Далолатнома охунбобоев станциясида тўсатдан текшириш ўтказилганлиги тўғрисида

ДАЛОЛАТНОМА


Охунбобоев станциясида тўсатдан текшириш ўтказилганлиги тўғрисида


30.11.2022г. Охунбобоев станцияси
Ушбу далолатнома шу ҳақда тузилдики, бугун – 30.11.22й. куни 04.01.21й. кунги 1-Н сонли ва 02.02.09й. кунги 25-Н-сонли буйруқларига асосан Охунбобоев станциясида станция ва ёндош корхоналар ишчи-ходимлари томонидан ўз хизмат вазифаларини бажариши, ҳаракат хавфсизлигини, меҳнат мухофазасини ва вагонлар бутлигини таъминлаши масалалари бўйича тўсатдан текшириш ўтказилди.

Текшириш давомида қуйидагилар аниқланди:

1. 
   Навбатчиликдаги станция навбатчиси – Тожибоев М., станция навбатчисининг оператори –Қодиров Н., станция диспетчери – Рахматов А., тепалик навбатчиси–Тўхтабоев А., тепалик поезд тузувчилари–Омонжонов Д., Мўминов М., бош ВҲТМ-Обидов М., ВҲТМлар-ҚодировД., Махмудов Т. ва РайимовШ., 2-пост сигналисти-Салимжонов А. иш жойларида белгиланган форма ва махсус кийимда, ёнларида амалдаги хизмат ва меҳнат муҳофазаси бўйича гувоҳномалари бор, тетик ҳолда ўз хизмат вазифаларини бажариш билан машғул эди.
   
2. 
   Тепалик навбатчиси хонасидаги бошқарув аппарати ва алоқа воситалари соз ҳолда ишлаяпти.
   
3. 
   Саралаш тепалигининг саралаш паркига тушиш қисмида баъзи шпаллар ораларида выплескалар мавжуд (камчилик такрорланяпти).
   
4. 
   Тепаликдаги поезд тузувчилар ишлаш майдончасининг чети тепловоздан оқиб тушган мойли суюқликдан тозалаш керак. Тепаликдаги поезд тузувчилар пости орқасидаги қуриган ўт-хашакларни, бегона нарсларни олиб ташлаш керак.
   
5. 
   Поезд–техник хўжжатлар ДСП, тепалик навбатчиси, ВҲТМ пости ва 2-постларда қониқарли юргизиляпти,
   
6. 
   Саралаш паркининг вагонларни тормозлаш қисмида бекатнинг ТБДсига мувофиқ 120 дона тормоз башмаклари мавжуд бўлиб, улар 12 донадан ҳар бир саралаш йўли ёнига териб қўйилган. Графитли суртма заҳираси тормозлаш ҳдудида бор. Тормоз башмакларини рельсга қўйиш учун ишлатиладиган 5 дона илгак ва саралаш тепалигидаги вагонларни бир-биридан узиш учун ишлатиладиган 1 дона илгак соз ҳолатда. Баланд овозда гапириш алоқаси ДСПГ хонасида, тепаликда, тормозлаш ҳудудида соз ҳолда ишлаяпти. Тепаликда ишлайдиган тепловозлардан маневрлар пайтида ҳар хил мойли суюликлар оқиб тушиб, рельслар тепасини, йўллар четини ва башмаклар устини мойлаб қўйяпти.
   
7. 
   Тормозлаш қисмида йўлларнинг ҳолати қониқарли, лекин 15, 16 ва 18 йўлларда тормозлаш қисмидаги 12.5 метрли рельсларни 25 метрли рельсларга кўп вақтдан бери алмаштирилмай қолиб кетяпти (камчилик кўп қайта такрорланяпти ва ПҲЙ (ИДП) 347-бандининг “а” кичик банди талаблари бузилишига шароит яратиб беряпти).
   
8. 
   Навбатчиликдаги станция навбатчиси, тепалик поезд тузувчилари, тепалик навбатчиси, ВҲТМлар маневр ишлари пайтида, жумладан хавфли юклар ортилган вагонлар билан амалга оширилган маневр ишлари пайтида, бекатнинг ТБДси ва саралаш тепалиги йўриқномаси талаблари ҳамда сўзлашув тартибига риоя этиб ишладилар.
   
9. 
   Текширув жараёнида сараланаётган вагонлар саралаш йўлларида бир-бирига уланиш тезликлари танланиб ўлчанди ва қуйидагилар аниқланди: