Фарғона давлат университети ҳузуридаги илмий даражалар берувчи dsc

Тадқиқотнинг объекти сифатида мифологик ва диний характердаги 
билимлар тузилмаларини ифодаловчи лексик, фразеологик, паремиологик 
тил бирликлари ҳамда бадиий матн олинган. 
Тадқиқотнинг предмети сифатида диний-мифологик тафаккурни 
дунёнинг лисоний тасвирида акс эттирувчи тил бирликларининг когнитив-
концептуал ва лингвомаданий моҳиятини асослаш ҳисобланади. 
Тадқиқотнинг усуллари. Дисертация ишини бажаришда
фанлараро 
ёндашувдан фойдаланилган бўлиб, у анъанавий методлар билан бир қаторда 
янги таҳлил методларини ҳам ўз ичига олган, хусусан, идентификация, 
тавсифий, этимологик таҳлил, контекстуал таҳлил, интертекстуал таҳлил, 
қиёсий-чоғиштирма, когнитив моделлаштириш, оппозициялар, когнитив 
харита тузиш усулларидан фойдаланилган. 
Тадқиқотнинг илмий янгилиги қуйидагилардан иборат: 
теолингвистикада диний тил ва матнларнинг лингвистик хусусиятларини 
рганувчи ҳамда диний дунё тасвирини умумадабий тилда акс этишини 
ўрганувчи иккита асосий йўналиш ажратиб берилган; 
диний-мифологик маркерланган лексик, фразеологик, паремиологик 
бирликлар ёритилган ва уларнинг тил ва нутқда қўлланишига таъсир этувчи 
лингвистик ва экстралингвистик омиллар очиб берилган;
диний-мифологик маркерланган тил бирликларининг этимологик ва 
мавзуий таснифлари ишлаб чиқилиб, уларнинг дунё лисоний тасвири 
шаклланишида когнитив-концептуал, маданий ва рамзий аҳамияти 
далилланган; 
бинарлик тамойилини диний дунё тасвирини категориялаш когнитив 
тамойили сифатида кўриб чиқиш мақсадга мувофиқлиги асосланган ва унинг 
асосида диний концептлар қўрилишининг моделлари ҳамда уларни 
вербаллаштирувчи лисоний воситалар аниқланган; 
диний-мифологик концептларнинг мажмуаси аниқланиб уларни 
бинарлик, универсаллик ва дифференциаллик, аксиологик аҳамияти, ядро ва 
периферия бўйича таснифлаш тамойиллари ишлаб чиқилган ва ушбу 
концептларнинг бадиий матнда вербаллашув усуллари ёритилган; 
тил ва дин муносабати, дунё диний тасвирининг тилда акс этишини 
ўрганишга қаратилган теолингвистикани мустақил фанлараро лингвистик 
йўналиш сифатида эътироф этиш мумкинлиги асосланган.