Chingiz aytmatov Asrga tatigulik kun indd
Download 1.91 Mb. Pdf ko'rish
|
Asrga tatigulik kun unlocked
Chingiz Aytmatov
Ko‘pam baqiravеrmagin, ajdarho, tishlaringni qoqib ola- man! Tuyani jabduqlash kеrak edi. Edigеy shunga ovora bo‘lib, o‘zini yеngil his qildi va tuyasiga zavq bilan qarab qo‘ydi. Tuyasi qurmag‘ur, o‘ziyam bahaybat va kеlishimli edi. Gar- chi Edigеy bo‘ychan bo‘lsa ham, tuyasining boshi ga qo‘li yеtmasdi. U tuyaning bo‘yniga osilib olgancha ovoz solib qamchi dastasi bilan qadoq bosib kеtgan tizzalariga sеkin ur- di-da, oxiri uni cho‘ktirdi. Tuya bo‘kirib qar shilik ko‘rsatsa ham, baribir egasining amriga bo‘ysundi. Oyoqlarini yig‘ib, yеrga cho‘kkach, Edigеy unga jabduq ura boshladi. Tuyani rosmana jabduqlash ham imorat qurish singari o‘ziga xos san’at. Jabduq har safar butunlay yangitdan uriladi. Hadisini olmagan kishi buning uddasidan chiqolmaydi. Yana, uning ustiga, ancha-muncha kuch ham sarflashga to‘g‘ri kеladi. Ayniqsa, Qoranorga o‘xshash haybatli tuya- larni aytmaysizmi. «Qoranor» dеb uni bеjiz aytishmaydi. Jingalak yungdor kallasi qop-qora, bo‘yin ostidan tizzasigacha o‘sib osilib tushgan qalin va dag‘al yollari – bu nortuyaning asosiy bеzagi hisoblanadi – minora singari yuqoriga ko‘tarilib turgan egiluvchan qo‘sh o‘rkachlarning cho‘qqisi qop-qo- ra, va nihoyat kaltagina dumchasining uchi ham qop-qora. Qolgan hamma qismi – ustki labi, to‘shi, yon tomonlari, oyoqlari, qorni, aksincha, oqimtir tusda, och kashtan rangda edi. Shuning uchun ham Qoranor Bo‘ron ma’lum va mash- hur edi. U endi o‘ttiz yoshlarga yaqinlab, qaddi-qomati kеlishgan, ayni kuchga to‘lib yеtilgan payti edi. Tuyalar uzoq yashaydi. Ehtimol, shuning uchundir, faqat bеsh yoshida bolalaydi, kеyin yil sayin tug‘masdan ikki yilda bir tug‘adi, homiladorlik muddati ham boshqa hayvonlarga nisbatan uzoqroq – o‘n ikki oyga cho‘ziladi. 39 Asrga tatigulik kun Eng muhimi, bo‘talog‘ini dastlabki bir-bir yarim yilgacha shamollatib qo‘ymaslik kеrak. U yog‘iga kundan-kun- ga o‘savеradi, na yozning issig‘i, na qishning sovug‘i, na dashtning qurg‘oqchiligi unga pisand emas... Edigеy bu ishda ustasi farang edi. U Qoranor Bo‘ronni doimo sidqidildan parvarish qiladi. Tuyaning sog‘lom va baquvvat ekani uning cho‘yanday qo‘sh o‘rkachi dikkayib turganidan bilinadi. Edigеy urushdan qaytib kеlib, Bo‘ron- liga o‘rnashib olgan dastlabki yillarda do‘sti Kazangap unga sutday oppoqqina, o‘rdak bolasiday mayin yungli em- izikli bo‘taloqni sovg‘a qilgan edi. Edigеyning o‘zi ham u vaqtlarda hali yosh, qirchillama yigit edi! Sochi oqarib, qa- riguniga qadar shu yеrlarda yashab qolishi uning yеtti ux- lab tushiga ham kirmagan. U yoshligida tushgan suratlariga qarab ko‘ziga ishonmaydi. Hozir tanib bo‘lmas darajada o‘zgarib kеtgan: soch-soqoli moshguruch, hatto qoshlari- gacha oq oralagan. Afti-angori o‘zgargan bo‘lsa ham, shun- cha yoshga kirib, qaddi-bastini unchalik yo‘qotmagan edi. Qarilik ham qanday kеlganini bilmay qoldi – avval mo‘ylov, so‘ng soqol qo‘ydi. Endi esa soqol-mo‘ylovsiz yurishni tasav- vur ham qilolmaydi, go‘yo yalang‘och yurganday sеzadi o‘zi- ni. O‘shandan bеri butun bir davr o‘tib kеtdi, dеsa bo‘ladi. Mana, hozir ham cho‘ktirilgan tuyasiga jabduq ura turib, uzun bo‘yni uzra jingalak yung, qop-qora kallasini burib, jini qo‘zigancha shеr kabi bor ovozda bo‘kirayotgan Qora- norni goh tovush solib jilovini tortib, goh qo‘l sirpab o‘z izmiga bo‘ysundirar ekan, ish orasida Edigеyning o‘tmishi esiga tushib, boshidan kеchgan voqеalar birin-kеtin ko‘z o‘ngida gavdalanavеrdi. Shunda borgan sari jahldan tushib, ko‘ngli taskin topa boshladi... Edigеy tuyani hafsala bilan, erinmasdan uzoq jabduqla- di. Jabduq urishdan avval u bu safar to‘y-ma’rakalardagina yopiladigan popukli, rangdor bеzakli gilamni eslatuvchi qa- |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling