари (рўйхат асосида)

КУН ТАРТИБИ:

Вазирлар Маҳкамасининг 2022 йил 26 сентябрдаги 4-сон (10-33/1-465) мажлис баёни ижросини таъминлаш ҳамда вилоятда “Кексалар ҳафталиги”га тайёргарлик кўриш ва уни юқори савияда ўтказиш чора-тадбирлари тўғрисида

(Б.Зарипов, Ф.Ибрагимова, С.Ҳусенов, А. Ғуломов, Д.Неъматов, Б.Зарипов)

Мамлакатимизда Давлат Раҳбарининг ташаббуси билан кекса авлод вакилларини ҳар томонлама қўллаб-қувватлаш, уларнинг ҳаёт сифати ва узоқ умр кўриш даражасини ошириш учун қулай шарт-шароитлар яратиш, шунингдек, оилалар ва маҳаллаларда тинчлик ва осойишталикни таъминлаш ҳамда ёш авлодни халқимизнинг кўп асрлик анъаналарини ҳурмат қилиш руҳида тарбиялашда кексаларнинг ролини оширишга қаратилган кенг кўламли ислоҳотлар амалга оширилмоқда.

Ўзбекистон Республикаси Президентининг 2022 йил 15 мартдаги “Нуронийларни ҳар томонлама қўллаб-қувватлаш, уларнинг турмуш даражасини оширишга доир қўшимча чора-тадбирлар тўғрисида”ги
ПҚ-167-сонли қарори билан Бирлашган Миллатлар Ташкилотининг Бош ассамблеяси томонидан 1 октябрь - Халқаро қариялар куни деб эълон қилинганлигини инобатга олиб, ҳар йили октябрь ойининг биринчи ҳафтасини "Кексалар ҳафталиги" сифатида кенг нишонлаш белгиланган.
Ўзбекистон Республикаси Вазирлар Маҳкамасининг 2019 йил 27 сентябрдаги 816-сон қарори билан тасдиқланган Низом ҳамда 2022 йил
26 сентябрдаги 4-сон (10-33/1-465) мажлис баёни асосида Кексалар ҳафталигини жорий йилнинг 3-9 октябрь кунлари “Кексаларни эъзозлаш, уларга ҳурмат-эҳтиром кўрсатиш – халқимизга хос эзгу фазилат” деган ғоя остида кенг нишонлаш ва юқори савияда ташкил этиш мақсадида Бухоро вилояти ҳокимлиги