Фалсафа асос doc

Ikkinchi savol. Ijtimoiy ong va uning strukturasi masalasiga kelganimizda odamzot bir  - biri 
bilan aloqalarini tartibga solib turadigan ma‟naviy, ahloqiy mezonlar, umumiy qarash va intilishlar, 
manfaat va maqsadlar ham borligini anglagandayoq ijtimoiy ong mavjudligiga ishongan. Jamiyatda 
sodir bo„layotgan o„zgarishlar kishilar ongida o„z aksini topadi. Ana shu jarayonni ifodalash uchun, 
ijtimoiy va individual ong tushunchalarini ishlatamiz. 
Ijtimoiy ong tabiiy va ijtimoiy voqelikning in‟ikosi, jamiyatning muayyan davrga yoki qismga 
tegishli  bo„lgan,  umumiy  his  -  tuyg„ular,  kayfiyatlar,  qarashlar,  g„oyalar,  nazariyalar  majmuasdir. 
Ijtimoiy ong borliqni aks ettirishi bilan birga u nisbiy mustaqillikka ega. 
Birinchidan, ijtimoiy voqelikka faol ta‟sir etishi mumkin. 
Ikkinchidan,  ijtimoiy  ongning  u  yoki  bu  formasi  ijtimoiy  voqelik  borliqqa  nisbatan  olg„a 
ketishi mumkin. 
Uchinchidan,  ijtimoiy  ongning  shakllariga  suyangan  holda  oldinni  prognoz  qilish  imkoniyati 
tug„iladi. 
Individual ong muayyan guruh, elat, millatga mansub bo„lgan ayrim kishilarning ongi bo„lib, 
jamiyatdagi voqelik real olingan shaxsning ongida aks etadi. 
Ijtimoiy  va  individual  ong  o„rtasidagi  o„xshashlik  har  ikkalasi  ham  ijtimoiy  voqelikni  aks 
ettirishda  ko„rinadi.  Ikkinchi  tomondan,  ijtimoiy  ong  voqelikni  individual  ong  orqali  aks  ettiradi. 
Ijtimoiy ong bilan individual ong o„rtasidagi farqli tomoni quyidagilar: 
Birinchidan,  individual  ongning  sohibi,  sub‟ekti  alohida  olingan  individ  bo„lsa,  ijtimoiy 
ongning jamiyatdir. 
Ikkinchidan,  ularning  farqi  shakllanish  shart  -  sharoitlarida  ko„rinadi.  Zero,  ijtimoiy  ong 
ijtimoiy voqelikning in‟ikosi bo„lsa, individual ong taraqqiyotiga ijtimoiy ong bilan bir qatorda shu 
shaxsgagina  xos  bo„lgan  tem-perament,  harakter  kabi  xususiyatlar,  uning  moddiy  ahvoli,  oilaviy, 
diniy, milliy, madaniy mansubligi kabi omillar hamda u bevosita tortilgan ij-timoiy munosabatlarning 
harakteri ham muayyan darajada ta‟sir ko„rsatadi. 
Uchinchidan,  ijtimoiy  ong  tegishli  ijtimoiy  voqelikni  aks  etirganligi  uchun  muayyan 

---

58 
 
qonuniyatlarga bo„ysunadi, ular asosida rivojlanadi. Individual ong esa ayrim individning tug„ilishi 
biln shakllanib, taraqqiy qilib borib, uning vafoti bilan barham topadi. Ammo individual ong ba‟zi 
vaqtlari  individning  vafoti  bilan  yo„q  bo„lib  ketmaydi.  Bunga  biz  Forobiy,  ibn  Sinolarning  ijodini 
olib qarashimiz mumkin. 
To„rtinchidan,  individual  ong  ayrim  sohalarda  ijtimoiy  ongdan  o„zib  ketishi  yoki  orqada 
qolishi  mumkin.  Bunga  jamiyat  taraqqiyotini  oldindan  aytib  bergan  mutafakkirlar  qarashlari 
individual ong ba‟zan ijtimoiy ongdan nechog„li ilgarilab ketishi mumkinligiga yorqin misodir. 
Ijtimoiy  ongning  strukturasi  ijtimoiy  munosabatlar  va  kishilar  faoliyatining  turlari  bilan 
belgilanadi.  Odamlar  faoliyati  qanchalik  xilma  -  xil  bo„lsa,  ijtimoiy  ong  ham  shunchalik  boy  va 
murakkab  bo„ladi.  Voqelikni  aks  ettirish  darajasiga  ko„ra  ijtimoiy  ong  odatiy  va  nazariy  ongga 
bo„linadi. 
Odatiy ong hayotiy tajriba asosida vujudga kelgan oddiy xulosalar, qarashlar majmuidan iborat 
bo„lib,  kishilarning  kundalik  hayotidagi  voqelikni  aks  ettiradi,  va  rivojlanadi.  U  alohida  olingan 
shaxsning tajribasi, malakasiga bog„liq. 
Nazariy  ong  deganda,  nazariyotchilar,  olimlar  ishlab  chiqqan  nazariy  qarashlar  va  ilmiy 
bilimlar  tizimi  tushuniladi.  Odatiy  ongdan  farqli  o„laroq  nazariy  ong  o„zgaruvchan  harakterga  ega. 
Bu  o„zgaruvchanlik  ilmiy  bilimlarning  shiddatli  rivojlanishi,  voqelik  haqidagi  bilimlarning  doimo 
chuqurlashib  va  kengayib  borishi  bilan  belgilanadi.  Shuningdek,  odatiy  ongga  voqealarning  tashqi 
tmomnini ifodalash xos bo„lsa, nazariy ong voqealarning mohiyatini, rivojlanish qonuniyatlarini aks 
ettiradi.  Shuning  uchun  ham  u  odatiy  ongga  faol  ta‟sir  qiladi  va  kundalik  tajribada  hosil  qilingan 
bilimlarni saralashga yordam berdi. 
Ijtimoiy psixologiya sotsial muhit, kundalik turmush sharoitlari ta‟siri ostida vujudga keladi va 
rivojlanadi.  Uni  sub‟ektga  ko„ra  muayyan  ijtimoiy  guruh,  elat,  millat  psixologiyasi  kabi  turlarga 
bo„lish mumkin. 
Millatlarning etnosotsial birlik sifatida shakllanishida ijtimoiy - iqtisodiy munosabatlar ustivor 
ahamiyatga  ega.  Alohida  olingan  bir  millatga  xos  bo„lgan  psixologik  jihatlarni  ushbu  millat  bosib 
o„tgan  tarixiy  yo„ldan, halqaro  iqtisodiy, siyosiy, madaniy  munosabatlardan  qidirish  zarur. Ijtimoiy 
voqelikning o„zgarishi bilan milliy psixologiyaga xos bo„lgan xususiyatlar ham o„zgarib boradi. 
Milliy  psixologiyaga  xos  jihatlarni  ijtimoiy  -  siyosiy,  iqtisodiy  o„zgarishlarni  amalga 
oshirishda  inobatga  olish  muhim  ahamiyatga  ega.  Bu  amalga  oshirilayotgan  siyosatning  halq 
ko„nglidan chuqur joy olishini hamda ushbu o„zgarishlarning muvaffaqiyatini ta‟minlaydi. 

---

59 
 
Ijtimoiy mafkura (idealogiya) ijtimoiy psixologiyadan tubdan farq qiladi. Ijtimoiy psixologiya 
sotsial  guruhlar  hayotini  muayyan  his  -  tuyg„ular,  kayfiyatlarda  bevosita  aks  ettirsa,  ijtimoiy 
idealogiya  sotsial  guruhlar  ehtiyojlari,  manfaatlarining  ichki  mohiyatini,  sababini  har  xil  g„oyalar, 
nazariyalar, ta‟limotlar shaklida aks ettiradi. Shuning uchun ham ijtimoiy hayotga aks ta‟sir o„tkaza 
olish xususiyatiga ega bo„ladi.