I sherek
EKINSHI KLASSTA O’TILGENLERDI TA’KIRARLAW
SO’ZLIK
Dekabr, jawın, juwap, Kamal, la’blebi, lager, lobiya, metro, miynet, mehriban, mu’mkin, na’wbetshi, oktyabr, kese, pomidor, raketa, su’wret, dizim, geshir, soraw, sa’wbet, ta’biyat, tamasha, traktor, tramvay, xat, qa’te, xojalıq, samal, sheker, yanvar, haywan, ha’rip, du’kan.
ANALIZ USHIN GA’PLER
1. Diyqanlar paxta terimin basladı. Bul jıl mol hasıl boldı. 2. Qır qoynında jaylaw bar. 3. Atızda jambılshalar pise basladı. 4. Ru’stem gu’llerge suw quydı. 5. Avgustta balalar lagerden qaytadı. 6. Balalar quslarg’a uya isledi. 7. Bu’lbil jag’ımlı sayraydı. 8. Quslar ıssı jaqlarg’a ushıp ketti. 9. Bag’da tu’rli gu’ller ashılg’an. 10. Salma boyında ko’k-ko’mbek maysalar o’sedi. 11. Qa’dir quslarg’a da’n shashtı. 12. Haywant bag’ında pildi ko’rdik. 13. Jazda oqıwshılar lagerge baradı. 14. Men ag’ama xat jazdım.
AYTIW DIKTANTI
Bizin’ klass
Mektebimiz jan’adan qurılg’an. Klass xanaları u’lken ha’m jaqtı. Klassta partalar, doska ha’m oqıtıwshı ushın stol, stul bar. Diywalda babamız A’jiniyaz Qosıbay ulının’ portreti ildirilip turıptı. Klassta shakf ta bar. Biz klass kitapxanasın sho’lkemlestirdik. Zarifa kitapxananı basqaradı. Zakir og’an ja’rdemlesedi.
Gu’z
Balalar su’wret saldı. Gu’z ko’rinisin sarı ren’ge boyadı. Nege bılay isledi? Sebebi gu’zde terek japıraqları sarg’ayadı. Sho’pler de sarı boladı. Nege gu’zde suwıq samal esedi? Sebebi, quyash jerdi kemirek ısıtadı.
YADTAN JAZIW DIKTANTI
Soraw-juwap
Ushırasıp qaldı
Bu’rkit ha’m g’arg’a.
Bir-birinen
Hal-awhal sorasar:
|
- Ne ga’p tawda?
- Tınıshlıq tawlarda!
- Ne ga’p bag’da?
- Tınıshlıq bag’larda!
|
Do'stlaringiz bilan baham: |
