Byudjet tashkilotlarida xodimlarga pensiya bilan bog’liq xarajatlarni hisobini yuritish amaliyoti va uni audit qilishda yuzaga kelishi mumkin bo’lgan xato va kamchliklar

Buxgalteriya provodkasi:

№	Muomalalar mazmuni	D-t	K-t	Asos bo’luvchi hujjat
1	Kassadagi aniqlangan kamomadlar, talon-tarojlar, va shu kabilar, aybdor shaxsning hisobiga olib borilishi	170	120	Inventarizatsiya dalolatnomasi
2	Aybdor shaxsning hisobiga olib borilgan kassadagi aniqlangan kamomadlar, talon- tarojlar, va shu kabilar undirilganda	120	170	Kassa kirim orderi

Bu subschyotning analitik hisobi 292-son shakldagi joriy hisoblar va hisob-kitoblar daftari (kartochkasi)da har bir aybdor shaxs bo’yicha ularning familiyasi, ismi va otasining ismi, qarzning vujudga kelgan sanasi hamda kamomad summasi ko’rsatilgan holda, shuningdek byudjet va byudjetdan tashqari mablag’larga ajratilgan holda yuritiladi. 171
―Xodimlar bilan ijtimoiy nafaqalar bo’yicha hisob-kitoblar‖ subschyotida tashkilotlarning xodimlari bilan ijtimoiy sug’urta to’lovlari bo’yicha olib boradigan hisob-kitoblari yuritiladi. Ijtimoiy sug’urta to’lovlari bo’yicha hisob-kitoblar qonunchilikka asosan tartibga solinadi. Bu subschyotning kredit tomonida hisoblangan vaqtinchalik mehnatga layoqatsizlik nafaqalari, Pensiya jamg’armasi orqali to’lanadigan tashkilotning xodimlariga hisoblangan ijtimoiy sug’urta to’lovlari hisoblanishi aks ettiriladi, debet tomonida hisoblangan vaqtinchalik mehnatga
layoqatsizlik nafaqalari, Pensiya jamg’armasi orqali to’lanadigan tashkilotning xodimlariga hisoblangan ijtimoiy sug’urta to’lovlarini to’lab berilishi aks ettiriladi.