Delphining grafik imkoniyatlari

10.9-rasm. Pie uslub parametrlari sektorni ellips (aylana)ning bir qismi sifatida belgilaydi.
Nuqta
Dastur yordamida grafika hosil qilish mumkin bo’lgan sirt Canvas ob’yektiga mos keladi. Pixels xususiyati Tcolor tipli ikki o’lchovli massiv bo’lib, grafik sirtagi xar bir nuqtaning rangi haqidagi ma’lumotni o’zida saqlaydi. Pixels xususiyatidan foydalanib grafik sirtning ixtiyoriy nuqtasiga rang o’rnatish mumkin, ya’ni nuqta chizish mumkin. Masalan, Form1.Canvas.Pixels[10,10]:=clRed instruksiyasi for sirtida qizil nuqtani hosil qiladi.
Pixels massivining o’lchamlari grafik sirtning o’lchamlari bilan aniqlanadi. Grafik sirtning o’lchamlari ClientWidth va ClientHeight xususiyat qiymatlari bilan beriladi. Image komponentining grafik sirti Width va Height xususiyat qiymatlari bilan beriladi. Forma ishchi sohasining chap yuqori nuqtasi pixels[0,0] elementga, o’ng-quyi nuqtasi esa Pixels[ClientWidth-1, ClientHeight-1] elementga mos keladi. Pixels xususiyatidan grafik qurishda foydalanish mumkin. Grafiklar qoida bo’yicha formaulalar bilan xisoblash asosida quriladi. Funksiya argumentining o’zgarish oralig’ining chegaralari – boshlang’ich ma’lumotlar bo’ladi. Funksiya qiymatlari oralig’ini hisoblash mumkin. Bu ma’lumotlardan foydalanib formaning grafika chiqishi uchun mo’ljallangan sohasida grafikani to’liq chiqishi uchun mas’shtabni hisoblab topish mumkin. Masalan, ba’zi f(x) funksiyalar 0 dan 1000 qiymat oladi, va uning grafikasi formaning 250 piksel balandlikdagi qismini egallaydi, Y o’qning mas’shtabi t=250/1000 formula bilan hisoblanadi. Shuningdek f(x)=70 qiymat Y=233 koorinatadagi nuqtaga mos keladi. Y koordinataning qiymati quyidagi formula bilan topiladi.
Y=h-f(x)^.t=250-70^.(250/1000)
Bu yerda h-grafik quriluvchi soxaning balandligi e’tibor berish kerakki, 250-70^.(250/1000) ifodaning qiymati 232,5 ga teng. Lekin Pexels xususiyatining indeksi faqat butun son bo’lishi kerak. Demak 232.5 sonini yaxlitlab 233 olinadi.
Quyidagi dastur Pixels xususiyatidan foydalanib Y=SinX^.e^x/5 funksiyaning grafigini chizadi. Grafika chiqishi uchun formaning barcha soxasi foydalaniladi. Agar dastur ishi davomida forma o’lchami o’zgartirilsa, u holda forma o’lchamini hisobga olib grafika yangitdan xosil qilinadi (10.5-listing).