Эркин Малик

ЙЎЛ-ЙЎЛАКАЙ 
(ёки Шайтонваччанинг оғир-оғир ўйларга толганлари) 
Чол жуда кўп гапириб юборди. Шайтонваччанинг боши оҚриб, тарс 
ёрилай деди. Нималарнидир билгандек, тахмин қилгандек бўлди. 
Мадрасадаги қилни қирқ ёрадиган устозлари бир-бир кўз олдидан ўтди. 
Бундан чиқди Овсар ўлгандан кейин Шайтонваччани ўшанинг қиёфасида бу 
ёқларга ташлашибди-да. Балки бола бечорани ҳам ўзлари ўлдиришгандир. 
Тушунарли, бу қишлоқда шайтонлар оламига ёқмайдиган бир сир бор. У 
хаёлларини йиҚиб олгунча бўлмай, чол яна гапга тушиб қолди: 
— Шу дейман, мени билишимча сен жиннихонадан. — Чол шундай деб 
ўзича фол оча бошлади. Бу гап Шайтонваччага анча қўл келар эди. Ахир 
ундоқ эмас, бундоқ эди деб рост гапириб кўрсин-чи? Чол ўла қолса ҳам 
ишонмаса керагов. Бунинг устига Ажинашамол шу яқин ўртада искаланиб 
юрибди. Яна тарсаки тушириши мумкин. Ахир у гапирса ёлҚон гапириши 
керак. 
– Улар сени топиша олмагандан кейин, — гапида давом этарди чол, — 
ўлдига чиқаришиб, шишага ўчоқнинг кулидан солиб қўйишган. Шара-
барачига бўловради, дейишган-да номардлар. 
Шайтонваччанинг онаси бир вақтлари унга, «маҳмадона бўма, жаҚинг 
тушкур, кўп гапирсанг кўп адашасан» деб калтаклар эди. Шунга, 
Шайтонвачча, чолнинг гапини маъқуллаган бўлиб ерга қараб тураверди. 
— Ўай майли,— деди чол Шайтонваччадан садо чиқавермагач,— ўтган 
ишга салавот. Жиннихонадагиларга ҳам осонмас. Бирини қочди деб, бирини 
ўлди деб ҳужжатлаштиришса керак-да. Қани, менга айт-чи болам, Ўожи ота, 
Пошша ойимлар тинч-омон юришибдими? 
— Билмадим, — деб бу сафар ростини айтди Шайтонвачча. 
— Ие, бу нима деганинг, занҚар, қишлоққа қачон келдинг? 
— Ўозир, — яна рост гапиришга мажбур бўлди Шайтонвачча. 
— Ановини қара-я, ростдан ҳозирми? 
— Нон урсин ёлҚон гапирсам, нониз борми?— кўзлари жавдиради 
Шайтонваччанинг. У росаям очиққан эди. 
— Уни қара-я, бўлди-бўлди ишондим, болам,— деди чол баттар яйраб, 
— бу фақат Худонинг меҳрибончилигидан бошқа нарса эмас. Мен бечорани 
ташвишлардан қутқарай деган-да Худойим. ¤зингга минг қатла шукр! Ўожи 

---

18 
отанинг олдига шишани қучоқлабмас, ўзинг билан етаклашиб кириб 
борадиган бўлдим. 
— Вей, менга қара болам,— деди яна ҳайрон бўлиб,— жиннихонадан-ку 
қочибсан, аммо бу ерларни қандоқ қилиб топиб келдинг а? Ўа, ким сени бу 
ёқларга обкелиб қўйди, шундан ке? 
Шайтонвачча баттар соқов бўлиб қолди. Осмондан тушдим десинми? 
Шара-барачи Шайтонваччадан жавоб ололмагач, бирдан унга эътибор 
қилиб қолди. Шайтонвачча уппа-узун бўлиб, чолнинг олдида ҳамон 
ширяланҚоч турарди. 
— Э, иштон-кўйлагинг қани? 
Шайтонвачча беихтиёр болалар кетган томонга қаради. 
— Ўа, анови шумтакалар сувга ташлаворишдими? Майли мен шара-
барамни титкилаб, бир нималар топиб бераман, кийиб оласан, у ёҚи бир гап 
бўлар. Балки Ўожи ота янги саруполар олиб қўйгандир-а, нима дединг? 
Шайтонвачча бу меҳрибончиликдан хурсанд бўлиб кетди. Кўйлак-иштон 
осонгина топила қолди. Ажинашамол бу матоҳни елкангни яҚир қилиб 
топасан, деган эди. Унчаликка бормади. 
Аммо кўп нарсаларнинг ўз-ўзидан ҳал бўлиб қолиши Шайтонваччани 
шубҳага солар эди. Ишқилиб яхшиликка бўлсин-да...