Электрон пул нима?

Криптовалюта ҳақида гап кетганда, кўпчилик электрон пуллар ҳақида тушунишини пайқадик. Сиз нима деб ўйлайсиз? Криптовалюта бу – электрон пул турими? Дарҳол жавоб бераман - йўқ! Криптовалюта электрон пулнинг бир тури эмас, балки виртуал, яъни рақамли пулдир.
Келинг, ушбу турдаги валюталар ўртасидаги фарқ нимада эканлигини билиб олайлик: электрон пул, виртуал пул ва рақамли пул. Кўпинча инсонлар бу атамаларни бир деб ўйлайдилар. Муаммо шундаки, одамлар криптовалюта электрон шаклда сақланса, уни электрон пул деб аташ мумкин деб ўйлашади. Aммо бу тўғри эмас, негаки электрон пул тартибга солувчи асосга эга.
Электрон пул нима?
Электрон пул (e-money) нақд пулга рақамли муқобилдир. «Нақд пулга рақамли муқобил» бу пул қўшимча конвертация қилмасдан ҳам нақд, ҳам рақамли форматда бўлиши мумкинлигини англатади.
Европа Марказий банки ушбу пулларни электрон шаклда сақланадиган ва тўловларни амалга оширишда қўлланадиган пул қиймати сифатида белгилайди. Ушбу пул қийматини сақлаш учун ишлатиладиган технологияга қараб, электрон пул тури аппарат ёки дастурий таъминотга асосланган бўлиши мумкин, масалан, тўлов карталари, виртуал карталар ёки тўлов ҳисоблари. Электрон пулни фақат ваколатли муассасалар, масалан, банклар ва электрон пул институтлари (EMI) чиқариши мумкин - уларнинг барчаси электрон пул чиқариш учун лицензияга эга.
Рақамли валюта нима?
Рақамли валюта - тартибга солинадиган ва тартибга солинмайдиган рақамли пуллар учун умумий атама. Пуллар фақат рақамли шаклда мавжуд ва нақд пул билан боғлиқ эмас, бу эса ўз навбатида рақамли валюта ҳам электрон пул эмаслигини англатади. Рақамли валюталар номоддийдир ва уларни муайян тармоқларга уланган компьютер ёки электрон ҳамён ёрдамида бошқариш мумкин холос. Барча криптовалюталар рақамли валюталардир, аммо барча рақамли валюталар криптовалюталар эмас. Электрон олтин ва пулли ўйинларни ўз ичига олган бошқа рақамли валюталар мавжуд.
Виртуал валюта нима?
Виртуал валюта - бу фақат рақамли форматда мавжуд бўлган тартибга солинмаган рақамли валюта. Пул қийматининг ушбу электрон кўриниши тўлов воситаси сифатида ишлатилиши мумкин ва уни амалга ошириш учун сизга ҳамён, мобиль ёки веб-илова керак. Ҳар қандай жисмоний ёки юридик шахс виртуал валютани электрон шаклда ўтказиши, сақлаши ва савдоси билан шуғулланиши мумкин. Бироқ, виртуал валюталар қиймат йиғиндиси, ҳисоб бирлиги ёки алмашинувни ҳисоблаш учун ишлатиладиган қиймат сифатида ишлатилмайди. Виртуал валютанинг ролини тушуниш муҳимдир. Ушбу турдаги валютани белгиланган валютага алмаштириб бўлмайди ва марказий ёки бошқа банк органи томонидан чиқарилмайди. Бу шуни англатадики, бугунги кунда виртуал валюта тартибга солинмаган валютадир, аммо бу вақт масаласидир. Марказий банклар ва тартибга солувчи органлар виртуал валюталарнинг янги, тартибга солинадиган ва расман чиқарилган турларини (масалан, криптовалюталар) яратиш устида фаол ишламоқда.