Чирчиқ давлат педагогика университетининг шараф кодекси

2. Университет жамоасининг асосий маънавий-ахлоқий мажбуриятлари:
2.1. Жамоа аъзолари ўзининг инсон – жамият - давлат – университет олдидаги масъулиятини тўлақонли англаган ҳолда қуйидаги мажбуриятларни бажаради:

• 
  ҳалоллик, фидоийлик, ватанпарварлик, меҳнатсеварлик, камтаринлик, маданиятлилик фазилатларини университет нуфузи ва тараққиёти йўлида сафарбар қилиш;
  
• 
  университет тарихини ва интеллектуал салоҳиятини ҳурмат қилиш, унинг илғор илмий-маърифий анъаналарини ривожлантириш;
  
• 
  университет моддий-маънавий мулкини асраш, ҳимоя қилиш, улардан оқилона фойдаланиш;
  
• 
  ҳар қандай шакл-мазмундаги диний ва ирқий камситилишларга йўл қўймаслик, маҳаллийчилик ва зўравонлик кўринишидаги хатти-ҳаракатларни амалга оширмаслик, жамоа аъзосининг обрўси, шаъни, нафсонияти, қадр-қимматини поймол қилмаслик;
  
• 
  ёши, жинси, миллати, ирқи, этник гуруҳи, ижтимоий ҳолати, оиласининг аҳволи, илмий салоҳияти ва яшаётган ҳудудидан қатьий назар жамоа аъзолари билан дўстона муносабатларни йўлга қўйиш;
  
• 
  соғлом турмуш тарзига амал қилиш, атроф-муҳит муҳофазаси, умумжамоа саломатлигини ҳимоя қилиш ҳамда спорт-соғломлаштириш ишларида фаол иштирок этиш;
  
• 
  жамоа аъзоларининг бадиий-эстетик тафаккурини юксалтириш, маданий-маърифий дунёқарашини ривожлантириш, турли кўринишдаги иллатларнинг олдини олишга қаратилган тадбирларни ташкил этиш ва ўтказиш ишларига амалий ёрдам бериш;
  
• 
  университет шаънига зид бўлган хабар ва маълумотларга нисбатан асослантирувчи ҳужжатлар, далилланган маълумотлар асосида ўзининг шахсий муносабатини, фикр-мулоҳазаларини, таклиф-тавсияларини билдириш.
  

2.2. Жамоа аъзолари ўзининг университетда фан-таълим ва ўқув жараёни олдидаги масъулиятини тўлақонли англаган ҳолда қуйидаги мажбуриятларни бажаради:

• 
  дарсни муқаддас деб билиш, ўқув аудиторияси, ўқув лабораторияси ва тингловчиларни ҳурмат қилиш;
  
• 
  вақт менежментига риоя қилган ҳолда сифатли таълимни таъминлаш;
  
• 
  коррупция, таъмагирлик, лоқайдлик, масъулиятсизлик, бепарволик, зўравонлик, манманлик каби иллатларни ҳамда университет маънавий муҳитига салбий таъсир кўрсатувчи ғайриахлоқий хатти-ҳаракатларни амалга оширмаслик;
  
• 
  касб этикасига риоя этиш, педагог одобига амал қилиш, интеллектуал камтаринлик асосида миллий ва умуминсоний қадриятларга асосланиб жамоа манфаатларини эъзозлаш;
  
• 
  таълимнинг самарали ва таъсирчан воситаларидан кенг фойдаланган ҳолда ўқув жараёнини ташкил этиш ва ўтказиш;
  
• 
  педагогик таълимнинг нуфузини ошириш орқали Янги Ўзбекистонда маърифатли жамиятни ривожлантиришга муносиб хисса қўшиш;
  
• 
  таълим ва ўқув жараёнинини ташкил этиш ҳамда амалга оширишга устоз-шогирд анъаларининг инсонпарварлик, бағрикенглик ва ҳалоллик мезонлари асосида ёндошиш;
  
• 
  талаба ва ўқитувчи ўртасидаги соғлом таълим рақобат муҳитини яратиш ҳамда ўзаро ҳурмат туйғуларини қарор топтириш;
  
• 
  талаба ва ўқитувчи муносабатларида камситиш, ҳақорат қилиш, зўравонлик кўрсатиш, руҳий босим ўтказиш ва таҳдид қилишнинг ҳар қандай кўринишига йўл қўймаслик;
  
• 
  касбий мажбуриятини бажаришда зиёлилик, масъулиятлилик, интизомлилик сифатларини намоён қилиш.
  

2.3. Жамоа аъзолари ўзининг университетда илмий фаолиятини амалга ошириш масъулиятини тўлақонли англаган ҳолда қуйидаги мажбуриятларни бажаради:

• 
  илмни, илм олувчини, илм берувчини ва илмий жамоани эътироф этиш, уларга сўзи ва иши орқали юксак зиёлилик асосида ҳурмат кўрсатиш;
  
• 
  илмий тадқиқотчининг фаолиятига турли таъмагирлик, ғаразгўйлик, қайсарлик ва шахсий характерини намоён қилиш орқали ноқонуний ва ғайриахлоқий тўсиқларни пайдо қилмаслик;
  
• 
  илмий тадқиқотни шакллантириш, ривожлантириш ва қўллаб-қувватлаш ишларига юксак инсоний фазилатлар билан ёндошиш;
  
• 
  илмий салоҳияти, бой илмий дунёқараши, интеллектуал ҳаётий тажрибасини жамоага етказиш;
  
• 
  талабаларни салоҳиятли олимлар, етакчи мутахассислар, илмий изланувчилар билан илмий-ижодий учрашув, очиқ мулоқотларни ташкил этиш, мутахассислик ва ихтисослик йўналишига тегишли олимларнинг илмий тадқиқот ишлари билан яқиндан таништириш;
  
• 
  самарали илмий фаолияти билан Янги Ўзбекистон илм-фани тараққиётига муносиб хисса қўшиш;
  
• 
  конфеденциаллиги таъминланмаган норасмий маълумотларни тарқатмаслик, ғайриилмий ғоялар, таълимотларни тарғиб қилмаслик.
  
• 
  юксак зиёлилик ва маданиятлилик фазилатларини намоён қилиш ва ўрнак бўлиш.