Dil so’zlarim

Biznig mol boqish
Biz har yili mol boqamiz. Juda ko’pchilikmiz. Men Muzik, Zuqi, ammam, Farrux, Behruz, Elbek akalar bilan o'ynaymizmi yoki mol boqamizmi bilmayman, ammo juda mazza qilib o'ynaymiz. Aska va Muziklar juda qitmir ular atrofdagi fermerlarning poliziga kirib qovun yoki tarvuz o'girlab chiqadi. Bir paytlari qulog’i, yuzi qizarib bitta qovun yoki tarvuz ko’tarib kelib qolardi. Valleybol to’pida futbol o'ynab sho’x qo’shiqlar aytib yurar edik. Eshakda ko’pkari o'ynini o'ynardik, bekinmachoq, quvlashmachoq, balandlikdan sakrash, uzoqlikka sakrash kabi turfa xil o'yinlarni o'ynab yurardik. Va mol esimizdan chiqardi, ular allaqachon kimningdir ekiniga tushib, qarasak ekin egasi mollarni qamab qo’ygan bolardi. Keyin yalinib-yolvorib mollarimizni olib chiqardik.

Kitob
Men O'tkir Hoshimovning “Dunyoning ishlari” qissasini o'qishim kerak edi. Va juda qiziqib o'qib chiqdim. Sizga bir voqeani aytib beraman. Komil hech kitob o'qigisi kelmasdi. U juda dangasa edi. Unga bolalar o'qi, ulg'aysang nima bo'lasan cho'pon ham sanashni bilish kerakku, sen cho'pon ham bo’lolmaysan, undan ko’ra oyog’ing cho'loq bo'lib qolasan nogironlik pensiyasini olib yashayverasan deyishadi. U bola keyin kitob o'qib juda yaxshi, tajribali o'qituvchi bo'lib yetishdi uni mazax qilgan bolalar o'zi nogiron bo'lib qolishdi ularni Komil ko’rib kelib turadigan bo’ldi ular hozir Komilni hurmat qiladi. Ana shunday do’stlarim, birovning ustidan faqat olloh hukm chiqaradi, bandasi emas.


Mening maktabdagi jonkuyar ustozim
Mening maktabdagi eng jonkuyar, fidoyi ustozim Abduvahob ustoz, juda mehribon ustoz. U kishi juda yaxshi muallimdir. Umuman, mening ustozlarimning barchasi juda mehribon. Mening ustozim bizning kelajakda yetuk inson bo'lishimiz uchun qanchadan qancha harakatlar qiladi. Maktabdan keyingi vaqtlarda to’garaklar o'tadi va har oyda bir asar o’qitib uning tahlilini qiladi, xullas maktabdagi bu ustozim menga juda yoqadi. Ustozimning maktabdagi to'garagining nomi ham juda zo’r. U "Ko’hinur" nomli to'garak. Bu to'garakka Mansur, Davron, To’lqin ismli o’rtoqlarim bilan qatnaymiz.