Buxoro davlat tibbiyot instituti

 
Vaziyatli masala №14 
22 yoshli birinchi marta tug’uvchi ayol tug’ruq bo’limiga dardlar boshlangandan 
10 soat o’tgach yotqizildi. Qog’onoq suvlari ketmagan. Homiladorlik muddatiga 
yetgan, asoratlarsiz kechgan. Chanoq normal. Homila holati ko’ndalang, oldinda 
keluvchi qismi aniqlanmaydi. Homila yurak urishi kindik sohasida, o’ngda 136 marta 
1 minutda, ritmik, aniq. Dardlar kuchsiz, qisqa, har 8-10 minutda 25-30 sekunddan. 
Oxirgi 2 soat davomida tug’ruq faoliyati o’zgarishsiz qolmoqda. Qin orqali 
tekshirish: qinga kirish tug’magan ayolga xos, bachadon bo’yni tekislangan, chetlari 
qalin, 4 sm ochilgan. Homila pufagi butun. Homilaning oldingi kelgan qismi 
aniqlanmaydi. Dumg’aza burni yetib bo’lmaydi. Chanoq deformatsiyasi yo’q.

---

~ 23 ~ 
Sizga bemorni tekshirish, taxminiy diagnoz, vaziyatni baholash va taktika uchun 
vaqt ajratildi. 
I. Dastlabki tashxis. Homiladorlik 1, 40 hafta, tug’ruq 1, tug’ruqning 1-davri, 
homilaning ko’ndalang yotishi, tug’ruq kuchlarining sustligi. 
II. Asosiy tekshirish usullari.
1. Bachadon tubi balandligini aniqlash. 
2. Bachadon tubida homilaning yotgan qismini aniqlash. 
3. Homila vaziyatini aniqlash. 
4. Homila yurak urishini eshitish. 
5. Qorin aylanasi, bachadon tubi balandligini o’lchash. 
6. Homilaning taxminiy vaznini aniqlash. 
7. Ma’lumotlarni partogrammaga yozish. 
III. Qo’shimcha tekshirish usullari.
1. Arterial qon bosimini ikkila qo’lda o’lchash. 
2. Pulsni tekshirish.
3. Homilador o’pkasi va yuragi auskultatsiyasi. 
4. Ultratovush tekshiruvi. 
5. Laboratoriya natijalari. 
IV. Diagnozni asoslash. (bemorning shikoyatlari, anamnez ma’lumotlari, 
laborator tekshirish natijalari).