Fan: Jahon tarixi Sinf 8 Dars – 1

Yakobinchilar diktaturasining ag’darilishi. Konventda Robespyer va uning tarafdorlariga qarshi fitna tayyorlandi. 1794-yilning 27-iyulida Konvent unga qarshi ayblov e’lon qildi va Robespyerni qamoqqa oldi. Shuningdek, Konvent uni qonundan tashqari deb ham e’lon qildi. Bu-sudsiz qatl etish degani edi. Hammasi bo’lib yuzga yaqin kishi qatl etildi. Shu tariqa yakobinchilar diktaturasi quladi. Bu inqilobning tugashi ham edi.

Direktoriya. Hokimiyat tepasiga yana jirondachilar keldi. Ular mulkni va erkinlikni, tadbirkorlikni himoya qiladigan Respublika tarafdori edilar. 1795-yilda Konvent yangi Konstitutsiya qabul qildi. U mamlakatda respublika tuzumini mustahkamladi. Inqilobning feodal tartiblarni tugatish haqidagi barcha qarorlarini tasdiqladi. Mamlakatda 2 palatali parlament tashkil etildi. U 1795-1799-yillar mobaynida mamlakatni boshqardi. Bu davrda monarxiya tarafdorlari isyon ko’tardilar. Ularning maqsadi monarxiyani qayta tiklash edi. Biroq general Napoleon Bonapart Konventning xaloskori bo’ldi. U isyonchilar kuchini tor mor etdi. Bu xaloskorlik unga yorqin kelajak sari yo’l ochdi. 1798-yili Misrga qilingan yurish Napoleonni siyosiy

hokimiyatni egallashga chorladi.