Диссертация илмий раҳбар: Афоқова Нодира Махмудовна, филология фанлари доктори

 
 
I.3. Ижодкор ва ижод психологияси 
Жаҳон адабиёти тарихида – реал тарихий шахсларга бағишланган соф 
бадиий, шунингдек, биографик асарларни истисно қилганда, марказида 
ижодкор шахс тақдири турган асарлар анча-мунча яратилган.
32
32
Рус адабиётшунослигида Пушкин даври адабиётида санъат ва санъаткор ҳаёти мавзусига бағишлаб 
ёзилган асарлар махсус тўплам сифатида чоп этилган. Қаранг: Искусство и художник в русской прозе ХIХ 
века. – Ленинград: Издательство Ленинградского университета, 1989. Бу тўпламда 10 ёзувчининг прозаик 
асарлари жамланган бўлиб, улар орасида А.Пушкиннинг “Миср тунлари” ҳамда Н.Гоголнинг “Портрет” 
каби машҳур асарлари ҳам бор. 

---

39 
“Мартин Иден” ва “Сароб” романларида ҳам бош қаҳрамон – 
ижокордир. Ҳар иккала романда адиблар ижодкор шахснинг руҳий оламини, 
характер-хусусиятларини жуда ёрқин ва ишонарли тасвирлаганлар. Аммо бу 
икки романда ижодкор шахснинг икки хил типи яратилган. Албатта, бу, 
аввало, мазкур қаҳрамонларни етиштирган ижтимоий муҳит, маданий-
маънавий омиллар, миллий менталитет кабилардан келиб чиқади. Бироқ 
бизни буларга боғлиқ бўлмаган, соф руҳий-психологик омиллар 
қизиқтиради. 
Мартин асар бошида роман муаллифи томонидан ижодкор сифатида 
тақдим қилинмаса-да, Морзлар хонадонидаги дастлабки учрашувданоқ, 
унинг ижодкорга хос бўлган жуда кучли тасаввур соҳиби эканлиги 
билинади. Умуман, Мартиндаги ижодкорга хос энг муҳим хусусият 
тасаввурнинг кучлилигидир: “Унинг мияси худди хотиралар ва уйдирмалар 
тўла каттакон омборга ўхшарди... Мартиннинг хаёли ўша омбордан бир 
зумда бир-бирига ўхшаш ёки, аксинча, бир-бирига зид нарсаларни олиб 
чиқарди-да, уни ёрқин образларда ифодалаб берарди. Бу иш тамомила ғайри 
ихтиёрий равишда бажариларди”.
33
Энди айрим ижодкорларнинг эътирофларини Мартиннинг психологик 
ҳолатлари билан қиёслайлик: