«digital technologies in modern education: current trends and development factors in philology and pedagogy»

Сентябрь-Октябрь 2021
8-9-қисм
«ЗАМОНАВИЙ ТАЪЛИМДА РАҚАМЛИ ТЕХНОЛОГИЯЛАР: ФИЛОЛОГИЯ ВА ПЕДАГОГИКА 
СОҲАСИДА ЗАМОНАВИЙ ТЕНДЕНЦИЯЛАР ВА РИВОЖЛАНИШ ОМИЛЛАРИ»
соҳаларни ривожлантиришда асосий тўсиқ бўлиб қолмоқда. Буларнинг барчаси қишлоқ 
ҳудудларида сервис соҳасини ривожлантиришда алоҳида эътиборни кучайтиришни зарур 
қилади ҳамда чуқур илмий тадқиқотлар олиб боришни тақозо этади.
Инновацион технологияларнинг ривожланиши аҳоли турмуш даражасига ўз таъсири 
кўрсатади. Бундай инновацион технологиялар орқали хизмат, сервис истеъмолчиларига 
маълум бир қулайликлар яратилади. Бундай қулайликларни яратиш билан бирга товар (хиз-
мат, сервис) истеъмолчига етиб боришига қадар маълум бир йўлни босиб ўтади. Ушбу йўлни 
камайтириш орқали хизмат кўрсатишни инновацион технологиялар орқали арзонлаштириш 
(камайтириш)га эришиш мумкин бўлади. Айниқса, буларни XXI асрда ҳаётимизга кириб 
келган рақамли технологиялар билан олиб бориш қулайликларни яратади.
Рақамли технологиялар орқали ахборот алмашинувининг тезлигини ошириш, вақтни те-
жаш, реклама ҳаракатларини арзонлаштириш, истеъмолчиларга товарлар ҳақида интернет 
сайтлари орқали кенг маълумотларни бериш, ишлаб чиқарувчи (хизмат кўрсатувчи)ларни 
марказлаштирилган ҳолда фаолиятини ташкил этиш, кадрларни тайёрлаш ва малакасини 
янада оширишга эришиш мумкин. Бундан ташқари, электрон савдо хизматларини ривож-
лантириш IT технологияларнинг янги босқичига ўтиш имконини беради.
Қишлоқ хўжалиги корхоналарига суғурта компаниялари хизматларини кенг жорий этиш 
зарур. Бунинг учун, ҳозирда мавжуд суғурта компаниялари хизматлари фаолиятини кластер-
ларда ташкил этиш керак. Қишлоқ хўжалиги маҳсулотларига буюртма берувчи корхоналар 
фермер ва деҳқон хўжаликларига буюртма бериши билан бирга, маҳсулотларни олдиндан 
пуҳта ўрганиш ишларини олиб бориб, суғурталаш талаб этилади. Бу, табиий иқлим шарои-
тининг ёмонлашуви ёки айрим йўқотишлар сабабли келиб чиқиши мумкин бўлган зарарни 
бартараф этишни кафолатлайди.
Корхоналарда 5, 10, 15 йил амалий тажрибага эга бўлган кадрларни ОЎЮларига тавсия 
асосида қабул қилишни жорий этиш, таълим муассасаларини ҳудудларда фаолиятини йўлга 
қўйиш мақсадга мувофиқ ҳисобланади. Бу, аҳолининг таълим даражасини янада оширишга 
ва ҳудудларда янги хизматларнинг ташкил этилишига ижобий таъсир кўрсатади. Бундан 
ташқари, таълим муассасаларини ушбу кўринишда ўқишдан сўнгги 5-10 йил ичида буюр-
тмачи корхоналарда бандлигини таъминлаш шарти ишсизлик муаммосини бартараф этишга 
қулай муҳит шакллантирилади.
Қишлоқ жойларида марказлаштирилган хизматларни ташкил этиш билан бирга хизмат 
кўрсатиш техникаларининг ҳолатини онлайн кузатиб бориш, улар хизматларидан фойдала-
ниш учун қулай шароит яратилади.
Марказлаштирилган хизматларни онлайн ташкил этиш билан кам талаб этилаётган хиз-
матларни тугатиш, янгиларини очиш ва истеъмолчилар талабини интернет тармоқлари 
орқали ўрганиш мумкин бўлади.
МТПларда мавжуд техникаларни мавсумий ишларга жалб қилишда уларнинг ишлов бе-
ришга тайёргарлигини текшириш ва таъмирлаш хизматларини алоҳида ташкил этиш, ушбу 
соҳа учун мутахассисларни иш билан бандлигини таъминлаш билан бирга техникаларнинг 
яроқлилиги, хизмат кўрсатиш даражасини янада оширишга имкон яратади.
Қишлоқ жойларида хизмат кўрсатиш, ишлаб чиқариш (фермер ва деҳқон) хўжаликларига 
консалтинг хизматларини ташкил этиш, корхоналарда самарадорлик кўрсаткичларини 
аниқлаб боришни таъминлаш мақсадида консалтинг хизматларини йўлга қўйиш мумкин.
Юқорида таклиф этилаётган барча турдаги ривожлантириш йўлларини тўғри ташкил 
этиш учун, ҳудудларда интернет ва алоқа воситаларини янги техникалар орқали ташкил 
этиш талаб этилади.