D tashmuxamedova
Naqd pul mablag‘lari olish uchun chek
Download 5.08 Mb. Pdf ko'rish
|
Бюджет ғазна ижроси
|
Naqd pul mablag‘lari olish uchun chek — bu g‘aznachilik
bo‘linmasining ma’lum naqd pul summasini buyurtmachiga berish uchun yozma topshirig‘idir. Cheklar buyurtmachi tomonidan siyoh yoki sharikli ruchka bilan qo‘lda yoziladi. Cheklarda o‘chirib yozish, tuzatish, to‘g‘rilashlarga hamda faksimile ishlatilishiga yo‘l qo‘yilmaydi. Cheklar o‘n kun davomida (ular yozib berilgan kunni hisobga olgan holda) haqiqiy hisoblanadi. G‘aznachilik bo‘linmalari chek daftarchalarini ularga xizmat ko‘rsatuvchi banklardan ularni keyinchalik buyurtmachilarga tarqatish uchun oladi. Bunda buyurtmachilar g‘aznachilik bo‘linmalariga chek daftarchalarini olish uchun mazkur buyurtmachi rahbari va bosh buxgalteri imzosi qo‘yilgan ishonchnoma va so‘rovnomalarni taqdim qiladi. Ishonchnoma bo‘yicha bir buyurtmachiga berilgan chek daftarchasidan boshqa buyurtmachi tomonidan foydalanilishiga yo‘l qo‘yilmaydi. Olingan chek daftarchalari buyurtmachilarda saqlanadi. Cheklar 23212 va 23214 balans hisobvaraqlarida ochilgan hisobvaraqlarga o‘tkazilgan mablag‘lar doirasida yoziladi. Buyurtmachilar 23212 va 23214 balans hisobvaraqlariga mablag‘lar o‘tkazilganidan so‘ng 227 g‘aznachilik bo‘linmalariga to‘ldirilgan chek taqdim qiladilar. Bunda buyurtmachilar naqd pul to‘lovlari bo‘yicha 23212 va 23214 balans hisobvaraqlarga pul tushganidan so‘ng o‘n kun ichida (ular yozib berilgan kunni hisobga olgan holda) naqd pul mablag‘larini umumiy summa doirasida yozilgan bir nechta chek bilan olish huquqiga ega. Buning uchun buyurtmachilar g‘aznachilik bo‘linmalariga tegishli summaga YuMMR buyurtmasi yoki pul oladigan sanalar va summalarini aniq va alohida ko‘rsatgan holda YuMMR buyurtmasini taqdim etadi. Bunda bankning mas’ul xodimlari g‘aznachilik bo‘linmalari tomonidan imzolangan va muhr izi bilan tasdiqlangan buyurtmachilarning mas’ul xodimi tomonidan taqdim qilingan naqd pul mablag‘larini olish uchun cheklarni ular taqdim qilingan kunda qabul qilishi shart.G‘aznachilik bo‘linmalarining mas’ul xodimlari to‘ldirilgan cheklarni qabul qilganidan so‘ng chek va YuMMR buyurtmasi summalari muvofiqligini tekshiradi, imzo va muhr qo‘yadi hamda tekshirishdan so‘ng chekning nazorat markasini buyurtmachilarning mas’ul xodimlariga beradi. Bunda yozilgan cheklar ikki nusxada chop etilgan qog‘oz shaklidagi yozilgan cheklar reyestri bilan birga g‘aznachilik bo‘linmalarining mas’ul xodimlari tomonidan buyurtmachilarning mas’ul xodimlariga, xizmat ko‘rsatuvchi bankka taqdim qilish uchun beriladi. |
