E-qaror gov uz Vi-59-28-3-53-K/23

---

e-qaror.gov.uz
VI-59-28-3-53-K/23
1
2023 - yil 10 - mart
VI-59-28-3-53-K/23
Forish tuman hokimligi
Forish tumani mahalliy byudjeti hisobidan
 
sarf-xarajatlarga ajratiladigan
mablag`lar to‘g‘risida
O‘zbekiston Respublikasi Prezidentining 2021-yil 13-apreldagi “Byudjet
jarayonida fuqarolarning faol ishtirokini ta'minlash bo‘yicha qo‘shimcha
choratadbirlar to‘g‘risida”gi PQ-5072-sonli Qarori hamda O‘zbekiston Respublikasi
Oliy Majlisi Senatining 2021-yil 22-apreldagi KQ-213-IV-sonli qarori ijrosini
ta'minlash hamda O‘zbekiston Respublikasi Byudjet Kodeksining 126-moddasiga,
O‘zbekiston Respublikasining “Mahalliy davlat hokimiyati to‘g‘risida”gi
Qonunining 6- va 24-moddalariga asosan, xalq deputatlari tuman Kengashi
QAROR QILADI:
1. O‘zbekiston Respublikasi Prezidentining 2021-yil 13-apreldagi “Byudjet
jarayonida fuqarolarning faol ishtirokini ta'minlash bo‘yicha qo‘shimcha
choratadbirlar to‘g‘risida”gi PQ-5072-sonli Qarori hamda O‘zbekiston Respublikasi
Oliy Majlisi Senatining 2021-yil 22-apreldagi KQ-213-IV-sonli qarori hamda Forish
tuman Madaniyat bo‘limi mudiri M.Narkazakovning 2023-yil 7-fevraldagi 7-sonli
xati ma'lumot va ijro uchun qabul qilinsin.
2.  Tuman hokimligi moliya bo‘limi (Sh.Qarabayev)ga tuman mahalliy
byudjetiga viloyat mahalliy byudjetidan ajratilgan ssuda mablag‘lari, daromadlar
rejasining oshirib bajarilgan qismi va erkin qoldiq mablag‘lari hisobidan “Fuqarolar
tashabbusi jamg‘armasi”ga mablag‘ o‘tkazish uchun 250,0 mln. (ikki yuz ellik
million) so‘m mablag‘ni tuman hokimligiga va tumanda “Navro‘z” umumxalq
bayramini yuksak saviyada o‘tkazish bilan bog‘liq bo‘lgan sarf-harajatlari uchun
102,0 mln. (bir yuz ikki million) so‘m mablag‘ni tuman madaniyat bo‘limiga ajratish
vazifasi topshirilsin.
3.  Tuman hokimligi moliya bo‘limi (Sh.Qarabayev)ga tuman mahalliy

---

e-qaror.gov.uz
VI-59-28-3-53-K/23
2
byudjetining choraklar yakuni bilan shakllangan mablag‘lari hisobidan ssuda
mablag‘larini qaytarilishini ta'minlasin.
4.  Tuman hokimining birinchi o‘rinbosari v.v.b X.Atabullayev, bosh
hisobchisi S.Radjabov va tuman madaniyat bo‘limi mudiri M.Narkazakov, bosh
hisobchisi B.Davronovlarga ajratilgan mablag‘larni maqsadli ishlatilishini
ta'minlasin.
5.  Tuman G‘aznachilik bo‘linmasi boshlig‘i O.Egamov ushbu mablag‘ni
tegishli tartibda moliyalashtirilishini ta'minlasin.
6.  Ushbu qarorning bajarilishini nazorat qilish Xalq deputatlari tuman
Kengashining “Mahalliy byudjet, iqtisodiy islohotlarni amalga oshirish,
investitsiyalar va tadbirkorlikni rivojlantirish masalalari” doimiy komissiyasi hamda
tuman hokimining birinchi o‘rinbosari v.v.b X.Atabullayev zimmasiga yuklatilsin.
Xalq deputatlari tuman
kengashi raisi, Tuman
hokimi
I.Matiyev