Dolzarb masalalari

PISA tadqiqoti haqida asosiy ma’lumotlar 
Oʻzbekiston Respublikasi Vazirlar Mahkamasining 2018-yil 8-dekabrdagi “Xalq 
ta’limi tizimida ta’lim sifatini baholash sohasidagi xalqaro tadqiqotlarni tashkil etish 
chora-tadbirlari toʻg‘risida‖gi 997-sonli qarori bilan Xalqaro baholash dasturlari 
boʻyicha xalqaro tadqiqotlarda Oʻzbekiston Respublikasining ishtirok etishiga 
tayyorgarlik koʻrish boʻyicha “Yoʻl xaritasi” tasdiqlangan. Unda eng ustivor vazifa 
qilib quyidagilar olindi: 
– xalqaro tadqiqotlar natijalariga asoslangan holda oʻqish, matematika va tabiiy 
yoʻnalishdagi fanlardan davlat ta’lim standartlari, oʻquv dasturlari hamda oʻquv 
adabiyotlari mazmuniga oʻzgartirish va qoʻshimchalar kiritish; 
– PISA baholash dasturi yoʻnalishidagi savollar milliy bazasini yaratish va oʻquv 
dasturlariga integratsiya qilish; 
– oʻquvchilar savodxonligini baholashning milliy tizimini yaratish va 2019-2021 
yillarda amaliy koʻnikmalarini shakllantirilishini baholashga qaratilgan sinovlarni 
tizimli ravishda oʻtkazib borish. 
Shuning uchun PISA tadqiqotiga batafsilroq nazar tashlaylik: 
Hozirgi kunda milliy innovatsion tizimni rivojlantirish hamda innovatsion 
potentsialini takomillashtirmoq mamlakatning iqtisodiy oʻsishning eng muhim 
omillari hisoblanmoqda. Shuning uchun mazkur omillarni tadqiq etish muammolari 
dunyoning koʻplab davlatlar va xalqaro tashkilotlar uchun dolzarbdir. Shu munosabat 
bilan innovatsion rivojlanishning darajasini tezkor va ishonchli tahlil qilishga 
moʻljallangan baholash tizimi mavjudligi katta ahamiyatga ega. 
Bunday baholash tizimlari sifatida obroʻli xalqaro tashkilotlari tomonidan 
yaratilgan xalqaro reyting tizimlari qoʻllanilmoqda. Shulardan eng mashhur reyting 
tizimi sifatida INSEAD biznes-maktabi, Kornel universiteti va intellektual mulk 
Jahon tashkiloti tomonidan qoʻllanilayotgan Global innovatsion indeks hizmat 
qiladi.