Davlat pedagogika universiteti

KIRISH
Mavzuning dolzarbligi: O‘zbekistonda qabul qilingan “Kadrlar tayyorlash Milliy dasturi”ni hayotga tadbiq qilishning uchinchi bosqichi sifat bosqichi deb e’lon qilingan. O’quvchilar bilish faolligini oshirish ta’lim jarayonining sifatini yaxshilashni anglatadi. Kadrlar tayyorlash milliy dasturining bosh maqsadlaridan biri ham ana shu masaladir. Mustaqillikning o’tgan yillariga bir nazar solsak, Respublikamiz xalq ta’limi sohasida juda katta ijobiy o’zgarishlar sodir bo’ldi. Bu sohada Oliy va o'rta maxsus Xalq ta’limi xodimlarining amalga oshirgan ishlari ham tahsinga sazovordir. Bu esa maktablarda ta’lim-tarbiyaning sifati oshganligidan dalolat beradi. Mana bir necha yildirki, maktab o’quvchilari Respublikamizda qabul qilingan Davlat ta’lim standartlari bo’yicha ta’lim olmoqdalar. Bu me`yoriy hujjatlarni hayotga tadbiq etish har bir o’quvchi va o’qituvchidan ta’lim sifati va samaradorligini oshirishni talab etadi. O’quvchilarning bilish faolligini oshirish ta’lim-tarbiya jarayonining sifatini oshirishni ta’minlaydi. Bu jarayon, ayniqsa boshlang’ich sinf o’quvchilarini o’qitishda yanada muhim ahamiyatga ega. Kurs ishi uchun tanlagan mavzuning dolzarbligi ham ana shu masalalar bilan xarakterlanadi.
Kurs ishining maqsadi: Boshlang'ich sinf o'quvchilarida o'quv- bilish faolligini tarbiyalashning psixologik jihatlarini o'rganish
Berilgan maqsadni amalga oshirish uchun quyidagi vazifalar belgilandi: 1.O’quvchilar bilish faolligini oshirishning nazariy asoslarini tahlil qilish.
2.Tа’lim jarayonida o‘quvchilar bilish fаоlligini boshqarishning psixologik xususiyatlarini o’rganish.
3.O‘quv-biluv faoliyatini boshqarish nazariyalarini tahlil qilish.
4.Boshlang’ich sinf o’quvchilarida bilish faollligini oshirishni boshqarish yo'llari.
5.Boshlang’ich sinf o’quvchilarida o’quv-biluv faoliyati boshqarish samaradorligini oshirish omillarining o’ziga xos xususiyatlarini tadqiq etish.
Kurs ishining predmeti: Boshlang'ich sinf o`quvchilarida o'quv-bilish faolligini boshqarishning mazmuni, shakllari, usul va metodlari