Diktant tu’rleri ha’m metodikasi

ANALIZ ETIW USHIN GA’PLER
I. 1. Radiodan jag’ımlı muzıka esitildi. 2. Quyash nurı ha’mme jaqtı ısıttı. 3. Azanda sho’plerge qıraw tu’sti. 4. Ba’ha’rgi gu’ller ashıldı. 5. Balalar xanadan ha’wlige shıqtı. 6. Jag’ımlı samal espekte. 7. Iri jawın tamshıları ju’zimizge urıldı.
II. 1. Diyqanlar hasıldı jıynap aldı. 2. Sayaxatshılar uzaq sapardan qayttı. 3. Atam taza tufli alıp berdi. 4. Quslar qurt-qumırısqalardı jeydi. 5. Ko’l u’stinen jabayı u’yrekler ushıp o’tti.
III. 1. Keshqurın dem alıwshılar lagerde gu’lxan jaqtı. 2. Sayaxatshılar on’ ta’repke burıldı. 3. Qon’ıraw shalınıw menen oqıwshılar klassqa kirdi. 4. Oqıwshılar shembi ku’ni kitapxanadan kitap aldı. 5. Mektep bag’ında ha’r qıylı gu’ller ashıldı. 6. Iyun ayında miyweler pisedi.
IV. 1. Balalar kitap oqıydı, su’wret saladı ha’m qosıq aytadı. 2. Qısta jap-salmalar muzlaydı. 3. Arıslan, bo’ri, tu’lki ha’m jolbarıs – jabayı haywanlar. 4. Bazarda qawın, g’arbız, pomidor satılmaqta. 5. Men da’pter ha’m kitaptı papkada saqlayman. 6. Diyqanlar biyday ha’m salını jıynap aldı. 7. Xalqımız hadal miynet penen jasaydı ha’m o’z miyneti menen abıroy arttıradı.
V. 1. Ba’ha’r keldi ha’m terekler gu’llendi. 2. Bult tarqaldı, biraq jawın tıng’an joq. 3. Quyash battı ha’m salqın samal esti. 4. Qon’ıraw shalındı, oqıwshılar klassqa kirdi ha’m sabaq baslandı. 5. Terek japıraqları sarg’aydı.


KO’RSETIW DIKTANTI


Mektep qushag’ında
Jaz o’tti. Jazda biz jaqsı dem aldıq. Gu’z ma’wsimi keldi. Gu’z sentyabr ayınan baslanadı. Oqıw da usı aydan baslanadı.
Mektebimiz u’lken. Ha’wlide sport maydanshası da bar. Maydanda ha’r qıylı oyınlar sho’lkemlestiremiz. Mektebimiz qasındag’ı imaratta ustaxana, kitapxana bar.
BILIMLENDIRIWSHI DIKTANT


En’ u’lken haywan
Du’nyadag’ı en’ u’lken haywan ko’k kit bolıp esaplanadı. Onın’ uzınlıg’ı otız metrden asadı. Bul izbe-iz qoyılg’an altı pilden uzınıraq esaplanadı.
Bir ko’k kittin’ awırlıg’ı otız pil awırlıg’ınan ko’birek bolıp, bir ju’z eliw tonnag’a shekem jetedi. Bir ko’k kit jeti vagong’a ju’k boladı.
Bunday ko’k kit qay jerde jasaydı eken? – dep oylaysız. Olar okeanlarda jasaydı. Ha’zirgi ku’nde ekologiyalıq jag’daydın’ jamanlasıwı sebepli kitler azayıp barmaqta. Bunday haywanlardı asırap qalıw ushın ta’biyattı asıraw lazım.