Cd2+ ни 2-аминобензоксазол билан ҳосил қилган комплексни термик тахлил ёрдамида ўрганиш

Cd²⁺ НИ 2-АМИНОБЕНЗОКСАЗОЛ БИЛАН ҲОСИЛ ҚИЛГАН КОМПЛЕКСНИ ТЕРМИК ТАХЛИЛ ЁРДАМИДА ЎРГАНИШ
[e-mail]
Комплекс бирикмаларнинг термик барқарорлиги термик анализ методи ёрдамида ўрганилди. Моддаларинг термик тадқиқотлари Netzsch Simultaneous Analyzer STA 409 PG (Германия), К-типдаги термопарали (Low RG Silver) ва алюминий тигелли ускунасида олиб борилди. Барча ўлчашлар 50 мл/мин азот оқими тезлигидаги инерт азот атмосферасида олиб борилди. Ўлчашларнинг температура диапазони 20-1000^оС ташкил қилади, қиздириш тезлиги 5К/мин. га тенг. Битта анализдаги модда миқдори 3 мг. Ўлчаш системаси KNO_3, In, Bi, Sn, Zn тўпламлари билан калибровка қилинди. Бу комплексларнинг термогравиграммаларида ҳароратнинг ўзгариши Т эгри чизиқлари, ТГ ва унинг ҳосиласи ДТГ нинг масса йўқолиши ва дифференциал термик таҳлил ДТА эгри чизиғи мавжуд бўлиб, бу боғликликлар қуйидагича таққосланади (_{ }-_{ }) = f(T), бу ерда T_ob – ҳарорат синов намунаси; T_eT - стандарт ҳарорат. Маълумки намунадаги эндо- ёки экзотермик трансформациялар содир бўлиши сабабли намунанинг ҳарорати стандарт ҳароратдан фарқ қилади; ДТА эгри чизиғи остидаги пиклар майдони энталпия ўзгаришига пропорционалдир (Н). Намуна қиздирилганда содир бўладиган жараёнларнинг иссиқлик эффектлари Н=КА / N формуласи билан аниқланади, бу эрда К - калибрлаш коэффициенти (кЖ/см²), намунанинг иссиқлик ўтказувчанлигига, , қурилма тури ва иситиш шартларига доимий боғлиқ; А - ДТА эгри чизиғининг энг юқори майдони (см²); Н - намунанинг моллари сони. Кадмий (II) ва 2-аминобензоксазол лиганди асосида синтез қилинган [Cd₄L₂(CH₃COO)] комплекс бирикманинг термик барқарорлиги ўрганилди. Ушбу комплекс бирикма таркибида кристализацион ва координацион сув мавжуд эмаслиги термик анализ ёрдамида хулоса қилинди. Термик анализ асосий физик-кимёвий тадқиқот усули ҳисобланиб, у моддаларнинг термик барқарорлиги, ҳарорат ортиши билан молекулада рўй берадиган фазавий ўтишлар ҳамда масса йўқотилишлари ҳақида маълумот берадиган замонавий тадқиқот усулдир. Ушбу усулда комплекс бирикмалар таркиби ўрганилганда унинг таркибидаги координацион ёки кристализацион сув молекуласи мавжудлиги ҳақидаги қўшимча маълумотларни хам олиш имконини беради [1].
Ишнинг мақсади Сd²⁺ ва 2-аминобензоксазол лиганди асосида синтез қилинган [Cd₂L] комплекс бирикманинг термик барқарорлигини аниқлаш.


1-Расм. [Cd₄L₂(CH₃COO)] ] комплекс бирикманинг дериватограммаси

Ушбу расмда [Cd₄L₂(CH₃COO)] комплекс бирикманинг термограммаси таҳлили натижалари келтирилган. Комплекс бирикманинг парчаланиши II босқичда содир бўлади. I босқич 150-350^ОС оралиқда боради. Бу жараёнда намунанинг 4,307 мг ми яьни 56,156 % қисми 2 молекула 2-аминобензоксазол, 2 та хлор атоми 1 та кадмий атоми йўқотилган. Ушбу оралиқда 2 марта эндотермик эффект кузатилган. II босқич 350-800^OC атрофида кузатилади ва йўқотилган масса 3,638 мг, 47,367 % ни ташкил қилади. 514^OC да 1 та изоморф ўзгариш кузатилган. 350-800^OC оралиқда металлнинг ўзи сақланиб қолади. Хулоса қилиб айтадиган бўлсак, синтез қилинган [Cd₄L₂(CH₃COO)] комплекс бирикма термик жихатдан анча барқарор бўлиб, унинг таркибида кристализацион ва координацион сув мавжуд эмас

Адабиётлар

1. 
   Парпиев Н.А., Кадирова Ш.А., Раззакова С.Р., Алланазарова Д.М. Термический анализ координационного соединения 3d-металлов с 5-(п-нитрофенил)-1,3,4-оксадиохолин-2-тионом// «Биохилмахилликни саклаш ва ривожлантириш» республика онлайн илмий-амалий конферннцияси материллари туплами.-Гулистон, 17-18 апреля, -2020, С. 234-237.
   
2. 
   Гоулдстейн Дж. Растровая электронная микроскопия и рентгеновский микроанализ: в 2 т. / Дж. Гоулдстейн, Д. Ньюбери, П. Эчлин и др. – М.: Мир, 1984.
   
3. 
   Брандон Д. Микроструктура материалов. Методы исследования и контроля / Д. Брандон, У. Каплан. – М.: Техносфера, 2004. – 384 с.