Dala ekinlarida biometrik o‘lchovlar olib borish

Maysalarning to‘laligi va o‘simliklar qalinligi:
____ekini navi yil tajriba varianti

Ekilgan kun	Unib chiqqan	Ekilgandan unib chiqkuncha o‘tgan kunlar soni	1 m^2ga ekilgan urug‘lar	1 m^2da unib chiqqan o‘simliklar	Maysalarning to‘laligi, %	Ekinlarning tupi soni, ming/ga

Bunday kuzatishlarni daladagi ekinlar ustida olib borish iloji bo‘lmasa, talabalarga audotoriyada shu xildagi hisoblar uchun vazifa topshirish mumkin.
O‘simliklarni rivojlanishini aniqlash bo‘yicha o‘tkaziladigan fenologik kuzatuvlar. Fenologik kuzatuvlar o‘simliklarni rivojlanish davrlarini aniqlash uchun o‘tkaziladi. O‘simliklarda quyidagi kuzatuvlar o‘tkaziladi: maysa paydo bo‘lish muddati, uchinchi barg hosil bo‘lishi, to‘planish, nay urash, boshoqlanish (ro‘vaklanish), gullash, donning so‘t, mum va to‘la pishish davrlari aniqlanadi.
Hamma rivojlanish davrlar uchun 10% o‘simlikda ma’lum rivojlanish davri belgilanganda shu davrning boshlanishi, 75% o‘simlikda rivojlanish davri aniqlansa shu davrni o‘tganligi belgilanadi. Har bir rivojlanish davrni belgilanishi ma’lum ko‘rsatgichlar bilan aniqlanadi. Maysa paydo bo‘lish davri birinchi yashil haqiqiy bargni paydo bo‘lishi bilan; uchinchi barg davri poyachaning uchida uzunligi 1 sm bo‘lgan uchinchi barg paydo bo‘lishi bilan; to‘planish davri poyachaning er ostki bo‘g‘imlaridan ikkilamchi, ya’ni qo‘shimcha poyalarning hosil bo‘lishi bilan; nay urash davri er betida poyachada birinchi bo‘g‘im hosil bo‘lishi bilan, boshoqlanish yoki ro‘vaklanish davri boshoqli yoki ro‘vakni oxirgi barg qinidan tashqariga chiqqanligi bilan belgilanadi.
Donning sut pishish davri poyaning ostki qismidagi barglarni sarg‘ayishi va donni sitilgan vaqtda so‘tga o‘xshash suyuqlik chiqishi bilan, mum pishish davri donning qotishi va to‘la pishish davri o‘simlikning hamma qismi sarg‘ayishi, donning qotishi, namligini kamayishi bilan belgilanadi.
Donli o‘simliklarni rivojlanish davrlarini tugash muddatlari bo‘yicha o‘tkaziladigan fenologik kuzatuvlar jadvalga yozib boriladi.
O‘simliklarni rivojlanish davrlari boshlanishini aniqlash bo‘yicha o‘tkaziladigan fenologik kuzatuvlar.
Bu kuzatuvlar dalada ajratilgan namunalarda ma’lum bir son o‘simlik ustida olib boriladi. Masalan: Hisobli o‘simliklar har bir namunada 25 ta, to‘rtta naychada 100 ta o‘simlik. SHundan nechta o‘simlik boshoqlaganligiga qarab uning foizi aniqlanadi.


O‘simlik ____nav______yil______