Davriy va uzluksiz rejimda ishlaydigan elektr qarshilik pechlar. Ularning tuzilishi,ishlash prinsipi, asosiy parametrlari

Davriy rejimda ishlovchi elektr qarshilik pechlari.
Quyida davriy rejim EQP larning tuzilishi keltirilgan. Bunda a- qalpoq tipidagi; b - elevator tipidagi ; v - kamerali; g - shaxta tipidagi.
rasmda quyidagi belgilanishlar qo‘llanilgan: 1-maxsulot o‘rnatiladigan stend; 2-pech kamerasi; 3 - yuqori haroratga chidamli mufel; 4 - qizdiruvchi elementlar; 5 - qizdirilayotgan mahsulot; 6 - pechning pastga tushiriladigan tubi; 7 - ko‘taruvchi qurilma; 8 - pech qopqog‘i.


Davriy rejim EQP larning tuzilishi

“Qolpoq“ tipidagi pech - futerovkalangan (yuqori haroratga chidamli) va qo‘zalmas stendga qizdiriluvchi maxsulot o‘rnatilgan bo‘lib, ustidan avval o‘tga chidamli mufel o‘rnatilib, so‘ngra mahsulotni qizdirish uchun mo‘ljallangan q.e. bilan ta’minlangan “qolpoq“ o‘rnatiladi. Q.e. lar qolpoqning ichki yon devorlariga o‘rnatilgan. Q.e. lar elektr energiyasi manbasiga egiluvchan kabel va shtepsel ajratgichlari yordamida ulanadi. Mahsulot va “qolpoq” ko‘tarish kranlari yordamida stendga yuklanadi va tushiriladi. Issiqlik energiyasidan foydalanish effektivligi va ishlab chiqaruvchanligini oshirish maqsadida 2-3 stenddagi mahsulotga issiqlik ishlovi berish uchun bitta “qolpoq“ dan foydalaniladi (birinchi stenddagi mahsulot qizdirib bo‘lingach, “qolpoq“ kran yordamida ikkinchi va so‘ngra uchinchi stendga olib o‘rnatiladi, bunda mahsulotni sovutish jarayoni mufel ichida davom ettiriladi va oqibatda bor yo‘g‘i mufel va qolpoqda yig‘ilgan va 10 - 15 % ni tashkil qilgan miqdordagi issiqlik energiyasi yo‘qolishiga erishiladi). Bunday EQP larning ishchi harorati 350 ^oS dan 1250 ^oS gachani tashkil etadi. Misol uchun, 1,5 x 2,0 x 6,0 m kattalikdagi va massasi 100 tonna bo‘lgan mahsulotni qizdirish pechining quvvati 570 kVt ni tashkil etsa, bundan 500 kVt “qolpoq” quvvatini 70 kVt stend quvvatini tashkil etadi. Elevator tipidagi pech tubi ochiq qo‘zg‘almas kamera va pastga tushiriladigan qismga (tubga) ega. Kamera silindr yoki to‘rtburchak shaklga ega bo‘lib, 3-4 m balandlikga ega bo‘lgan ustunlarga o‘rnatilgan. Pechning tubi gidravlik yoki elektromexanik ko‘tarish qurilmasi yordamida tushiriladi va yangi mahsulot yuklangach, kameragacha ko‘tariladi. Pechning ishchi harorati 700, 1000, 1250 ^oS ni tashkil qiladi, quvvati 600 kVt ni tashkil etadi va o‘nlab tonna mahsulotga bir vaqtning o‘zida issiqlik ishlovi beradi. Kamerali pechlar mahsulotni yuklab, tushirish eshikchasi yon tomondan bo‘lgan to‘g‘ri burchakli kameradan tashkil topgan bo‘lib, mahsulot asosan qo‘lda yuklab tushiriladi. Kamera tubi yuqori haroratga chidamli plita bo‘lib, unga q.e.lar o‘rnatilgan. Ishchi harorati 1000 - 1800 K, foydali ish koeffitsienti 65 - 70 % ga teng. Shaxta tipidagi pech - quvvati 300 - 400 kVt, ishchi harorati 1500^oS ga teng bo‘lgan yuqori qismida maxsus mexanizm yoki ko‘tarish krani yordamida ochiladigan qopqoqqa ega bo‘lgan va ishchi kamerasi yer tubiga joylashtirilgan pechni ifodalaydi.