Фан: автомобиль транспортида ахборот технологиялари маърузачи: к.ў. С. С. Ражапова

Фан: АВТОМОБИЛЬ ТРАНСПОРТИДА АХБОРОТ ТЕХНОЛОГИЯЛАРИ

Маърузачи: к.ў. С.С.Ражапова

10-МАЪРУЗА

• Мавзу: Автомобиль транспортида ахборот тизимлари интеграцияси (4 соат)
• Мақсад: Ахборот тизимларидан фойдаланиш ҳамда уларнинг шаҳарлар ва автомагистраллардаги тирбандликларни чеклашга таъсири, светофорларни бошқариш тизими (Urban Traffic Control-UTC) ва шахсий транспорт воситалари учун ахборот тизимлари(Traffic Information System-TIS)ни интеграллаштириш, электрон тўлов тизими (EFC-Electronic Free Collection) иш фаолиятини ўрганиш ва таҳлил қилиш.
• Режа:
• 1. Транспорт оқимига таъсир этувчи ахборот тизимлари.
• 2. Ҳайдовчиларни ахборот билан таъминлаш.
• 3. Транспортда электрон тўлов тизими.
• 4. Транспорт воситасининг ҳаракатдаги вазни назорати.
• Калит сўзлар: Светофорларни бошқаришнинг интеграллашган тизимлари (Urban Traffic Control-UTC), индивидуал транспорт воситалари учун ахборот тизимлари (Traffic Information System-TIS), TFIS – транспорт оқимига таъсир кўрсатувчи ахборот тизими (Traffic Flow Information System), UTC ва TIS бошқаруви учун интеграция даражалари, транспортда электрон тўлов тизими (EFC-Electronic Free Collection), TMC – транспорт маълумотларини рақамли узатиш (Traffic Message Channel).

1. Транспорт оқимига таъсир этувчи ахборот тизимлари.

Шаҳарларда ва автомагистралларда ахборот тизимларини қўллаш ва уларнинг тирбандликларни камайтиришга таъсирини ўрганиш бир қатор Европа лойиҳаларининг тадқиқот предмети бўлиб, улардан энг салмоқлиси EURO-SCOUT лойиҳаси ҳисобланади.
Сўнгги йилларда яратилган транспортни бошқариш шаҳар тизимлари, транспорт ҳолатидан келиб чиқиб, вақтни қайд этиш ва дастурларни танлашга асосланган энг содда бошқаришдан бошлаб, то бутун транспорт тармоғининг бошқариш параметрларини ўлчаш ёрдамида транспорт тармоғининг самарадорлигини ошириш стратегияларигача бўлган светофорларни бошқаришнинг турли алгоритмларидан фойдаланадилар. Бу алгоритмлар таркибига, шунингдек, ахборот воситалари ёрдамида транспорт воситаларини бошқариш ҳам киради.