Tovarlarga davlat xaridlari uchun qo’yiladigan talablar - Tovarlarning (ishlarning, xizmatlarning) davlat xaridi tavsifiga aniq tovar belgisiga yoki nomiga, patentga, konstruktsiyaga yoki modelga, u mansub bo'lgan muayyan manbaga yoki ishlab chiqaruvchiga doir talablar yoki havolalar kiritilmasligi kerak, bundan tovarlarning (ishlarning, xizmatlarning) davlat xaridi xususiyatlarini ta‘riflashning boshqa etarlicha aniq usuli mavjud bo'lmagan hollar mustasno va bunda tovarlarni (ishlarni, xizmatlarni) boshqa bir ishlab chiqaruvchining ekvivalent tovarlari (ishlari, xizmatlari) bilan almashtirish imkoniyati to'g'risidagi eslatma kiritilishi kerak.
Tovarlarning davlat xaridi uchun tavsiflanishi - tovarlarning soni;
- bajarilishi (ko'rsatilishi) kerak bo'lgan ishlar (xizmatlar);
- tovarlar etkazib berilishi lozim bo'lgan yoxud ishlar bajarilishi yoki xizmatlar ko'rsatilishi kerak bo'lgan joy;
- tovarlarni etkazib berish, ishlarni bajarish yoki xizmatlar ko'rsatishning maqbul yoki talab etilgan muddatlari, agar ular mavjud bo'lsa.
Mashina va uskunalarga qo’yiladigan talablar - Mashinalar va asbob-uskunalarni etkazib beruvchi ijrochi aniqlangan taqdirda davlat buyurtmachisi davlat xaridiga doir hujjatlarda tovarning kafolat muddatiga va (yoki) uning sifatiga beriladigan kafolat hajmiga, tovarga kafolat xizmati ko'rsatishga, tovarga kafolat muddati mobaynida xizmat ko'rsatish xarajatlariga, shuningdek tovarni montaj qilish va sozlashga, agar bu tovarning texnik hujjatlarida nazarda tutilgan bo'lsa, talablar belgilaydi. Yangi mashinalar va asbob-uskunalarni etkazib beruvchi ijrochi aniqlangan taqdirda davlat buyurtmachisi davlat xaridi to'g'risidagi hujjatlarda ushbu tovarni ishlab chiqaruvchining va (yoki) etkazib beruvchining kafolatini taqdim etishga hamda bunday kafolatning amal qilish muddatiga nisbatan qo'shimcha ravishda talablar belgilaydi. Bunday kafolatni berish ushbu tovar bilan birga amalga oshiriladi.
Do'stlaringiz bilan baham: |
