Diktant tu’rleri ha’m metodikasi

YADTAN JAZIW DIKTANTI
Altın otta bilinedi,
Adam – miynette.
***
O’ner bolsa qolın’da,
Nan tabılar jolın’da.
***
Jer iyesi bolma,
Miynet iyesi bol.
E K I N SH I K L A S S


I sherek


BIRINSHI KLASSTA O’TILGENLERDI TA’KIRARLAW
1. So’zlik. Grammatikalıq analiz ushın ga’pler. 2. So’zlik diktant ushın so’zler. 3. Saylandı diktant ushın ga’p ha’m tekstler. 4. Ko’rsetiw diktantı ushın ga’p ha’m tekstler. 5. Yadtan jazıw ushın ha’r qıylı derekler. 6. Aytıw diktantı ushın tekstler. 7. Tu’sindirmeli diktant ushın tekstler. 8. Tekseriw ushın tekstler.
Sabaq saatı kemirek ajıratılatug’ın temalar ushın bolsa diktantlardın’ ayırım tu’rleri g’ana usınıs etilgen. Sawat u’yreniw ushın a’lipbe ta’rtibindegi ha’riplerge tiyisli so’z ha’m ga’pler berilgen.


SO’ZLIK
Aprel, baha, ba’ha’r, gazeta, da’pter, dekabr, ja’ma’a’t xojalıg’ı, juwap, iyun, iyul, la’blebi, mart, mashina, mebel, minnetdar, piyaz, Samarqand, sentyabr, saat, tan’, Tashkent, traktor, fevral, yanvar, hawa, wazıypa.


ANALIZ ETIW USHIN GA’PLER
I. 1. Tan’ attı. 2. Quyash shıqtı. 3. Quslar ushtı. 4. Oqıtıwshı keldi. 5. Sabır oqıdı. 6. Oqıwshı jazdı. 7. Qoyan qashtı. 8. Mashina toqtadı. 9. Qaran’g’ı tu’sti. 10. Dostım keldi. 11. Terim baslandı.
II. 1. Sabaq baslandı. 2. Balalar qosıq ayttı. 3. Atam jumısqa ketti. 4. Anam fabrikada isleydi. 5. Salqın samal esti. 6. Biz qunt penen oqıymız. 7. Tereklerdin’ japırag’ı sarg’aydı. 8. Tırnalar to’menlep ushtı. 9. Oqıwshılar a’depli bolıwı kerek. 10. Quyash nur shashtı. 11. Jazda quyash qızdıradı. 12. Karima ıdıstı juwdı.
III. 1. Diywalda saat ildiriwli tur. 2. Men qızıqlı kitap oqıdım. 3. Oqıwshılar mektep bag’ına keldi. 4. Pıshıq tıshqandı ko’rip qaldı. 5. Quyash taw artına jasırındı. 6. Quslar inlerine kirip ketti. 7. Mektebimiz qasında muzey bar. 8. Mektepte Nawrız bayramı o’tkerildi. 9. Biz seyilge shıqtıq. 10. Sarg’ayg’an japıraqlar tu’spekte. 11. Balalar kino ko’rdi. 12. Oqıwshılar miywe teriwge keldi.
IV. 1. Biz keshe atızg’a bardıq. 2. Qa’dir xana esigin japtı. 3. Qalamızda u’lken ka’rxana bar. 4. Ru’stem qızıq kitap oqıdı. 5. Biz taza u’yge ko’shtik. 6. Jerdi appaq qar qapladı. 7. Toqımashılıq ka’rxanasında ha’r qıylı gezlemeler toqıladı. 8. Biz erten’ tawg’a shıg’amız. 9. Biz jazda lagerge baramız. 10. Ku’shli samal esti. 11. Zalg’a u’lken arsha ornattıq. 12. Apam kitaplardı shkafqa taqladı. 13. Quslar – qanatlı doslarımız. 14. Taza hawa paydalı.
V. 1. Men du’kannan su’wretli kitap aldım. 2. Rano ren’li qa’lemin Nasibag’a sawg’a etti. 3. Balalar na’ldi salmanın’ boyına ekti. 4. Quslar qurt-qumırısqa ha’m da’n menen awqatlanadı. 5. Quslar ıssı ma’mleketlerge ushıp ketti. 6. Sharip ju’da’ ko’p ertek biledi. 7. Asan su’wretke qarap gu’rrin’ du’zdi.