Eng keng tarqalgan peroksid vodorod peroksidir H

Elementlarning peroksid nomli kislorodli birikmalari ham bor, ular R−O−O−R tuzilishga ega. Bu atama 1804 yilda Tomas Tomson tomonidan eng ko'p kislorod miqdori bo'lgan oksid uchun kiritilgan. Peroksiddagi −O−O− guruhi peroksid yoki perokso guruhi deyiladi.
Eng keng tarqalgan peroksid vodorod peroksidir (H₂O₂), u turli konsentratsiyalarda suvda eritmalar sifatida sotiladi. Kuchli oksidlovchi xossaga ega. H₂O₂ beqaror bo'lib, issiqlik ajralib chiqishi bilan kislorod va suvga oson parchalanadi:
H₂O₂=H₂O + O₂
Vodorod peroksidi past konsentratsiyalarda (3-9%) tibbiyotda dezinfeksiyalovchi vosita sifatida va kiyim, sochni oqartiruvchi vosita sifatida ishlatiladi. Sanoatda yuqori konsentratsiyali vodorod peroksid to'qimachilik va qog'oz uchun oqartiruvchi sifatida, raketa yoqilg'isining tarkibiy qismi sifatida va ko'pikli kauchuk va organik kimyoviy moddalar ishlab chiqarish uchun ishlatiladi.
Metall peroksidlar ( masalan, bariy peroksid - BaO₂, natriy peroksid - Na₂O₂ va rux peroksid - ZnO₂) dan tashqari organik peroksidlar, C−O−O−C yoki C−O−O−H bilan bog‘langan birikmalar (masalan, tertbutilgidroperoksid - (CH₃)₃C-O-O-H ) ham mavjud. Umuman olganda barcha peroksidlarda kislorod atomlari o’zaro bog’langan −O−O− perokso guruhi bor.