Dagʻal ozuqalar

Somonsilosqirg‘ichlar.

Somonsilosqirg‘ichlar poyali ozuqa­larni 5–100 mm uzunlikda qirqib berish uchun xizmat qiladi.

Qirqish apparatining konstruksiyasi bo‘yicha bu mashinalar diskali yoki barabanli bo‘ladi. Diskali qirqish apparatlari, o‘z navbatida, pichoq tig‘ining shakli bo‘yicha to‘g‘ri chiziqli yoki egri chiziqli bo‘ladi. Barabanli somonsilosqirg‘ichlar pichog‘i vintsimon shaklda bo‘ladi.

Somonsilosqirg‘ichlarga RSS-6B, KDU-2 va «Volgar-5A» kiradi. Somonsilosqirg‘ich RSS-6B (10.2-rasm) dag‘al yoki yashil ozuqalarni (o‘t, silos) maydalash uchun xizmat qiladi. Ozuqalarni maydalagichga uzatish va chiqarib olish mexanik tarzda amalga oshiriladi. RSS-6B o‘z elektryuritgichi yoki traktor harakat olish validan yuritish moslamasi bilan chiqa­rilgan.

RSS-6B ishchi organi rotor disk shaklida bo‘lib, pichoqlar tig‘i to‘g‘ri qilib yasalgan. Pichoqlar diskka nisbatan burchak ostida o‘rnatilib, poyalarni qamrab olishga yordam berib, sirpantirib qirqishga imkon tug‘diradi