"эл-юрт умиди" жамғармаси фаолияти ва стипендиатларни

36. Acceptance letter (таклифнома хати) нима, унинг қандай турлари бор? 
Acceptance letter – номзодни хорижий олий таълим муассасасига қабул 
қилинганлигини тасдиқловчи ҳужжат. Одатда, университет қабул комиссиялари 
ўзлари танлаган талабаларга университет дастурига мос келадиган қабул 
хатларини юборадилар. 
Университетлар юбориши мумкин бўлган икки турдаги таклиф хатлари 
мавжуд: шартли (conditional offer) ва шартсиз (unconditional offer).

---

Шартли таклиф хатида махсус шартлар мавжуд, бунда номзод маълум бир 
баҳолар ёки қайсидир даражадаги билимга эга бўлиши керак, шу билан бирга 
шартсиз таклиф хатида ҳеч қандай шарт мавжуд эмас ва номзоднинг мавжуд билим 
даражаси университет томонидан қабул қилинганлигини акс эттиради. 
 
37. Агар номзод бир вақтнинг ўзида бир нечта хорижий университетга 
қабул қилинган бўлса қайси бири инобатга олинади? 
Стипендия танловида номзод томонидан бир вақтнинг ўзида бир нечта 
хорижий университетга қабул қилинганлиги тўғрисидаги таклифнома хатини 
тақдим қилса, унда хорижда таълим олиш учун хорижий университетлар 
томонидан номзодга таклиф этилган грант (стипендия ёки бошқа молиявий 
имтиёз)лар миқдори ёхуд таълим муддатининг қисқалиги кўпроқ эътиборга 
олинади. 
 
38. Жамғарма стипендия танловларида иштирок этиш учун хорижий 
тилни билиш сертификати (TOEFL ёки IELTS сертификати) бўлиши 
шартми? 
Агар номзод томонидан хорижий таълим муассасасига шартли қабул 
қилинганлиги тўғрисидаги таклифнома-хат тақдим этилган тақдирда хорижий 
тилни билиш даражасини белгиловчи CEFR тизими бўйича В2 даражасидан паст 
бўлмаган амалдаги миллий ёки халқаро сертификат (Миллий сертификат, IELTS, 
TOEFL ва бошқалар) талаб этилади. 
Хорижий таълим муассасасига шартсиз қабул қилинганлиги тўғрисидаги 
таклифнома-хат (Lеttеr оf аccеptаncе)ни тақдим этган номзодлардан хорижий тилни 
билиш даражасини белгиловчи сертификатлар талаб этилмайди.