Eritib payvandlash tarixi va turlari Himoya gazlari muhitida payvandlash usullari va jihozlari

Payvandlash transformatorlari haqida umumiy ma’lumotlar.


Payvandlash transformatori - о‘zgaruvchan tokning sanoat tarmoqlari kuchlanishi 220...380 V ni past kuchlanishga, ya’ni GOST bо‘yicha payvandlash jihozlari kuchlanishiga va lozim bо‘lgan payvandlash tokini ta’minlovchi elektromagnit apparatdir. Payvandlash transformatorining, turg‘un payvandlash jarayoni uchun lozim bо‘lgan tez pasayib borishi uchun transformatorning maxsus konstruksiyasi, ya’ni sochilma magnit oqimlari kattalashtirilgan transformatori ishlab chiqarilgan. Payvandlash transformatorining chulg‘amlari suriladigan konstruksiyasi eng kо‘p tarqalgan. Bunday transformator (1- rasm) E320, E330 markali elektrotexnik pо‘lat markali plastinkalardan yig‘ilgan berk magnit о‘tkazgichida yig‘iladi. Ketma-ket ulangan g‘altaklar 2 dan tuzilgan birlamchi chulg‘ami tarmoq kuchlanishiga ulanadi, chulg‘am magnit о‘tkazich 1 da kо‘zg‘almas qilib maxkamlanadi. Ikkilamchi chulg‘am ham ikkita g‘altak 3 dan tayyorlangan bо‘lib, dasta 4 aylantirilganda magnit о‘tkazgichning о‘zagi bо‘ylab erkin surilishi mumkin.

Suriladigan chulg‘amli payvandlash transformatorining chizmasi: 1 – berk magnit о‘tkazgich; 2 – birlamchi chulg‘am g‘altagi; 3 – ikkilamchi chulg‘am g‘altagi; 4 – dasta.
Transformatorning ishlashi magnit о‘tkazgich orqali birlamchi 2 va ikkilamchi 3 chulg‘amlarning elektromagnit о‘zaro ta’sirlariga asoslangan. Energiya uzatishda ikkita о‘zgaruvchan magnit oqimlari qatnashadi: faqat magnitdan о‘tadigan asosiy oqim F_t va magnit о‘tkazgichdan xamda havodan о‘tadigan sochilma oqim F_s. Salt yurish rejimida birlamchi chulg‘amning g‘altagi 2 kuchlanishi U₁=220...380 V li ta’minlovchi elektr tarmog‘iga ulanadi. Bunda berk kontur hosil bо‘ladi va undan salt yurish toki I_syu о‘tadi. Bu rejimda ikkilamchi chulg‘am ulangan payvandlash zanjiri (ikkilamchi kontur) ochiq. Transformatorning ikkilamchi kuchlanishi salt yurishsh kuchlanishi U₂ = U_syu ga teng. Uning qiymatini yoyni ishonchli hosil bо‘lishi va xavfsizlik texnikasi talablari shartlari asosida transformatorni hisoblashda tanlaydilar U_syu 65 V.
Yuklama rejimida, payvandlovchi yoy yonganda ikkilamchi kontur ham berk. Undan yoy toki (payvandlash toki) о‘tadi. Bu tok 2 va 3 g‘altaklar birlamchi va ikkilamchi chulg‘amlar orasidagi masofani о‘zgartirib rostlanadi. Agar 2 va 3 g‘altaklar orasidagi masofa (Yem_ax) maksimal bо‘lsa (F_s) sochilma magnit oqimi eng katta bо‘ladi, asosiy magnit oqimi (F_t) esa, va demak payvandlash toki xam minimal bо‘ladi. Agar 2 g‘altak 3 g‘altakka yakinlashsa, (F_s) sochilma magnit oqimi kamayadi, (F_t) oqimi va payvandlash toki esa kattalashadi.
Suriladigan chulg‘amli transformatorlar uchun payvandlash tokining rostlash karraligi K_r 5. Payvandchi payvandlash uchun lozim bо‘lgan tok qiymatini payvandlash transformatorining dastasi 4 aylantirib va tok qiymatini kо‘rsatkichiga qarab о‘rnatadi, kо‘rsatkich transformatorning jildida о‘rnatiladi.
Qisqa tutashish rejimida payvandlash zanjiri elektrod bilan buyum orqali berk bо‘ladi. Qisqa tutashish toki payvandlash toki (yoy toki) dan odatda 1,1-1,2 marta katta bо‘ladi. Bu shart yoy bilan dastaki payvandlashda dastlabki paytda yoy oson yonishi uchun turli konstruksiyadagi payvandlash transformatorlari uchun albatta bajariladi. Suriladigan chulg‘amli transformatorlarning bir nechta turlari seriyali ishlab chiqariladi. (2-rasm, jadval 1), ulardan asosiylari – TD va TSK transformatorlari.

Yoy bilan dastaki payvandlash uchun chulg‘amlari suriladigan transformator.
Payvandlash transformatorlari turlari.
Payvandlash transformatorlarining texnik tavsifi
1-jadval

Ta’minlash manbai- ning turi	Kuchlanishi, V		Payvandlash toki kuchi, A		UD E, %	Talab qiladigan quvvati, kV^.A
	U1	Usyu	I nom	Rostlash diapazon i
	Suriladigan chulg‘amli transformatorlar
TD-101	220	65	50	30...50	20	2,1
TD-304	220;3 80	61...79	300	60...385	60	19,4
TD-504	220;3 80	59...73	500	100...560	50	26,6
TSK- 300	380	63	300	110...385	65	20
TSK- 500	380	60	500	165...560	65	32
	Flyus ostida payvandlash uchun transformatorlar
TDF- 1001	220;3 80	68...71	1000	400...120 0	100	82
TDF- 1601	380	75...10 5	1600	600...180 0	100	182
TDF- 2001	380	68...79	2000	800...220 0	65	170

Keyingisi energetik kо‘rsatkichlarini yaxshilash uchun birlamchi chulg‘amga kondensatorlar parallel ulanganligi bilan oldingisidan farq qiladi.
Chulg‘amlari suriladigan transformatorlar kо‘pincha yoy bilan dastaki payvandlash uchun qо‘llanadi. Bulardan tashqari sochilma oqimini va payvandlash tokini magnit shuntini burab – о‘zakning о‘rtadagi harakatlanuvchi zvenosini burab (STSH markali transformatorlar), о‘zgartiradilar, shuningdek, kichik gabaritli TDP, TSP, ADZ rusumli transformatorlarni qо‘llaydilar, bularda tokni ikkilamchi chulg‘am seksiyalarini qayta ulash bilan yoki qо‘shimcha chulg‘amlar yordamida rostlanadilar.