Буйруғи суғурталовчилар молиявий-хўжалик фаолиятининг бухгалтерия ҳисоби счётлар режасини тасдиқлаш тўҒрисида

Т/р	Хўжалик операцияларининг мазмуни
Счётларнинг боғланиши
Дебет	Кредит
1.	Тугатиш, сотиш, текинга бериш, устав капиталига улуш сифатида бериш, молиявий ижара шартномаси бўйича бериш, камомад ёки йўқолишини аниқланиши натижасида чиқиб кетаётган асосий воситалар объектларининг бошланғич қийматини ҳисобдан чиқариш	9210	0110—0190
2.	Чиқиб кетаётган асосий воситалар бўйича эскириш	0210—0290	9210
3.	Асосий воситаларнинг чиқиб кетиши билан боғлиқ ёрдамчи ишлаб чиқаришнинг хизматлари ва харажатлари ҳисобдан чиқарилди	9210	2310
4.	Асосий воситаларнинг чиқиб кетиши бўйича операцияларда иштирок этаётган ишчиларга меҳнат ҳақи ҳисобланди	9210	6710
5.	Асосий воситаларнинг чиқиб кетиши бўйича операцияларда иштирок этаётган ишчиларга ҳисобланган меҳнат ҳақи суммасидан ижтимоий суғурта ажратмалари амалга оширилди	9210	6520
6.	Асосий воситаларнинг чиқиб кетишида кўрсатилган хизматлар учун бошқа корхоналарга бўлган қарз	9210	6990
7.	Асосий воситалар объектларини молиявий ижарага бериш натижасида ҳосил бўлган келгуси давр даромадлари ҳисобдан чиқарилди	9210	6230, 7230
8.	Мавжуд асосий воситалар объектлари молиявий ижарасининг тўлиқ муддати давомида олинадиган ижара тўловлари суммаси (ижарага берувчида)	0920	9210
9.	Асосий воситаларнинг чиқиб кетишидан қолган материалларнинг кирим қилиниши	1010—1090	9210
10.	Асосий воситаларнинг чиқиб кетишидан банкка келиб тушган тушум (нақдсиз ҳисоб-китоблар бўйича)	5110	9210
11.	Харидорларнинг уларга сотилган асосий воситалар учун қарзи	4010	9210
12.	Шўъба ва қарам хўжалик жамиятларининг уларга сотилган асосий воситалар учун қарзи	4120	9210
13.	Асосий воситаларнинг чиқиб кетиши бўйича муомалаларнинг молиявий натижаларини аниқлаш:
	а) фойда	9210	9310
	б) зарар	9430	9210
14.	Чиқиб кетаётган номоддий активларни ҳисобдан чиқариш (сотиш, ҳисобдан чиқариш, текинга бериш ва ҳоказо)	9220	0410—0490
15.	Харидорларнинг уларга сотилган номоддий ва бошқа активлар учун қарзи	4010	9220
16.	Номоддий ва бошқа активлар шўъба ва қарам хўжалик жамиятларига сотилди	4120	9220
17.	Сотилган материалларнинг таннархи ҳисобдан чиқарилди	9220	1010—1090
18.	Четга чиқарилган материаллар қийматидаги фарқлар ҳисобдан чиқарилди	9220	1610
19.	Ўстиришда ва боқувда бўлган ҳайвонларнинг четга чиқарилиши	9220	2710
20.	Қимматли қоғозларни сотиш	9220	0610, 5810
21.	Суғурталовчи томонидан чет эл валютасини сотиш кунидаги курси бўйича қайта ҳисоблаш орқали сотиш	5110, 5510—5530	9220
22.	Чет эл валютасини сотиш билан боғлиқ харажатлар	9220	5110—5530
23.	Бошқа активларни сотишдан тушум валюта ва ҳисоб-китоб счётларига келиб тушди	5110, 5210	9220
24.	Ўзбекистон Республикаси Марказий банки курси бўйича сотишда чет эл валютасини ҳисобдан чиқариш	9220	5210—5220
25.	Бошқа активларнинг чиқиб кетиши бўйича муомалаларнинг молиявий натижасини аниқлаш:
	а) фойда	9220	9320
	б) зарар	9430	9220
26.	Ишлаб топилмаган мукофотлар захирасининг (РНП) ҳисобланиши:
	РНПнинг ошган суммаси, ёки	9230	8010
	РНПнинг камайиш суммаси	8010	9230
27.	Ишлаб топилмаган мукофотлар захирасидаги қайта суғурталовчининг улушининг ҳисобланиши:
	ушбу захирадаги қайта суғурталовчилар улушининг ошган суммаси, ёки	8110	9230
	ушбу захирадаги қайта суғурталовчилар улушининг камайган суммаси	9230	8110
28.	Содир бўлган лекин, хабар қилинмаган зарарлар захирасининг (РПНУ) ҳисобланиши:
	РПНУнинг ошган суммаси, ёки	9250	8020
	РПНУнинг камайиш суммаси	8020	9250
29.	Содир бўлган лекин, бартараф қилинмаган зарарлар захирасидаги қайта суғурталовчилар улушининг ҳисобланиши:
	ушбу захирадаги қайта суғурталовчилар улушининг ошган суммаси, ёки	8130	9240
	ушбу захирадаги қайта суғурталовчилар улушининг камайган суммаси	9240	8130
30.	Хабар қилинган, бартараф қилинмаган зарарлар захирасининг (РЗУ) шаклланиши	9250	8030
31.	Суғурта товонининг тўланиши билан мажбуриятнинг тугатилиши	8030	9250
32.	Зарарни бартараф қилиш харажатлари	8030	9250
33.	Суғурталовчи мажбуриятларининг тугатилиши: хабар қилинган зарарларни бартараф қилиш бўйича суғурталовчининг харажатлари суммасига оширилган хабар қилинган зарар	8030	9250
34.	Хабар қилинган лекин, бартараф этилмаган зарарлар захирасидаги қайта суғурталовчилар улуши	8120	9250
35.	Хабар қилинган лекин, бартараф этилмаган зарарлар захирасидаги қайта суғурталовчилар улушининг суғурта товонини тўлаш бўйича мажбуриятлари тугатилгандан кейин ҳисобдан чиқарилиши	9250	8120
36.	Фалокатлар захирасининг (РК) ҳисобланиши:
	РКнинг ошган суммаси, ёки	9260	8060
	РКнинг камайиш суммаси	8060	9260
37.	Зарарлиликнинг тебраниши захирасининг (РКУ) ҳисобланиши:
	РКУнинг ошган суммаси, ёки	9270	8070
	РКУнинг камайиш суммаси	8070	9270
38.	Ҳаёт суғуртаси бўйича захирани (РЖ) ҳисоблаш:
	РЖнинг ошган суммаси, ёки	9280	8090
	РЖнинг камайиш суммаси	8090	9280
39.	Ҳаёт суғуртаси захирасидаги қайта суғурталовчилар улушининг ҳисобланиши:
	ушбу захирадаги қайта суғурталовчилар улушининг ошган суммаси, ёки	8140	9280
	ушбу захирадаги қайта суғурталовчилар улушининг камайган суммаси	9280	8140
40.	Активларнинг номувофиқлиги захирасининг (РНСА) ҳисобланиши:
	РНСАнинг ошган суммаси, ёки	9290	8050
	РНСАнинг камайиш суммаси	8050	9290
41.	Суғурта захиралари ўзгариши натижасини ҳисобга олувчи счётларнинг ёпилиши:
	дебет томонидаги қолдиқ	9030	9230, 9240, 9250, 9260, 9270, 9280, 9290
	кредит томонидаги қолдиқ	9230, 9240, 9250, 9260, 9270, 9280, 9290	9030

(429-банднинг жадвали Ўзбекистон Республикаси Молия вазирининг 2017 йил 18 сентябрдаги 131-сонли (рўйхат рақами 1813-2, 10.10.2017 й.) буйруғи таҳририда — Қонун ҳужжатлари маълумотлари миллий базаси, 11.10.2017 й., 10/17/1813-2/0088-сон)
4-§. Асосий фаолиятнинг бошқа даромадларини ҳисобга олувчи счётлар (9300)
430. Асосий фаолиятнинг бошқа даромадлари тўғрисидаги ахборотларни умумлаштириш қуйидаги счётларда амалга оширилади:
9310 «Асосий воситаларнинг чиқиб кетишидан фойда»;
9320 «Бошқа активларнинг чиқиб кетишидан фойда»;
9330 «Ундирилган жарима, пеня ва устамалар»;
9340 «Ўтган йиллар фойдалари»;
Олдинги таҳрирга қаранг.
9350 «Оператив ижарадан даромадлар»;
(430-банднинг олтинчи хатбошиси Ўзбекистон Республикаси Молия вазирининг 2017 йил 18 сентябрдаги 131-сонли (рўйхат рақами 1813-2, 10.10.2017 й.) буйруғи таҳририда — Қонун ҳужжатлари маълумотлари миллий базаси, 11.10.2017 й., 10/17/1813-2/0088-сон)
9360 «Кредитор ва депонент қарзларни ҳисобдан чиқаришдан даромадлар»;
9370 «Хизмат кўрсатувчи хўжаликлар даромадлари»;
9380 «Текин қайтарилмайдиган молиявий ёрдам»;
9390 «Бошқа операцион даромадлар».
431. Ҳисобот даврининг охирида асосий воситаларнинг чиқиб кетишидан фойда суммаси 9310 «Асосий воситаларнинг чиқиб кетишидан фойда» счётининг кредитида 9210 «Асосий воситаларнинг чиқиб кетиши» счёти билан боғланган ҳолда акс эттирилади.
432. Ҳисобот даврининг охирида бошқа активларнинг чиқиб кетишидан фойда суммаси 9320 «Бошқа активларнинг чиқиб кетишидан фойда» счётининг кредитида 9220 «Бошқа активларнинг чиқиб кетиши» счёти билан боғланган ҳолда акс эттирилади.
433. Хўжалик шартномаларининг шартларини бузганликлари учун қарздорлардан ундирилган жарималар, пеня, устамалар ва бошқа жарима турлари, шунингдек етказилган зарарларни қоплаш бўйича даромадлар 9330 «Ундирилган жарима, пеня ва устамалар» счётининг кредитида пул маблағларини ҳисобга олувчи счётлар ёки олинадиган счётлар билан боғланган ҳолда акс эттирилади.
434. Ҳисобот даврида аниқланган ўтган йиллар фойдалари 9340 «Ўтган йиллар фойдалари» счётининг кредитида пул маблағларини ҳисобга олувчи счётлар ёки тегишли олинадиган счётларнинг дебети билан боғланган ҳолда акс эттирилади.
Олдинги таҳрирга қаранг.
435. Мулкни оператив ижарага беришдан даромадлар 9350 «Оператив ижарадан даромадлар» счётининг кредитида 4820 «Оператив ижара бўйича олинадиган тўловлар» счёти билан боғланган ҳолда акс эттирилади.
(435-банд Ўзбекистон Республикаси Молия вазирининг 2017 йил 18 сентябрдаги 131-сонли (рўйхат рақами 1813-2, 10.10.2017 й.) буйруғи таҳририда — Қонун ҳужжатлари маълумотлари миллий базаси, 11.10.2017 й., 10/17/1813-2/0088-сон)
436. Даъво муддати ўтиб кетган кредитор ва депонент қарзларни ҳисобдан чиқаришдан даромадлар 9360 «Кредитор ва депонент қарзларни ҳисобдан чиқаришдан даромадлар» счётининг кредитида кредитор ва депонент қарзларни ҳисобга олувчи счётлар билан боғланган ҳолда акс эттирилади.
437. 9370 «Хизмат кўрсатувчи хўжаликлар даромадлари» счётида шу суғурталовчининг асосий фаолияти бўйича маҳсулот ишлаб чиқариш, ишлар бажариш ва хизматлар кўрсатиш билан боғлиқ бўлмаган даромадлар ҳисобга олинади. Буларга суғурталовчи балансида бўлган соғлиқни сақлаш объектлари, болалар боғчалари, уй-жой-коммунал хўжалиги, маданият ва спорт объектларидан олинган даромадлар киради.
438. Пул маблағлари ва пул эквивалентлари кўринишида текинга олинган даромадлар 9380 «Текин қайтарилмайдиган молиявий ёрдам» счётининг кредитида пул маблағлари ва пул эквивалентларини ҳисобга олувчи счётлар билан боғланган ҳолда акс эттирилади.
439. Бошқа операцион фаолиятдан олинган даромадлар 9390 «Бошқа операцион даромадлар» счётининг кредитида пул маблағларини ҳисобга олувчи счётлар ёки олинадиган счётлар билан боғланган ҳолда акс эттирилади.
440. Асосий фаолиятнинг бошқа даромадларини ҳисобга олувчи счётлар (9300)нинг боғланиши
Олдинги таҳрирга қаранг.