Cg (Computer Graphics) bolsada, geyde onı cgi

Tema:Kompyuter grafikası tiykarları hám apparatlı-programmalıq támiynleniw.Reńler palitrası.Grafikalıq obektlerdiń kompyuterde súwretleniwi
Kompyuter grafikası - kompyuter járdeminde jaratılǵan, tiykarınan, arnawlı grafik apparat hám programmalıq támiynatlar járdeminde jaratılǵan súwretleytuǵın ańlatpa. Bul kompyuter ilimiy álemindegi úlken hám eń sońǵı tarawlardan biri bolıp tabıladı. Kompyuter grafikası sóz dizbegi 1960 - jılda birinshi bolıp Boeing kompaniyası kompyuter grafikası izertlewshileri Verne Hudson hám William Fetter tárepinen jańalıq ashılǵan. Sóz dizbeginiń qishqartma forması CG (Computer Graphics) bolsada, geyde onı CGI («Computer Generated Imaginary», yaǵnıy kompyuterde payda bolǵan oyda sawlelendiriw) dep aytiladi.
Kompyuter grafikasıniń óz ishine alatuǵın tiykarǵı baǵdarları : interface design (interfeys dizayn), sprite graphics (sprayt grafiks), vector graphics (vector grafika ), 3 D modeliń (3 D modellestiriw), shaders (sheyders), GPU design (GPU dizayn), computer vision (kompyuter vision) hám basqalar esaplanadı. Onıń tiykarǵı metodikası tiykarınan, geometriya, optika hám fizika pánlerine tig’iz baylanıslı. Kompyuter grafikasınıń wazıypası kórkem óner hám súwretleytuǵın ańlatpanı paydalanıwshıg’a nátiyjeli hám mazmunli sáwlelendiriw hám háreketleniwshi dúnyadan alınǵan obiektke qayta islewden ibarat. Kompyuter grafikası rawajlanıwı kóplegen informaciya qurallarına sezilerli dárejede úlken tásir kórsetdi hám animaciya, film, reklama, video oyınlar ulıwma alǵanda, grafik dizayn álemindegi revolyuciyaǵa sebep boldı.
Kompyuter grafikası termini júdá keń mánisti - “kompyuterdegi jazıw hám dawıstan tısqarı derlik barlıq zatlardi” ańlata aladı. Ádetde, kompyuter grafikası termini bir qansha mánislerdi ańlatadı :
-suwretleytuǵın ańlatpanıń kompyuter tárepinen kórsetiw hám háreketlendiriw (basqarıw );
-súwretti jaratıw hám háreketlandiriwde qollanılatuǵın hár qıylı texnologiyalar ;
-kompyuter ilimi tarawına kiretuǵın tarawdan bolıp, cifrlı sintezlew hám ko'rilip atirg’an strukturalıq bólekti basqarıwdıń usılların úyrenedi.
Kompyuter grafikası házirgi kúnde júdá keń tarqalǵan. Kompyuter suwreti házirde televideniede, gazetalarda, mısalı, hawa-rayi jańalıqları yamasa medicinalıq tekseriw hám xirurgiya emlewleriniń barlıq túrleride keń kólemde paydalanıp kelinip atır. Jaqsı islengen grafika quramalı statistikalardı túsiniw hám aytıwǵa qolay bolǵan tárzde ańlata aladı. Informaciya qurallarında bunday grafikalar gazetalar, jańalıqlar, esabatlar hám basqa kórgezbeli materiallarda paydalanıladı. Kompyuter oyda sáwlelendiriwdi payda etiwdi bir neshe túrlerge ajratadı :2 ólshemli (2 D), 3 ólshemli (3 D) hám animaciyaliq grafika (animated graphics). Texnologiya rawajlanıp barıwı menen 3 D kompyuter grafikası da keń keń tarqalıp basladı, 2 D kompyuter grafikasıda elege shekem keń kólemde paydalanılıp kelinip atır. Ótken on jıl dawamında informaciya vizualizaciya hám 3 ólshemli hádiyseler (arxetukura, metrologiya, medicina, biologiya hám taǵı basqa ) arnawlı vizualizaciyalar sıyaqlı qánigelesken tarawlar keń kólemde rawajlandi.
Jeke kompyuter eki bólekden ibarat, yaǵniy apparat (hardware) támiynat hám programmalıq (software) támiynat.