O‘zbekistonda oltinning jami 600ta konlari, ma’dan ochilmalari va minerallashish nuqtalari aniqlangan. Shularning 144 tasi O‘zbekiston Geologiya fondi ro‘yxatiga kiritilgan. Hozirda 12 kon qazib olinmoqda, 15 ta kon razvedka qilingan, 16 ta kon razvedka qilinmoqda.
1. MURUNTOV KONI. Navoiy viloyati, Tomdi tumani hududida, Zarafshon shahridan 35 km sharqda, Navoiy shahridan 210 km shimolda joylashgan. Kon 1956-yilda ochilgan. 1969-yil 21-iyulda birinchi oltin slitkasi eritib olingan. Muruntov karyerida oltinning o‘rtacha miqdori – 3,72 g/t. Kon yuzasi 3 km . Oltinli shtokverk 1200 m chuqurlikgacha boradi. O‘ta chuqur burg‘ilash qudug‘i yordamida 4000 m chuqurlikda oltin miqdori – 2–15,2 g/t ekanligi aniqlangan.
Oltin zaxirasi bo‘yicha Muruntov koni Yevropa va Osiyoda eng ulkan oltin koni hisoblanad
MYUTENBAY KONI. Navoiy viloyati, Tomdi tumani hududida, Muruntov koni karyeri yonida joylashgan. 1958–60-yillar aniqlangan. Kon maydoni 2 km2. Oltin 2000 metr chuqurlikgacha aniqlangan. O‘rtacha miqdori – 5–58,6 g/t.
3. CHARMITON KONI. Samarqand viloyati, Qo‘shrabot tumani hududida, Qo‘shrabot tuman markazidan 70 km shimoli-g‘arbda joylashgan. 1953-yilda akademik I.X.Hamroboyev tomonidan ochilgan. Oltin miqdori o‘rtacha – 10 g/t. Oltinning ma’danlashishi 1050 metrgacha boradi. Jami 50 ta ma’dan tanasi aniqlanib, razvedka qilingan.
4. CHODAK ma’danli maydoni. Bunga Pirmirob va Guzak konlari kiradi. Namangan viloyatining Pop tumani hududida, Chodak daryosining o‘rta oqimida. Qo‘qon shahridan 65 km shimoli-g‘arbda, Angren shahridan 120 km sharqda joylashgan. 1951–53-yillarda aniqlangan. Oltin miqdori – 0,8–31,2 g/t. Oltinning minerallashishi 250 m chuqurlikgacha aniqlangan.
5. QIZILOLMASOY koni. Toshkent viloyati, Ohangaron tumani hududida, Toshkentdan 70 km sharqda, Angren shahridan 10 km shimoli-g‘arbda joylashgan. Konda qadimgi lahimlar borligi 1913-yilda aniqlangan. 1959-yilda kon sifatida o‘rganilgan.
Do'stlaringiz bilan baham: |
