Estafetali harakatli o‘yinlarni o‘tkazish. Reja

Jixozlar: Konuslar, to‘siqlar, xalqalar.
Jamoalar tarkibi: 10 nafar (5 ta o‘g‘il bola, 1 ta 5-sinf, 2 ta 6-sinf,
2 ta 7-sinf, 5 ta qiz bola, 1 ta 4-sinf, 2 ta 5-sinf, 2 ta 6-sinf)
O‘yinning borishi: Xakam xushtagidan so‘ng jamoa a’zolari navbat bilan startdan yugurib chiqadilar. Qizlar to‘siq ostidan xalqa ichidan o‘tadilar, o‘g‘il bolalar to‘siq ustidan va xalqa ichidan o‘tib belgilangan 3 metr chiziqqa kelib, xalqani olib konusga tashlaydilar. Xalqa konusga tushsa, uni olib dastlabki joyga qo‘yiladi va ortga yugurib qaytiladi.
O‘yin davomida jixozlar yiqitilsa xato xisoblanadi. Bu xatoni o‘z o‘rnida xato qilgan o‘yinchi tuzatishi lozim. Aks xolda jamoaga 0 ochko raqibiga 3 ochko beriladi.
O‘yinni birinchi bo‘lib tugatgan jamoaga 3 ochko, ikkinchi bo‘lib tugatgan jamoaga 1 ochko beriladi.

“To‘siqlar orasida xokkey”
Jihozlar: tennes to‘pi, kichik darvoza, konuslar, klyushka, xalqa.
Jamoalar tarkibi: 12 nafar (6 ta o‘g‘il bola, 2 ta 6-sinf, 2 ta 7-sinf,
2 ta 8-sinf, 6 ta qiz bola, 2 ta 6-sinf, 2 ta 7-sinf, 2 ta 8-sinf)
O‘yinning borishi: Hakam hushtagidan so‘ng bir o‘g‘il bir qiz juftlikda konuslar orasidan ilonizi tarzida tennis to‘pini bir-birlariga oshirib o‘tib borib, belgilangan 3 metrlik joyga to‘pni qo‘yib avval qiz, so‘ng o‘g‘il bolalar
5 metrdan darvozaga yo‘llaydilar. To‘p darvozaga gol bo‘lguncha.
Orqaga qaytishda klyushka va to‘p start chizig‘i yonidagi xalqa ichiga qo‘yiladi.
O‘yin davomida jihozlar yiqitilsa xato hisoblanadi, bu xatoni o‘z o‘rnida xato qilgan o‘yinchi o‘zi tuzatishi lozim. Aks holda jamoaga 0 ochko raqibiga 3 ochko beriladi.
O‘yinni birinchi bo‘lib tugatgan jamoaga 3 ochko, ikkinchi tugatgan jamoaga 1 ochko beriladi.

Harakatli o‘yinlarni tashkil etish va o‘tkazish metodikasi
Tarbiyachining o‘yin jarayoniga rahbarlik qilishi metodikasini egallagan bo‘lishi o‘yinlarni muvaffaqiyatli o‘tkazishning asosiy sharti hisoblanadi. Harakatli o‘yinlarni tanlash va rejalashtirish dasturga muvofiq amalga oshiriladi. Bunga har bir yosh gruhning ish sharoiti hisobga olinadi, chunonchi bolalarni jismoniy va aqliy rivojlanishining umumiy darajasi harakat ko‘nikmalarining rivojlanishi, har bir bola sog‘lig‘ining ahvoli, o‘ziga xos xususiyatlar, yil fasli, kun tartibi, uyini o‘tkazish o‘rni, shuningdek bolalar qiziqishlarini o‘ziga xos xususiyatlari. Harakatli o‘yinlar dastur talablariga muvofiq asta-sekin murakkablashtirib boriladi, bolalar ongini o‘sishi, ular to‘plagan harakat tajribasini, maktabga tayyorlash zaruriyatini hisobga olgan holda o‘zgartirib turiladi.
Kichik guruhda mazmuni va qoidasiga ko‘ra sodda bo‘lgan mazmunli va mazmunsiz harakatli o‘yinlar tashkil etiladi. Bu o‘yinlarda barcha bolalar bir xil rol yoki harakat topshirig‘ini tarbiyachining bevosita ishtirokida (barcha bolalar – qushchalar, tarbiyachi – ona qush bo‘ladi…) bajaradilar.
3 yoshli bolalar asta-sekin yakka holda rollarni bajarishga o‘rgatib boriladi (barcha bolalar qushlar, bitta yoki ikkita bola avtomobil bo‘ladi).