Demosfenning notiqlikka oid qarashlari
Download 35.8 Kb.
|
DEMOSFENNING NOTIQLIKKA OID QARASHLARI
- Bu sahifa navigatsiya:
- Katon, aka-uka Grakxlar, Mark Antoniy, Sitseron
- "har qanday notiqning asosiy maqsadi – tinglovchining zavqini uyg‘otib, o‘ziga moyil qilishdan iborat".
|
DEMOSFENNING NOTIQLIKKA OID QARASHLARI REJA: Kirish Demosfenning hayoti va ijodi. Demosfenning notiqlik san’ati Qadimgi dunyo notiqlik san’ati Xulosa Foydalanilgan adabiyotlar ro’yxati Kirish Nutq madaniyati va notiqlik san`ati o`zaro chambarchas bog’liq tushunchalardir. Notiqlik san`ati alohida mahorat va qobiliyat talab etadi. Har qanday madaniy nutq egasi mohir notiq bo`la olmaydi. Shu sababli xalq orasida so`zga chechan, so`zga usta, so`zamol, gapga usta, chiroyli gapiradi iboralari ishlatiladi. “O`qituvchi nutqi madaniyati” fani bo`lajak o`qituvchilarga umuminsoniy madaniyatning tarkibiy qismi bo`lgan nutq madaniyatini egallash yo`lida eng yaqin maslahatdoshga aylanadi. Chunki bugungi mavkuraviy kurashning o`tkir quroli bo`lgan tilning har qachongidan ham keskir bo`lishini davr talab qilmoqda, bo`lajak o`qituvchidan mohir nutq egasi bo`lish talab etilmoqda. Shu ma`noda bu fan notiqlik san`ati tarixini ham mukammal darajada o`rganishga harakat qiladi. Notiqlik – san`atning eng qadimgi turlaridan biridir. “Tinglovchilarga biror narsa- hodisani tushuntirish, isbot etish yoki ularning hissiyotiga, tushunchasiga ta`sir qilish niyatida so`zlangan nutq notiqlik faoliyatiga kiradi. Bu hodisani san`at darajasiga ko`tara olgan har bir shaxs notiqdir”. Notiqlik san’ati dastlab Misr, Ossuriya, Vavilon, Hindistonda paydo bo’lan. Eramizdan avvalgi V asr boshlarida Yunonistonda shakllangan. Yunonistonda demokratiya tuzumining o`rnatilishi natijasida davlat ishlarida, xalq majlislarida, senat kengashlarida, sud ishlari va yig’ilishlarida respublikaning har bir ozod kishisi erkin nutq so`zlash huquqiga ega bo`lgan. Davlatni boshqarishda qatnashishni xohlagan har bir shaxs chiroyli so`zlash san`atini egallashga majbur bo`lgan va bu narsa ehtiyojga aylangan. Demosfen qadimgi yunon davlat arbobi, notiq boʻlgan.Demosfen (mil. av. 384—322) — yunon notigʻi, siyosiy arbobi. Afinadagi demokratik kayfiyatdagi guruhning yoʻlboshchisi. Notiklik sanʼatidan dars bergan, sud mahkamalarida, yigʻilishlarda nutq soʻzlagan (61 nutqi, 56 maʼruzasi saqlanib qolgan). Butun umri davomida Afinaning mustaqilligi va Yunoniston polislarining Makedoniyaga qarshi birlashishi uchun kurashgan. Makedoniya podshosi Filippga qarshi qaratilgan bir qancha nutq soʻzlagan (bu nutklar "filippik" nomi bilan mashhur). Hayotining soʻnggida, dushmanlari taʼqibiga uch-rab, Afinadan qochgan va zahar ichib oʻlgan. Tarjimai holi Umrini ona-vatanining gullab-yashnashiga bagʻishlagan davlat arbobi, mashhur notiq Demosfen eramizdan avvalgi 384-yilda Afinada oʻziga toʻq oilada dunyoga keldi. Otasining ismi ham Demosfen boʻlib, qurol-yaroq ustaxonasining egasi edi. Boʻlajak notiq 5 yoshga toʻlganida otasidan ajraldi. Demosfen bilan singlisiga otasidan katta meros qoldi. Bolalarning tarbiyasi bilan ularning togʻasi shugʻullandi. Biroq togʻasi hamma boyliklarni qoʻlga kiritgach, bolalarning tarbiyasi bilan qiziqmadi. Shuning uchun Demosfen juda nimjon va kasalmand boʻlib oʻsadi. Demosfen voyaga yetgach, togʻasi unga faqat qullari, uy va uy jihozlarini hamda pulning maʼlum qisminigina berib aldaydi. Demosfen togʻasidan qolgan mol-mulkni yaxshilik bilan qaytarib berishni soʻraydi. Biroq togʻa bundan bosh tortganidan keyin u qolgan merosni sud orqali undirishga harakat qiladi. Sudda muvaffaqiyatli qozonish uchun Afinaning davlat qonunlarini yaxshi bilish, shu bilan birga, ravon soʻzlash, daʼvosining toʻgʻriligiga kishilarni ishontirish kerak edi. Shu sababli Demosfen notiqlik saʼnatini oʻrganish uchun oʻz davrining meros ishlari boʻyicha mashhur advokat Isey maktabida taʼlim olishga majbur boʻladi. Ifodali o`qish, ayniqsa asarning g`oyaviy mazmunini chuqur tushunishda, badiiy xususiyatlarini ochishda katta ahamiyatga ega. Barcha janrdagi asarlar bir xilda o`qilmaganidek, barcha ham ifodali o`qiy olish qobiliyatiga ega emas. Ayniqsa, oliy o`quv yurtlarining ko`pchilik talabalari uzoq vaqt o`zlari mansub bo`lgan sheva ta’sirida bo`ladilar. Sheva ta’sirida «ifodali» o`qilgan asar mazmuniga esa putur yetadi, uning badiiy-estetik ta’sirchanligi susayadi. Shuning uchun, filolog talabalarni shevalar ta’siridan qutqarish, ularni ifodali o`qishga o`rgatish tarbiyaviy jihatdan muhim ahamiyatga ega, asar mazmunini puxta o`zlashtirishda, uning badiiy mohiyatini ochishda yaqindan yordam beradi. Badiiy adabiyot paydo bo`lishi bilan uning ifodali o`qishi, og`zaki ijrochilik taraqqiyoti ham ziddiyatlidir. Jumladan, adabiyot va san’at hali muayyan ma’noda sinkretik xarakterga ega bo`lgan qadimgi davrda badiiy va ifodali o`qish san’ati ham sinkretik xarakter kasb etgan. Chunonchi, bu davrda badiiy adabiyot yaratuvchilari ayni chog`da uning ijrochilari sifatida ko`proq e’tiborga ega bo`lgan. Jumladan, «Avesto»ning yaratuvchilari, bora-bora uning professional ijrochilariga aylanib qolgan kohinlar toifasi xalq orasida adiblar sifatidagina emas, balki jonli so`z sehri bilan mo`jizalar ko`rsatuvchi mutaxassislar sifatida ham katta e’tibor qozonganlar. Tarixiy taraqqiyot davomida adabiyot bilan birga ijrochilik san’ati ham rivoj topa bordi. Masalan, O`rta Osiyoda shoirlar bilan bir qatorda, ularning asarlarini majlis-anjumnalarda, keng mehnatkash xalq orasida ijro etuvchi san’atkorlar — roviylar toifasi paydo bo`ladi. Roviylik va roviylar haqida tarixiy manbalarda qimmatli ma’lumotlar uchraydi. Jumladan, Nizom Aruz Samarqandiy ma’lumotiga qaraganda, Firdavsiy «Shohnoma»ni ijod etgach, Ali Daylam unga xattotlik, Abudulaf roviylik qildi. Abu Abdullo Rudakiyning roviysi bo`lgan Majid ismli tarixiy shaxs haqidagi ma’lumotlar ham qiziqarlidir. Mashhur sharqshunos A.T.Tohirjonov Rudakiy asarlarining Majid ismli professional ijrochisi bo`lganligini e’tirof etadi va uni chtetsravi deb ataydi. Yirik tojik yozuvchisi, Tojikiston Fanlar akademiyasining muxbir a’zosi Sotim Ulug`zodaning ma’lumotlariga ko`ra «roviylar»- badiiy o`qish ustalari bo`lib, xaloyiq o`rtasida Rudakiy, Daqiqiy, Shahid Balxiy, Abdushukur Balxiy va boshqa o`nlab o`zlariga zamondosh va o`tmish shoirlari she’rlarini maxsus ohang bilan o`qirdilar. Xususan, Rudakiyning yoqimli she’ru qo`shilari ularning og`zidan tushmasdi. Ulkan sharqshunos Ye.E.Bertels ham o`rta asrlarda roviylar toifasi mavjudligini e’tirof etadi. Ko`rinadiki, qadimgi badiiy so`z ijrochiligining butun bir yo`nalishi, o`ziga xos maktabni tashkil etuvchi roviylar toifasi katta shon-shuhrat va ijtimoiy mavqega ega bo`lgan. Biroq, jamiyat taraqqiy qilishi bilan roviylik tarmoqlanib, XV asrlarga kelganda, mustaqil badiiy ijrochilik ko`rinishlari va ularga mansub ijrochilar toifasi voyaga yeta boshladi. Jumladan, Alisher Navoiy XV asrlarga kelib badiiy so`z ijrochiligi san’atining voizlik (notiqlik), qissaxonlik, badihago`ylik, bazlago`ylik (latifago`ylik), dostonxonlik, qasidaxonlik, g`azalxonlik san’ati shakllanib yetilganligi haqida mufassal ma’lumot beradi. O`zbek badiiy so`z ijrochiligi san’atiga xos bo`lgan bedilxonlik, navoiyxonlik, fuzuliyxonlik, mashrabxonlik bilan birga, qissago`ylik, hikoyago`ylik, latifago`ylik, navhagarlik, ertakchilik, kulguli hikoyago`ylikning taraqqiyoti bu san’atning juda qadimiy va boy tarixga, ma’lum an’anaga ega ekanligini anglatadi. O`rta Osiyo xalqlari pedagogikasi tarixida ifodali o`qish san’atiga bo`lgan e’tibor alohida mavqe kasb etadi. Notiqlik san’atining tarixi juda uzoq bo`lib, u eramizdan avvalgi V asr boshlarida Yunonistonda shakllana boshladi. Yunonistonda aristokratiya, demokratiya tuzumining o`rnatilishi natijasida davlat ishlarida, xalq majlislarida, senat kengashlarida, sud ishlarida va yig`ilishlarda respublikaning har bir ozod kishisi erkin nutq so`zlash huquqiga ega bo`lgan. Davlat ishlarini boshqarishda qatnashishni hohlagan har bir kishi uchun chiroyli so`zlash san’atini egallash majburiy bir ehtiyojga aylana borgan. Sud ishlarida o`rnatilgan tartib notiqlik san’atining yuksalishiga katta bir turtki bo`ldi. Sud jarayonida javobgar o`ziga qo`yilayotgan aybning asossizligini isbotlab gapirishi, da’vogar esa o`z fikrida qattiq turishi, uni qoralashi lozim edi. Lekin hamma ham chiroyli so`zlash qobiliyatiga ega bo`lavermaydi. Shuning natijasida, nutq matnlarini yozib beradigan bilimdon kishilarga ehtiyoj tug`ila boshladi va yozma nutq san’atini yaxshi egallagan notiqlarni o`sha zamon tili bilan «logograflar» deb atay boshladilar. Notiqlik san’atining keng ko`lamda qanot yoyishi esa, o`z navbatida uning sud notiqligi, harbiy notiqlik va siyosiy notiqlik kabi shoxobchalarining paydo bo`lishiga olib keldi. Sudda gapiriladigan chiroyli nutq o`rnini, endilikda aniq qonuniyatga ega bo`lgan sud notiqligi egalladi. Oradan bir oz vaqt o`tgach, notiqlikning yana bir turi — epideyktik, ya’ni tantanali nutq uslubi paydo bo`ldi. Bulardan tashqari, notiqlik san’atining rivoji adabiy tilning shakllanishiga, notiqlik san’atining nazariyasidan iborat bo`lgan «Ritorika» ilmining vujudga kelishiga sabab bo`ldi. Rimdagi barcha shoirlar va notiqlar shu maktabdan, ya’ni ritorika maktabidan ta’lim olganlar. Notiqlar tomonidan yaratilgan nutq matnlari nasriy va poetik ijod mazmunasi hisoblangan. Bunday ijodkor notiqlarning nomi o`z mamlakati doirasidan chiqib, jahonga ma’lum va mashhur bo`lgan. Aristotel, Demosfen va Sitseronlar shular jumlasidandir. O`rta Osiyoda Arastu nomi bilan mashhur bo`lgan Aristotel eramizdan avval, 384 yili Stagir (Makedoniya yarim orolidagi Xalkidik)da shifokor oilasida dunyoga keladi. Uning otasi Nikomax Aleksandr Makedonskiyning nabirasi podsho Aminti II saroyida shifokorlik qildi. Aristotel 17 yoshida Afinaga keladi va bu yerda o`z zamonasining mashhur olimlaridan bo`lgan Platonga shogird bo`ladi. 342 yili Makedoniya podshosi Filipp o`zining Aleksandr nomli 13 yoshli o`g`lining tarbiyasi uchun Aristotelni Mitilendan chaqirib oladi. Bu yerda u falsafa maktabini ochadi va katta kutubxona tashkil qiladi. Shu davrda Gretsyada chiroyli so`zlashga qiziqish kuchayib ketgan edi. Buning natijasida qator notiqlik maktablari ochiladi. Bu maktablarda so`z san’ati ustalari — shogirdlar yetishtirib chiqarilar edi. Keyinchalik chiroyli so`zlash haqida qo`llanmalar maydonga keldi. Shunday asarlardan biri Aristotelning «Ritorika» nomli kitobidir. Buyuk olim uni mashhur «Poetika» nomli asaridan so`ng, ya’ni eramizdan oldingi 330 yillarda Afinaga so`nggi marta qaytib kelganda yozgan edi. Ma’lumki, ungacha Anaksimen, Lampsak ham «Ritorika» nomli qo`llanma yaratgan edi. Bu ikki asar bir-biriga tamoman o`xshamaydi. Ularning birinchisi qo`llanma bo`lsa, ikkinchisi chiroyli so`zlash nazariyasi bo`yicha ilmiy mulohazalardan iborat. Aristotel har bir jumlaning asosiy fikrini ifoda etishga qaratilishi, ravon va tinglovchi tushunadigan darajada sodda bo`lishini talab etadi. U notiqning hissiyot bilan so`zlashi mulohaza yuritayotgan fikrining tinglovchi qalbiga tez yetishiga muhim omil bo`lishini alohida uqtiradi. Bundan tashqari, Aristotel notiqning auditoriyani o`ziga jalb etishi uchun hazil-mutoiba so`zlar bilan lirik chekinish qilib tinglovchilarni hayajonlantira bilishi zarurligini, agar turli ko`rgazmali qurollardan foydalansa, har xil epitet, chog`ishtirish va metaforalarni qo`llasa, nutqining ta’sirchanligi yanada oshishini, ammo keltirilgan misollar ko`payib ketib, tinglovchini zeriktirib qo`ymasligi kerakligini ham ta’kidlaydi. Aristotel notiqlik san’atini egallashni5 qismga bo`lib o`rgatadi: Materialni kashf etish (har tomonlama tayyorlash). Materialni joylashtirish shakli (rejasi). Materialni eslab qolish (o`zlashtirish). Materialni so`z yordamida to`g`ri aks ettirish. Materialni to`g`ri talaffuz etish. Aristotel fikrlari hozirgi kunda ham o`z qimmatini yo`qotgani yo`q. Umrini ona-Vatanining gullab-yashnashiga bag`ishlagan davlat arbobi, mashhur notiq Demosfen eramizdan oldingi 384 yili Afinada o`ziga to`q oilada dunyoga keldi. Uning otasining ismi ham Demosfen bo`lib, qurol-yaroq ustaxonasining egasi edi. Demosfen notiqlik bilan shug`ullanishdan avval o`z ustozi yo`lidan borib, boshqalarga sudda so`zlanadigan nutqning matnini yozib berar va bu ishlari uchun yaxshigina haq olar edi. Bora-bora nutqiy matnlar yozish Demosfenni qoniqtirmaydi. U otashin vatanparvar sifatida ijtimoiy faoliyatini vatanining ravnaqi uchun sarflashni orzu qiladi. Yosh notiqning xalq oldidagi birinchi nutqi ayanchli holda: to`polon, kulgi, qiyqiriq, hushtak chalib masxaralash bilan qarshi olinadi. U o`z nutqini tugatolmay minbardan tushishga majbur bo`ladi. Demosfen nutqining bunday ayanchli tugashi tabiiy edi, chunki uning tovushi juda past bo`lib, bir oz duduqlanar, «r» harfini talaffuz etolmas, g`uldirab, mujmal gapirar edi. Bulardan tashqari, uning elkasini qimirlatib turadigan odati ham bo`lib, ko`pchilik orasida o`zini tog`ri tuta bilmas edi. Xalq majlislaridan birida Demosfen o`zini ikkinchi bor sinab ko`radi. Lekin bu safar ham muvaffaqiyatsizlikka uchraydi. Shundan so`ng Demosfen o`z nutqidagi kamchiliklarni boshqa takrorlamaslik uchun astoydil bosh qotiradi. Har kuni bir necha soatlab noto`g`ri talaffuz etayotgan so`zlari ustida qayta-qayta mashq qiladi. Hatto og`ziga tosh solib olib, qattiq va ravon gapirishga harakat qiladi. «r» tovushini to`g`ri talaffuz etish uchun esa kuchuk bolasining irillashini kuzatadi va o`zi ham xuddi shu tovushni qaytaradi. Nihoyat uzoq muddatli tinimsiz mashqlardan so`ng Demosfer o`z maqsadiga erishadi: mashhur notiq bo`lib etishadi. Ammo, shunga qaramay, u hech qachon tayyorgarliksiz nutq so`zlamas, oldindan yozib qo`yilgan matnni yodlab olar, har bir so`z ustida puxta o`ylar, jumlalarni aniq va chiroyli tuzishga harakat qilar edi. Ulug` notiqning nutqi shu qadar sodda, ravon, mantiqan puxta va jozibali bo`ldiki, bu faqat mashaqqatli mehnat samarasi edi. Mark Tulliy Sitseron eramizdan oldingi 103 yilda Rimdan uzoq bo`lmagan Arpina shahrida badavlat oilada dunyoga keladi. Uning bolalik yillari Arpina shahridagi otasiga qarashli yerlarda o`tadi. Otasi o`z farzandiga yaxshi ta’lim-tarbiya berish maqsadida Rimga ko`chib o`tadi. Sitseron u yerda yunon tili va adabiyotini mukammal egallagach, Yunonistonning mashhur so`z ustalari Litsiniy Krass va Mark Antoniy kabi notiqlardan so`z san’atining nozik sir-asrorlarini o`rganadi, ularning ajoyib nutqlarini tinglaydi. Bo`lajak notiq, ayni vaqtda, falsafa bilan ham shug`ullanadi. Lekin uni ko`proq notiqlik san’ati qiziqtiradi. Sitseron notiqlarning turli mimika va harakatlari bilan so`zlashayotganini ko`rib, notiq bo`lish uchun aktyorlikdan ham xabardor bo`lish kerak ekan, degan xulosaga keladi. Shuning uchun Ezop va Rossiy kabi o`z davrining mashhur aktyorlaridan saboq oladi. Sitseron uzoq tayyorgarlikdan so`ng, 25 yoshida birinchi marotaba xalq oldida nutq so`zlashga jur’at etadi. U avval grajdanlik, so`ngra jinoiy ish jarayoni bo`yicha gapiradi. Biroq, uning bu nutqida davlat boshliqlaridan Sull hamda Kott ismli mashhur notiqlar qarshi chiqadi. Shundan keyin, u ritorika va falsafa fanlaridan mukammalroq nazariy bilim olish maqsadida zamonasining buyuk notiqlaridan hisoblangan Antio Askalonskiydan ta’lim oladi, mashhur so`z ustalaridan o`rganish niyatida Kichik osiyoning bir qancha shaharlarini kezib chiqadi. U ancha vaqtgacha nutq so`zlashda yangi usullar qidiradi. Nihoyat Osiyo hamda Attika usullari omixtasidan iborat bo`lgan yangi bir uslub kashf etadi. Sitseron o`z — zamonasining ko`pchilik so`z ustalari singari, o`z faoliyatining ilk davrlaridayoq nutqida uslubning chiroyliligi, iboralarning jonliligi, jumlalarning nafis bo`lishiga katta e’tibor beradi. Sitseronning fikricha, notiq shunchaki, sud ishlarining barcha qonun-qoidalarini yaxshi biladigan qonunparast emas, balki davlat ishlarini chuqur tushunadigan xalq qayg`usiga hamdardlik qila oladigan davlat arbobi bo`lmog`i kerak. Shuning uchun notiqlik san’atiga qiziqqan har bir kishi faqat ritorika ilmiga oid ibtidoiy bilimlar bilan cheklanmasdan va o`zining tabiiy iste’dodiga ishonib qolmasdan, doimo turli fanlarni o`qib-o`rganmog`i, ilm va madaniyatning yuqori cho`qqilariga intilmog`i darkor. Bundan tashqari, «Notiqlar haqida» asarining muallifi notiqlarning odamlar diliga qo`rquv, g`azab va qayg`u sola bilishi va aksincha, bu xildagi hayajonli holatlardan kishilarni xalos qilib, ularning ruhida xotirjamlik, mehr-shafqat hislarini uyg`ota olishi kerak, degan fikrni ilgari suradi. Uning fikricha, agar notiq odamlarning turli-tuman xarakterlarini sezmasa, inson tabiatiga xos umumiy xususiyatlarni bilmasa va har bir kishini goh bezovta qiladigan, goh tinchlantiradigan sabablarni tushunmasa hech qachon o`zining maqsadiga erisha olmaydi. Sitseron «Brut» (47 yil), «Notiq» (56 yil) nomli boshqa asarlarida Rim notiqlik san’ati tarixi haqida batafsil fikr yuritib, attikachilarning nazariyalariga tamomila qarshi mulohazalar bilan maydonga chiadi. Uning ta’kidlashicha, har qanday notiqning ko`zda tutgan asosiy maqsadi — tinglovchining zavqini uyg`otib, o`ziga moyil qilishdan iboratdir. Notiq sharoitga qarab, mavjud uslublarning hammasidan baravar foydalanishi zarur. Yunon madaniyati, xususan, Afina notiqlik san’ati tanazzulga yuz tutgan bir paytda Italiyada Rim notiqlik san’ati rivojlana boshladi. U antik notiqlikning yana bir muhim tarmog‘i edi. Bu notiqlik lotin tilida shakllanganligi tufayli lotin notiqligi deb ham yuritiladi. Rim imperiyasi ijtimoiy mazmuni jihatidan quldorlik tizimiga asoslangan bo‘lib, unda faqat ijtimoiy tuzum taraqqiyoti emas, balki notiqlik san’ati taraqqiyotida ham Yunoniston tarixining, xususan, Afina tarixining ayrim bosqichlarining takrorlanishini ko‘ramiz. Chunki Rim madaniyatiga yunon, xususan Attika madaniyati katta ta’sir o‘tkazgan edi. Negaki, yunon demokratiyasining ravnaqi eramizdan oldingi V asrga to‘g‘ri kelsa, Rim imperiyasining rivojlanish davri eramizdan oldingi IV-III asrlarga to‘g‘ri keladi. Shuning uchun ham ilg‘or yunon madaniyati, yunon notiqlik san’atining Rim notiqlik san’atiga ta’sir etishi tabiiy bir hol edi. Eramizdan oldingi II asrdan boshlab Rim imperiyasining quldorlik siyosati kuchaydi. Bu o‘z navbatida qullarning g‘azab kosasi to‘lishiga sabab bo‘ldi va qullar bilan quldorlar orasida keskin kurash davri boshlandi. Ajoyib satirik Lusiliy (eramizdan oldingi 180-102 yillar) asarlarida bu kurash yorqin aks ettirilgan. Siyosiy-ijtimoiy sharoitda so‘z san’ati yana kuchga kirdi va davlat arboblari shu qudratli qurol – notiqlik san’ati vositasi bilan kurash olib bordilar. Rim imperiyasida Katon, aka-uka Grakxlar, Mark Antoniy, Sitseron kabi yirik notiqlar yetishib chiqdi. Yirik davlat arbobi va notiqlardan biri Katon qadimgi olimlarning hisobiga ko‘ra 150 taga yaqin nutq meros qoldirgan. Katonning eng sevimli usuli masalani muxtasar, ixcham bayon qilish uslubini qo‘llagan. U masalani g‘oyat keskin tarzda qo‘ygan. Fikrlarni stilistik jihatdan g‘oyat go‘zal konstruksiyada, ifodali va ta’sirchan shaklda bayon etishni xush ko‘rgan. Har bir masala bilan tanishar ekan,uni atroflicha o‘rganib chiqishga e’tibor bergan. Katon notiq sifatida shu qadar kuchli mahorat egasi ediki, bu borada unga Sitseron ham tan berib yozadi: "Hammasini yanada chiroyliroq, yanada nafisroq qilib aytish mumkin, ammo hech narsani undan kuchliroq va jonliroq qilib aytish mumkin emas". His-hayajon bilan so‘zlash borasida Sitseron deyarli hech kimga shu qadar yuksak baho bermaydi. Sitseron fikricha, "har qanday notiqning asosiy maqsadi – tinglovchining zavqini uyg‘otib, o‘ziga moyil qilishdan iborat". Buning uchun esa, zarur bo‘lgan notiqlik uslublarining barcha imkoniyatlaridan foydalanish mumkin. Sitseron sud notiqligi bo‘yicha shuhrat qozongan. U eramizdan oldingi 63-yilda oliy lavozimga – konsullikka saylanadi. Bu lavozimda turib u aristokratlarni himoya qiladi va demokratik guruhlarning ashaddiy dushmaniga aylanadi. Tarixiy ma’lumotlarga ko‘ra Sitserondan quyidagi asarlar qolgan: 1. Jami 150 nutq. Shundan 58 tasi bizgacha yetib kelgan. 2. Falsafa mavzularida yozilgan 12 ta asar. Notiqlik tarixi va nazariyasiga oid 7 ta risola. Jami 800 ga yaqin maktub. Sitseronning notiqlik san’atiga bag‘ishlangan asarlari orasida uch risola – "Notiq haqida", "Brut yoki mashhur notiqlar haqida" va "Notiq" nomli asarlari juda katta tarixiy, nazariy va amaliy ahamiyatga ega. Chunki bu risolalarda notiqlik san’ati deyarli barcha aspektlarda tahlil etilgan. Sitseron notiqlik mahorati o‘ziga xos xislatlarga ega. Masalan, u biror fikrni bayon etar ekan, nutqini shu fikr doirasi bilan cheklab qo‘ymagan. Aksincha, uning nutqlarida fikr erkinligi hukmron bo‘lgan va notiqning falsafiy, siyosiy, axloqiy qarashlari har doim uyg‘un tarzda mujassamlashgan. Sitseron notiq sifatida o‘z tinglovchisiga emotsional ta’sir etish masalasiga alohida e’tibor bergan. Shuning uchun ham uning nutqlarida balandparvoz so‘z, ibora va jumlalar ko‘p uchrar, nutqining umumiy yo‘nalishi ulug‘vor uslubga moyil edi. Biroq ana shu ulug‘vorlik orasida u oddiylik, kulgi-mutoyiba, ritorik savollardan ham foydalanardi. Shu jihatdan qaraganda uning nutq uslubi qorishiq, umumiylashgan uslubga ham o‘xshab ketardi. Sitseron matnning ravonligi, go‘zalligi, ifodaliligi va musiqiyligiga alohida ahamiyat bergan. Sitseron o‘z nutqiga katta tayyorgarlik ko‘rgan. Shunday bir rivoyat bor, Sitseron bir kuni nutq so‘zlashga tayyorlanib ulgura olmagani uchun nima qilishini bilmay turgan ekan. Xuddi shu paytda bir qul xizmatkor kirib, majlis qoldirilganini xabar qilibdi. Sitseron quvonganidan o‘sha qulni shu zahotiyoq ozod qilib yuborgan ekan. Kishi shoir bo‘lib tug‘iladi, ammo notiq bo‘lib yetishadi, degan hikmatni olg‘a surgan Sitseron chindan ham notiqlik san’atini izlanish va mehnat tashkil etishini yaxshi tushungan va shu haqiqatga ishongan. Sitseron nutq kompozitsiyasiga alohida e’tibor bergan. Ayniqsa, nutqning kishilar ongiga ta’sir etuvchi qismi - argumentatsiya, mantiqiy isbotlarga va kishilarning hissiyotiga ta’sir etuvchi qismiga alohida e’tibor qilgan. Sitseron nutq jarayonida uch muhim omilga alohida e’tibor berishni ta’kidlagan. Bu nutqning kirish qismi, xotimasi va repetisiyasidir. Sitseronning hayoti, ijodi, falsafiy va adabiy qarashlari, notiqlik mahorati va bu sohadagi ta’limoti hozirgi kunda ham amaliy va nazariy ahamiyatga molikdir. Mashhur notiq Sitseron: “Tarixda yo yaxsh harbiy sarkarda, yo yaxshi notiq bo`lish kerak”, degan edi. Bunda notiqlik san`ati sarkardalik san`atiga tenglashtiriladi. Plutarx ham notiqlikning nihoyat darajada og’ir, sermashaqqatliligini tan olib, bu san`atni hayotiy zaruriyat deb hisoblaydi. Sud ishlarida o`rnatilgan tartib ham bu san`atning yuksalishida katta turtki bo`ldi. Chunki sud jarayonida javobgar o`ziga qo`yilayotgan aybning asossizligini isbotlab gapirishi, da`vogar esa o`z fikrida qattiq turishi, uni qoralashi shart edi. Ammo hamma ham chiroyli nutq so`zlash qobilyatiga ega bo`lmaganligi sababli, nutq matnlarini yozib beradigan bilimdon kishilar – “logogrflar” ga ehtiyoj tug’ildi. Oradan biroz vaqt o`tib, tantanali nutq – epideytik nutq uslubi paydo bo`ldi. Logogrflar bunday nutq matnlarini tayyorlash uchun o`zidan oldin o`tgan salaflarining merosiga va xalq og’zaki ijodiga murojaat qila boshladilar. Notiqlik san`ati shu tariqa asta-sekin shakllanib, badiiy adabiyotning ravnaqida katta vazifani bajardi, tragediya, komediya, roman janrlarining paydo bo`lishiga ijobiy ta`sir ko`rsatdi. “Bulardan tashqari, notiqlik san`atining rivoji adabiy tilning shakllanishiga, notiqlik san`ati nazariyasidan iborat bo`lgan “Ritorika” iilmining vujudga kelishiga sabab bo`ldi. Rimdagi barcha shoirlar va notiqlar shu maktabdan, ya`ni ritorika maktabidan ta`lim olganlar”1 Notiqlar tomonidan yaratilgan matnlar nasriy va poetik ijod namunasi bo`lib, Aristotel, Demosfen, Sitseron kabi ijodkor notiqlarning nomi jahonga mashhur bo`lgan. Aristotel (384-322)- Arastu nomi bilan O`rta Osiyoda ma`lum va mashhur bo’lgan Aristotel eramizdan avvalgi, 384-yilda Makedoniya yarim orolidagi Xalqidik Stagirda tug`ilgan. Uning otasi Nikomax Aleksandr Makedonskiy bobosi podsho Aminti II saroyida shifokorlik qilgan. 17 yoshida Afinaga kelib, mashhur olim Platonga shogird bo`lgan, 347-yili Proaddan o`tib Asosga boradi. Unga zo`ravon, zolim Germiy homiylik qiladi. Germiy vafotidan so`ng, Lesbos yarim orolidagi Mitilen shahriga ko’chib o`tadi. 342-yilda shoh Filipp o’g’li makedoniyalik Aleksandr tarbiyasi uchun Aristotelni ma’sul qilib belgilaydi. Olim bu yerda falsafa maktabini ochadi, katta kutubxona tashkil etadi. Buyuk olim “Poetika” nomli mashhur asaridan so`ng, 330-yilda Afinada “Ritorika” kitobini yozadi. Anaksemen “Ritorika” nomli qo`llanma, Lampsak ham shu nomidagi chiroyli so`zlash nazariyasi bo`yicha ilmiy mulohazalardan iborat asar yozgan edi. Aristotel esa “Ritorika” asarini uch kitobdan iborat qilib yaratadi. Chiroyli so`zlash, ishontirish metodlari haqidagi fikr-mulohazalar birinchi va ikkinchi kitobda bayon etilgan bo`lsa, uchinchi kitobda nutq mantiqiga katta e`tibor beriladi. Olimning fikricha, notiq tilidagi turli “qorishmalar” ya`ni so`zlarning noto`g’ri va noo`rin talaffuz qilinishi, jumlalarning mantiqan har xil tuzilishi so`zlovchining katta xatosidir. Bunda har bir jumla asosiy fikrni ifoda etishga qaratilishi, ravon va tinglovchi tushunadigan darajada sodda bo`lishi talab etiladi. Olim notiqning hissiyot bilan so`zlashi, mulohaza yuritayotgan fikrining tinglovchi qalbiga tez yetishida muhim omil bo`lishini alohida uqtiradi. Aristotel notiqning jamoani o`ziga jalb etishi uchun hazil-mutoyiba so`zlar bilan lirik chekinish qilib tinglovchilarni hayajonlantira bilishi zarurligini, agar turli ko`rgazmali qurollardan foydalansa, badiiy vositalardan epitet, chog’ishtirish, metaforalarni qo`llasa, nutqining ta`sirchanligi yanada oshishini, ammo keltirilgan misollar ko`payib ketib, tinglovchini zeriktirib qo`ymasligi kerakligini ham ta`kidlaydi. Aristotel notiqlik san`atini egallashni besh qismga bo`lib o`rgatadi: Materialni kashf etish (har tomonlama tayyorlash). Materialni joylashtirish shakli (rejasi). Materialni eslab qolish (o`zlashtirish). Materialni so`z yordamida to`g’ri aks ettirish. Materialni to`g’ri talaffuz etish. Download 35.8 Kb. Do'stlaringiz bilan baham: 
|