Давлат солиқ хизмати органлари мансабдор

1122-савол. «Ijro.gov.uz» тизими қандай ҳужжатларнинг ижроси 
назоратини таъминловчи ахборот тизим ҳисобланади? 
Жавоб: Ўзбекистон Республикаси Президентининг фармонлари, 
қарорлари ва фармойишлари ҳамда Президент Раислигида ўтказилган 
йиғилиш баёнларида белгиланган топшириқлар бажарилишининг назоратини 
таъминловчи ахборот тизим. 
1123-савол. Хатларда ижрочи исми-шарифи ва телефон рақами 
кўрсатилиши лозимми? 
Жавоб: ДСҚнинг 2019 йил 20 августдаги 220-сон буйруғи билан 
тасдиқланган «Давлат солиқ қўмитаси ва ҳудудий давлат солиқ органларида 
иш юритиш ҳамда ижро назоратини ташкил этиш бўйича» Йўриқномага 
асосан хатларда ижрочи исми-шарифи ва телефон рақами кўрсатилиши лозим. 
1124-савол. «Электрон ҳужжат алмашиш» автоматлаштирилган 
ахборот тизимида (ЭДО) топшириқни бошқа тузилмага ўтказиш қандай 
амалга оширилади? 
Жавоб: Топшириқни «Топшириқлар» менюсидаги «Келган ҳужжат» 
ичидан топиб, ичига кирилади. «Ижро ҳужжат»га ўтиб бошқа тузилмага 
ўтказиш юзасидан асослантирилган билдиришнома ёзилади.
Топшириқ ўтказилаётган тузилма раҳбари билан келишилади ва 
«Котибиятга жўнатиш» тугмаси босилади раҳбар котиби танланади, бошқа 
тузилмага ўтказиш устуни белгиланади ва ҳужжат тури танланиб жўнатиш 
тугмаси босилади. 
1125-савол. «Электрон ҳужжат алмашиш» автоматлаштирилган 
ахборот тизимида (ЭДО) топшириқни ижро этиш ва назоратдан олиш 
тартиби қандай тартибда амалга оширилади? 
Жавоб: Биринчи – Топшириқни танлаб ичига кирилади; 
Иккинчи – Ойнанинг ўнг томонидан «Ижро ҳужжат»га ўтиб, 
топшириқнинг ижроси юзасидан тайёрланган билдиришнома ёки топшириқ 
ижроси бўйича ёзилган хат матни жойлаштирилади; 
Учинчи – Тайёр ҳужжат аввал келишиш учун тегиши ҳамижрочиларга 
юборилади, агар келишиш зарурати йўқ бўлса, у ҳолда котибиятга юборилади. 
Бунда котибият исми шарифидан пастдаги «сабаби» ойнасида «Назоратдан 
олиш учун» жумласи танланади.

---

206