Dunyoda ikki turli inson haqiqiy inson sanaladi: biri o’rgatuvchi, biri o’rganuvchi

KIRISH
Buyuk mutafakkir Yusuf Xos Hojib aytganlaridek, ”Dunyoda ikki turli inson haqiqiy inson sanaladi: biri o’rgatuvchi, biri o’rganuvchi”. Men sizlarning har biringizga ana shunday haqiqiy inson bo’lish baxti nasib etishini tilayman”.
Sh.M.Mirziyoyev
Kadrlar tayyorlash milliy dasturida ta’lim muassasalarining moddiy texnika bazasini mustahkamlash o’quv jarayonini ilg’or pedagogik texnologiyalar bilan taminlash dolzarb vazifalar qatorida belgilangan. Oliy ta’lim oldida qo’yilgan vazifalarga muvofiq ta’lim muassasalari ta’lim-tarbiya jarayonining samaradorligini oshirish ilm-fanning so’nggi yutuqlari amalyotiga joriy etish orqali ijodkorning ijtimoiy faol ma’naviy boy har tomonlama bilimdon milliy va umuminsoniy qadriyatlar ruhida tarbiyalangan ijodiy va mustaqil fikr yurita oladigan barkamol shaxsni kamolga yetkazish kabi qator vazifalarni amalga oshirish lozim.
Kurs ishi mavzusining dolzarbligi. Oʻzbekiston Respublikasi mustaqil huquqiy demokratik davlat, erkin fuqarolik jamiyat qurish yoʻlida ulkan ishlar olib borilib, inson mohiyatining yangidan ochishga, uni oʻzligini anglashga, imkoniyatlarni roʻyobga chiqarishga va ma’naviy intellektual, aqliy – amaliy rivojlanishga yangi shart-sharoitlar yaratib berishdi . Ta’limning fan va ishlab chiqarish bilan integrasiyasi mexanizmlarini rivojlantirish, uni amaliyotga joriy etish, oʻqishni, mustaqil bilim olishni individuallashtirish hamda masofaviy ta’lim tizimi texnologiyasini, uning vositalarini ishlab chiqish, oʻzlashtirish, yangi pedagogik va axborot texnologiyalari asosida oʻquvchi va talabalarni oʻqitishni jadallashtirish ana shunday dolzarb vazifalar sirasiga kiradi. Ushbu vazifalarni bajarish mavjud pedagogik jarayonlarni takomillashtirishni, uni hozirgi zamon oʻquvchi va talabalariga mos rivojlantirishni, xususan oliy pedagogik ta’lim paradigmasini zamonaviy pedagogik va axborot texnologiyalarini oʻzlashtirishga, pedagogika oliy ta’lim muassasalarida kasbiy tayyorgarligi yuqori boʻlgan pedagog kadrlarni tayyorlashga yoʻnaltirishni taqozo etadi. Ta’limni isloh qilish, yangi mazmundagi va zamon talabiga javob beradigan oʻquv adabiyotlar, qoʻllanmalarni yaratish va ilgʻor pedagogik texnologiyalarni joriy etishni taqozo etadi. Ta’lim tizimidagi kamchiliklar, shu jumladan, matematika fanida ham oʻqitish uslubiyotini chetlab oʻtmaydi. Har bitta fanga alohida e’tibor berish, har bir mavzuni o`qitishda ma’suliyatli bo`lish o`qituvchining eng oliy maqsadi hisoblanadi. Bizga ma’lumki matematik analiz fani juda qiziqarli va shu bilan birga murakkab fan bo`lib ham hisoblanadi. Ma’lumki karrali integral mavzusida asosan ikki karrali va uch karrali integrallarni hisoblash ularga ta’rif berish wu jumladan teoremalar asosida hisoblashlarni isbotlash shunga oʻxshash masalalar qaraladi. Ushbu fikrlar tanlangan mavzuning qanchalik darajada dolzarb ekanligini koʻrsatadi.