Tadqiqotning respublika fan va texnologiyalari rivojlanishining ustuvor yo‘nalishlariga mosligi. Mazkur tadqiqot respublika fan va texnologiyalari rivojlanishining I. «Axborotlashgan jamiyat va demokratik davlatni ijtimoiy, huquqiy, iqtisodiy, madaniy, ma’naviy-ma’rifiy rivojlantirishda innovatsion g‘oyalar tuzishini shakllantirish va ularni amalga oshirish yo‘llari» ustuvor yo‘nalishiga muvofiq bajarilgan.
Mavzuning o‘rganilish darajasi. Jahon adabiyotshunosligida hikoya janri genezisi va uning shakllanish omillari borasida qadim zamonlardan buyon katta-kichik tadqiqotlar yaratilgan. Arastuning “Poetika” asarida janriy atamaning eposga xos qirralarini aniqlashga qaratilgani fikrimiz yorqin dalilidir. V.G.Belinsikiy, A.A.Potebnya, D.N.Ovsyanko-Kulikovskiy, A.G.Grofed, L.S.Vigotskiy, M.M.Baxtinlarning psixoanalitik; V.Shklovskiy, V.V.Vinogradov, V.M.Jirmunskiy, Y.N.Tinyanov, B.V.Tomashevskiy, G.O.Vinokur, Klod Levi-Stross, L.S.Vigotskiy, R.Bart, Y.Lotman, D.S.Lixachev, F.Shleyermexer, V.Diltey, M.Xaydegger, G.G.Gadamer muayyan katta-kichik tadqiqotlar olib borishgan.2 Ularning nazariy izlanishlarida hikoya janrining estetik qirralarini va syujet yaratish mahoratini Yevropa va Amerika, rus yozuvchilarining ayrim asarlarini o‘rganganligida namoyon bo‘ladi.
O‘zbek adabiyotshunosligida M.Qo‘shjonov, O.Sharafiddinov, U.Normatov, Y.Solijonov, A.Rasulov, B.Nazarov, H.Umurov, H.Karimov, D.To‘rayev, M.Xolbekov, Q.Yo‘ldoshev, D.Quronov, U.Jo‘raqulov, I.Yoqubov, B.Karimov, V.Alimasov3ning ayrim tadqiqotlarida hikoya janri rivojiga u yoki bu darajada munosabat bildirishgan. Ayni shu olib borilgan ishlarda rus va o‘zbek hikoyachiligida syujet va kompozitsion yaxlitlik sintezi muammosi to‘la qonli o‘rganilgan emas.
Tadqiqotning dissertatsiya bajarilgan oliy ta’lim yoki ilmiy tadqiqot muassasasining ilmiy tadqiqot ishlari rejalari bilan bog‘liqligi. Dissertatsiya Toshkent viloyati Chirchiq davlat pedagogika universiteti ilmiy-tadqiqot ishlari rejasining “Yangi o‘zbek adabiyoti va adabiy tanqid” (2017-2021) mavzusidagi ilmiy-tadqiqot ishlari doirasida bajarilgan.
Do'stlaringiz bilan baham: |
