Давлат солиқ хизмати органлари мансабдор

210-савол. Кимлар ахборотни излаш, олиш, текшириш, тарқатиш, 
ундан фойдаланиш ва сақлаш ҳуқуқига эга? 
Жавоб: Ўзбекистон Республикасининг Конституциясига мувофиқ ҳар 
ким ахборотни монеликсиз излаш, олиш, текшириш, тарқатиш, ундан 
фойдаланиш ва уни сақлаш ҳуқуқига эга. 
Ахборот олиш фақат қонунга мувофиқ ҳамда инсон ҳуқуқ ва 
эркинликлари, конституциявий тузум асослари, жамиятнинг ахлоқий 
қадриятлари, мамлакатнинг маънавий, маданий ва илмий салоҳиятини 
муҳофаза қилиш, хавфсизлигини таъминлаш мақсадида чекланиши мумкин 
(“Ахборот эркинлиги принциплари ва кафолатлари тўғрисида”ги Қонуннинг 
4-моддаси). 
211-савол. Давлат органлари ва ташкилотлари ахборот хизматлари 
раҳбарларининг иш самарадорлиги қандай мезонлар асосида 
баҳоланади? 
Жавоб: Ахборот хизматлари раҳбарларининг иш самарадорлигига 
қуйидаги 10 та мезон асосида ёндашилади: 

---

52 
ахборот хизмати раҳбари фаолияти иш ҳажми: 
- матбуот анжуманлари, брифинглар, пресс-турлар, тақдимотлар ва 
бошқа тадбирлар сони
- ижтимоий тармоқларда онлайн эфирлар сони; 
ахборот хизмати раҳбари иш фаолияти сифати:
- матбуот анжуманларида, брифинглар ва бошқа пресс-тадбирларда 
раҳбарларнинг иштироки
- ахборотни етказиб бериш шакли (ҳар ойда бир мартадан кам бўлмаган 
ҳолда); 
ахборот хизмати раҳбари иш фаолияти самарадорлиги:
- ахборотнинг қамров миқёси
- соҳага оид муаммоларни ёритиш
- танқидий материалларга муносабат билдиришнинг тезкорлиги 
- тадбирлар ҳақидаги ахборотларнинг расмий веб-сайт, мессенжерлар ва 
ижтимоий тармоқларда эълон қилиниши тезкорлиги 
- раҳбар ёки ахборот хизмати раҳбарининг муайяан ахборот воқелиги 
муносабати билан расмий баёнот бериши 
- хорижий оммавий ахборот воситаларида материаллар эълон 
қилиниши. 
Ахборот хизмати раҳбарларининг иш самарадорлигини баҳолаш 
натижасида тўпланган балларнинг умумий йиғиндиси асосида қуйидагича 
эътироф этилади: 
кўрсаткич миқдори 55 баллгача бўлса – паст даражада; 
кўрсаткич миқдори 56 баллдан 71 баллгача бўлса – қониқарли даражада; 
кўрсаткич миқдори 72 баллдан 85 баллгача бўлса – ўрта даражада; 
кўрсаткич миқдори 86 баллдан 100 баллгача бўлса – юқори даражада.