Э. Т. Ахмедов, Э. Т. Бердиев доривор ўсимликларни

Арча ўстириш агротехникаси. Арча мева ғуддалари кузда терила-
ди ва МИС-0,2 (машина для извлечения семян арчи) агрегати ёрдамида 
уруғлари ажратиб олинади. Сўнгра уруғлар 1-1,5 ой давомида нам қум-
да стратификация қилинади. Кеч кузда махсус тайёрланган қум-органик 
ўғит-тупроқли (1:1:3 нисбатда) субстратга сепилади ва 2-3 см қалинлик-
даги тупроқ билан бекитилади. Арча ниҳоллари кейинги баҳорда қийғос 
униб чиқади, улар 2-3 йил давомида ўстирилади, баландлиги 40-50 см га 
етгандан сўнг кўчатзорга кўчириб ўтказилади ва йирик кўчат ҳолига 
келгунча парваришланади. 1 гектар кўчатзорга 350-400 минг кўчат эки-
лади. Зарафшон арчаси биринчи йили 5-6 марта, кейинги йилларда 4-5 
марта суғорилади. Кўчатлар атрофи суғрилгандан сўнг юмшатилади ва 
бегона ўтлардан тозаланади. Арча кўчатлари баландлиги 1-1,5 м 
бўлгандан сўнг доимий жойига илдиз тупроғи билан биргаликда кўчи-
риб ўтказилади. 1 гектар арчазордан 20-25 ц арча ғудда меваларини те-
риш мумкин. 
Дўлана ўстириш агротехникаси. Дўлана мевалари сентябр ойида 
тўлиқ пишиб етилади. Уруғларни мева этидан ишқалаб, сувда ювиб аж-
ратиб олинади. Дўлана уруғлари қийин унувчан бўлганлиги сабабли 
улардан баҳорда қийғос ниҳоллар олиш учун қуйидаги агротехник қои-
даларга риоя қилиш лозим: 
Дўлана мевалари тўлиқ пишиб етилгач уруғларни тайёрлаш учун 
терилади. 
Терилган мевалардан уруғлари дарҳол ажратиб олиниши ва стра-
тификация қилиниши керак. Стратификация қилинган уруғлар кеч кузда 

---

96 
тупроққа экилади. 
Уруғ экилган эгатлар мульчаланиши ва доимо зоҳланган ҳолатда 
сақланиши лозим. 
Агарда экиш учун ўтган йили уруғлардан фойдаланиш зарурияти 
туғилса, уларни июн-июл ойларида стратификация қилиш лозим. Сариқ 
дўлана уруғларни экиш меъёри 25-30 г/м, қизил дўланалар 15-18 г/м 
бўлиб, экиш чуқурлиги 4-см ни ташкил этади. Дўлана уруғлари экил-
гандан сўнг 6-8 ойдан кейин униб чиқади. Ниҳоллар ўрмончиликда қа-
бул қилинган умумий агротехник усулларда парваришланади, уруғкў-
чатлар 1-2 йиллик бўлганда доимий жойига кўчириб ўтказиш учун яроқ-
ли ҳисобланади. Дўлана кўчатлари 5-6 йилда ҳосилга киради ва ёши-
нинг котталашиши билан ҳосилдорлиги ҳам ошиб боради.