#Diktor: Qıs máwsimi keliwi menen xalıqtıń jılıtıw sistemalarına bolǵan talabı artadı. Sonıń menen birge órt qáwipsizligi qaǵıydalarına ámel etiw talap etiledi

---

#Diktor: 
Qıs máwsimi keliwi menen xalıqtıń jılıtıw sistemalarına bolǵan talabı artadı. Sonıń menen birge órt 
qáwipsizligi 
qaǵıydalarına 
ámel 
etiw 
talap 
etiledi. 
Elimizde dekabr' ayı - órt qáwipsizligi ayı dep belgilenip, aylıq sheńberinde órt qáwipsizliginiń aldın alıwda 
xalıq arasında úgit-násiyatlaw jumısları alıp barılıp atır. Bul haqqında xabarshımız sóz etedi. 
#XABAR_Taxtakópir
Órt qáwipsizligi ayı sheńberinde 
Xabarshı: Qıstıń búgingidey qáhári qattı hawa rayı insannıń sabırın sınap, onı suwıǵı menen qıynap 
qoyatuǵını belgili. 
Usınday máwritlerde xalıq arasında órt qáwipsizligi hám iyis gazinen záhárleniw, hawa-gaz aralaspası 
shaqnawı nátiyjesinde payda bolatuǵın órttiń hám ayrıqsha jaǵdaylardıń aldın alıw - úlken áhmiyetke iye. 
Xalqımızǵa bul boyınsha túsinik jumısların alıp barıw - búgingi kúnniń wazıypası bolıp tur. 
Taxtakópir rayonı aymaǵında jasawshı puqaralar arasında órttiń aldın alıw, iyis gazinen záhárleniw hám 
júz beriwi múmkin bolǵan hár qanday baxıtsız hádiyselerdiń aldın alıw, elektr energiyası hám tábiyǵıy gaz 
benen islenetuǵın pech', kontramarka pech' hám basqa da jılıtıw úskenelerinen qáwipsiz paydalanıw 
boyınsha profilaktikalıq úgit-násiyat jumısları alıp barılıp atır. Ilaj dawamında jeke turaq jaylar menen kóp 
qabatlı 
jaylardıń 
ısıtıw 
qazanxanalarında 
anıqlanǵan 
kemshilikler 
saplastırıp 
barılmaqta. 
Interv'yu: Islam Biymbetov - Taxtakópir rayonlıq AJB inspektorı 
Xabarshı: Xalqımızdıń gaz, elektr toki arqalı jılıtıw úskenelerinen paydalanıwı artadı. Peshlerge kómir jaǵıw 
arqalı jaylardı jılıtıwǵa erisiledi. Biraq órt qáwipsizligi jaǵdaylarınıń aldın alıwdı da umıtpawımız kerek. 
Máwsimge baylanıslı rayonlıq Ayrıqsha jaǵdaylar bólimi xızmetkerleri isshi topar aǵzaları menen birgelikte 
puqaralar arasında bolıp, túsindiriw jumısların dawam etip atır. Iyis gazinen záhárleniw, jılıtıw 
úskenelerinen qáwipsiz paydalanıw boyınsha úgit-násiyat jumısları barısında sociallıq ob'ektlerde, sonıń 
ishinde mektepke shekemgi bilimlendiriw mekemelerinde, jeke shańaraqlarda puqaralar menen 
sáwbetlesiwler ótkerilip barılmaqta. Usılayınsha, órt qáwipsizliginiń aldın alıwǵa baǵıshlanǵan bir aylıq 
sheńberindegi úgit-násiyat jumısları dawam etip atır. 
Xabarshı:Gúlnara Dáwletmuratova 
TJK: Salamat Beknazarov