Факультет: Биология Кафедра: Одам ва ҳайвонлар физиологияси Ўқув йили

Факультет: Биология Кафедра: Одам ва ҳайвонлар физиологияси Ўқув йили 2021-2023

Магистрант: Исомова Сарвиноз Ғайрат қизи Илмий раҳбар: тиб.ф.н. Хатамов Х.М. Мутахассислик: 5А140101 Биология (турлари бўйича)

Аннотация
“Аллергик ринит касаллигини флутинекс билан даволаш давомидаги иимунофенотип кўрсаткичлари” мавзусидаги магистрлик диссертацияси аннотацияси
XX асрнинг охири ва XXI асрнинг бошларига келиб дунё мамлакатлари бўйлаб болалар ва катталар орасида аллергик касалликлар билан оғриган беморлар сони бир неча мартага кўпайди. Бунга атроф муҳитнинг экологик ифлосланиши, гени ўзгартирилган махсулотларнинг ва кимёвий ишлов берилган махсулотларнинг кўпайиб бориши сабабчи қилиб кўрсатилмоқда. Ҳозирги кунга келиб, ер шари аҳолисининг ўртача 10%и аллергик касалликлар билан оғрийди. Экологик ифлосланиш ортиб бориш нафас олиш тизими тизими гиперреактивлигининг ошиб кетишига олиб келмоқда. Бу эса ўз новбатида аллергик ринитнинг қўпайишига олиб келади. Шу кунгача Республикамизда алллергик ринит касаллигининг ортиб бораётганлиги айтилсада, ушбу касалликнинг учраши ҳамда даволаш давомидаги самарадорлик, иммунофенотип ўзгаришлари ҳақида статистик маълумотлар тўлиқ ёритилмаган. Шунинг учун аллергик ринитнинг мегаполис бўлган Тошкент шахри орасида ўрганилса мақсадга мувофиқ бўлади.
Тадқиқот объекти ва предмети. Тошкент шаҳри аҳолиси орасида аллергик ринитнинг тарқалишини, шифокорга мурожаат қилган беморлар сони ҳамда ушбу касалликни флутинекс билан даволаш давомидаги беморлар периферик қонидаги иммунофенотип қўрсаткичлари.
Тадқиқотнинг мақсади: Тошкент шаҳри аҳолиси орасида аллергик ринит касаллигини тарқалиши ҳамда уни флутинекс билан даволаш давомидаги иммунофенотип қўрсаткичларини ўзгаришини ўрганиш.
Тадқиқот вазифалари: Тошкент шаҳри аҳолиси ўртасида аллергик ринит билан мурожаат қилган беморлар сонини аниқлаш; аллергик ринит билан оғриган беморларни йиллар бўйича ўрганиш ҳамда флутинекс билан даволаш давомидаги иммунофенотип кўрсаткичларини ўрганиш;
Тадқиқотнинг асосий масалалари ва фаразлари. Тошкент шаҳар аҳолиси ўртасида аллергик ринитнинг тарқалиши тўғрисида маълумотлар олиниб, ушбу аллергик касалликлар сонининг кўпайишини олдини олиш бўйича чора-тадбирлар кўрилишига хизмат қилади.
Илмий раҳбар: тиб.ф.н. Хатамов Х.М.
Магистрант: Исомова С.Ғ.