Darslik. O‘zr oliy va o‘rta maxsus ta’lim vazirligi, O‘rta maxsus, kasb- hunar ta’limi markazi. Qayta ishlangan 5-nashri.Ò

Nokommersiya tashkilotlari moliyasi. Bu tashkilotlar ham pul topib,
uni  sarflash  bilan  shug‘ullanadilar.  Ular  ko‘pincha  savobli  xayriya

---

98
ishlarini bajarish uchun pul resursini hosil etadilar. Bu uch manbadan
yuzaga keladi: davlat bergan yordam; homiylar ajratgan pul va xayriyalar;
pulli xizmatlar keltirgan tushum, lekin bu asosiy manba emas.
Yig‘ilgan pul muhtoj kishilarga yordam berish, ommaviy tadbirlar
(bayramlar, tanlovlar, uchrashuvlar va ko‘rgazmalar) o‘tkazishga sarflanadi.
Jamoat tashkilotlari moliyasi. Bunday tashkilotlar jumlasiga kasaba
uyushmasi, turli ittifoqlar, partiyalar, xalq frontlari, kasbiy klublar
va boshqalar kiradi. Bular ham o‘z faoliyatini yurgizish uchun pul
yig‘ib, uni sarflaydilar. Bu pul ta’sischilar ajratgan mablag‘lardan,
a’zolikka  kirish  pulidan,  muntazam  to‘lanadigan  badal  pulidan,
noshirlik qilish, reklama, turli tadbirlar o‘tkazishdan kelgan daromad
hisobidan shakllanadi. Bu pul tashkilot a’zolarining manfaati yo‘lida,
ular nizomida ko‘zda tutilgan vazifalarni bajarish uchun sarflanadi.