"Byudjet hisobi" fanining asosiy maqsadi talabalarda moliya organlari

 

---

TAKRORLASH VA MUNOZARA UCHUN SAVOLLAR: 
1. Byudjet xarajatlari tasnifini tushuntirib bering? 
2. Byudjet xarajatlari kassa ijrosi nimani anglatadi? 
3. Moliya organlarida xarajatlar hisobini xujjatlashtirish tartibini tushuntirib bering? 
4. Davlat byudjeti, jamg‘armalar byudjeti, byudjetdan mablag‘ oluvchi tashkilotlarning 
byudjetdan tashqari mablag‘lari hisobiga amalga oshirilgan xarajatlarni buxgalteriya yozuvlarida 
aks ettirishni tushuntirib bering?
 
5-MAVZU: BYUDJETLARARO MUNOSABATLAR HAMDA QARZLAR HISOBI 
 
REJA: 
1. Byudjet ssudasi va uning hisobi hususiyatlari.
2.Byudjet ssudasini xujjatlashtirish va hisob registrlarida aks ettirish.
3.Byudjetlararo munosabatlar va ular hisobini maqsadi hamda vazifalari.
4.Byudjetlararo o‘zaro hisob-kitoblarni xujjatlashtirish va hisob registrlarida aks ettirish 
5.Byudjetlararo munosabatlar hamda qarzlar hisobini yuritishda xorij tajribasi. 
 
1. Byudjet ssudasi va uning hisobini hususiyatlari.
Byudjet ssudasi - yuqori byudjetdan quyi byudjetga yoxud respublika byudjetidan rezident-
yuridik shaxsga yoki chet el davlatiga qaytarish sharti bilan ajratiladigan mablag‘dir. 
Yuqori byudjetdan quyi byudjetga byudjet ssudalarini berish O‘zbekiston Respublikasi moliya 
vazirining 2001 yil 28 iyundagi 58-sonli buyrug‘i bilan tasdiqlangan Qoraqalpog‘iston 
Respublikasi byudjetiga, mahalliy byudjetlarga byudjet ssudalarini berish va olingan byudjet 
ssudalarini so‘ndirish tartibi to‘g‘risidagi Nizom (2001 yil 19 iyulda 1052-son bilan ro‘yxatga 
olingan) bilan belgilangan tartibda amalga oshiriladi. 
Byudjet ssudalari daromadlar va xarajatlar o‘rtasida paydo bo‘ladigan vaqtinchalik kassa 
uzilishlarni qoplash uchun yuqori byudjetdan quyi byudjetga berilishi mumkin. Byudjet ssudalari 
Respublika 
byudjetidan 
Qoraqalpog‘iston Respublikasi va mahalliy byudjetlarga, 
Qoraqalpog‘iston Respublikasi va mahalliy byudjetlardan byudjet ssudalari Qoraqalpog‘iston 
Respublikasi va mahalliy byudjetlar tarkibiga kiradigan shaharlar va tumanlarning byudjetlariga 
berilishi mumkin (1-chizma).